မပူမအေးဥတုသတိပြု

ရာသီဥတုက ဆောင်းအကုန် နွေအကူး တစ်ညလုံး စောင်ခြုံနှင့်ကွေးနေရာမှ အအေးပေါ့လာသဖြင့် နံနက်စောစောထပြီး နေအိမ်ရှေ့တွင် ရေဖျန်းသူ လူကြီးတစ်ဦးမှာ လေဖြတ်သွားသည်။

အသက် ၇ဝ ခန့်ရှိသည့် ထိုလူကြီးသည် အိမ်ရှေ့တွင် ကား၊ ဆိုင်ကယ်များ ဖြတ်သန်းသွားလျှင် ဖုန်ထသဖြင့် ရေပုံးဖြင့်ဆွဲပြီး ရေဖျန်းခြင်းဖြစ်သည်။ ရုတ်တရက် ကိုယ်တစ်ခြမ်း လေးလာသဖြင့် အိမ်အတွင်းမှ မိသားစုများကို လှမ်းခေါ်သောအခါ စကားမပီ ဗလုံးဗထွေးဖြစ်မှ လေဖြတ်မှန်းသိသည်။ သွေးပေါင်ချိန် များစွာ မြင့်တက်ပြီး လေဖြတ်ရခြင်းဖြစ်သည်ဟု သိရသည်။

လေဖြတ်သူအတော်များများသည် နံနက်စောစော အရုဏ်တက်ချိန်တွင် ဖြစ်လေ့ရှိသည်။ အနောက်တိုင်း သုတေသီများက သွေးတိုး၊ လေဖြတ်သူများသည် နံနက် ၁ဝ နာရီအတွင်း အဖြစ်များသည်ဟု ဆိုသည်။

နံနက်စောစော အိပ်ရာမှထပြီး အိမ်သာတက်ရာမှ လဲကျလေဖြတ်သူ၊ အချို့မှာ အိမ်သာ အတွင်းမှာပင် လေဖြတ်နေသူ များစွာသည် သွေးတိုးစောင့်တက်ပြီး ဖြစ်ရသည်။ ရုတ်တရက် သွေးတိုးရခြင်း၏ အကြောင်းရင်းခံမှာလည်း အအေးပပ်ပြီး ဦးခေါင်းပိုင်း၊ လည်ပင်းရှိ သွေးကြောကြီးများ ကျုံ့သွားရာမှ သွေးကို ညှစ်ထုတ်သကဲ့သို့ဖြစ်ပြီး ဦးနှောက်သွေးကြောပေါက်ခြင်း၊ သွေးကြောနံရံမှ သွေးခဲအချို့ပြုတ်ထွက်ပြီး ဦးနှောက်အတွင်းသို့ ရောက်ရှိကာ ပိတ်ဆို့သွားခြင်း အကြောင်းနှစ်မျိုးကြောင့် ဖြစ်သည်။

တစ်ညလျှင် လေး၊ ငါးကြိမ် ဆီးထသွားလေ့ရှိသည့် လူကြီးများ၊ အထူးသဖြင့် အမျိုးသား လူကြီးများသည် လေဖြတ်နိုင်ခြေ ပို၍ရှိသည်ကို လေ့လာတွေ့ရှိရသည်။ မြန်မာလူမျိုးတို့၏ အိမ်ဆောက်သည့် ဓလေ့မှာ အိမ်အတွင်းတွင် အိမ်သာမထား၊ အိမ်အပြင်ဘက်တွင် အိမ်သာထားလေ့ ရှိသောကြောင့် အိမ်အပြင်ဘက် ထွက်သွားရာမှ အအေးပပ်ပြီး လေဖြတ်နိုင်သဖြင့် လူကြီးများအတွက် အခန်းတွင်းတွင် ဆီးသွားရန် ဆီးအိုးထားပေးခြင်းဖြင့် ပြင်ပလေဖြင့် အအေးပပ် လေဖြတ်ခြင်းမှ ကာကွယ်နိုင်သည်။

လေဖြတ်ခြင်းသည် အဆီနှင့် အငန် အစားများသဖြင့် နှစ်ချီ၍ ရှေ့ပြေးလက္ခဏာများ ပြနေပြီး ဖြတ်ရခြင်းရှိသကဲ့သို့ အခန့်မသင့်၍ ရုတ်တရက် အပူအအေး မညီမျှမှုကြောင့် လေဖြတ်ရခြင်းလည်း ရှိသည်ကို သတိပြုသင့်သည်။

ရာသီဥတု သာယာလာပြီဟု နံနက်စောစောထပြီး ရေချိုးခြင်းကြောင့် လေမဖြတ်စေရန် ချက်ချင်း ရေမချိုးပါနှင့်၊ ကိုယ်လက် လှုပ်ရှားမှုမရှိဘဲ ရေအေးမချိုးပါနှင့်၊ ရေချိုးလိုသည့် ဆန္ဒရှိလျှင် ဦးစွာပထမ လမ်းလျှောက်ပါ။ ကိုယ်လက်လှုပ်ရှား မှုလေ့ကျင့်ခန်းတစ်ခုခုပြုလုပ်ပါ။ လမ်းလျှောက်လျှင်လည်း အနှေးလျှောက်၊ အမြန်လျှောက်၊
လက်များကိုလွှဲပေးခြင်းစသည့် လေ့ကျင့်ခန်းများ ပြုလုပ်နိုင်ပါသည်။ အနွေးထည်အင်္ကျီ ထူထူ ဝတ်ထားလျှင် ချွေးအနည်းငယ်စို့ပြီး ကိုယ် အပူရှိန်လည်း တက်လာပါလိမ့်မည်။

ရေအေးချိုးခြင်းသည် ခန္ဓာကိုယ်အပူငွေ့ဖြင့် နွေးနေချိန်တွင် ချိုးသင့်သည်။ အငွေ့မရှိ အေးစက်နေလျှင် ရေအေး မချိုးသင့်ပါ။ လူကြီးများ နံနက်စောစော ရေအေးကိုင်ခြင်း၊ ရေလောင်း ခြေဆေးခြင်း တို့ကြောင့် လေဖြတ်နိုင်သည် ကို သတိပြုပါ။ ကိုယ်လက်လှုပ်ရှား လေ့ကျင့်ခန်းမလုပ်ဘဲ ရေချိုးလျှင် ရေနွေးအနည်းငယ် စပ်ထားသော ရေဖြင့် ဦးစွာချိုးသင့်ပါသည်။

မည်သည့် အသက်အရွယ်မဆို ရေချိုးလျှင် ဒူးအောက်ပိုင်းကို ရေလောင်းခြေဆေးပြီးမှ ဒူးအထက်၊ ပေါင်အလယ်၊ ခါးအောက်ပိုင်း စသည်ဖြင့် အပေါ်သို့ တဖြည်းဖြည်းတက်ပြီး ရေလောင်းချိုးခြင်းသာ အကောင်းဆုံးဖြစ်သည်။ လူကြီး၊ လူငယ်မရွေး ရေအေးကို ရုတ်တရက် ဦးခေါင်းမှ လောင်းချခြင်းသည် အန္တရာယ်ရှိသည်။ 

အသက်ငယ်ငယ်နှင့် မျက်မှန်တပ်ရသူများသည် ဤကဲ့သို့ ရေချိုးသဖြင့်၊ ရေချိုးနည်းမှားသဖြင့် ဖြစ်ရခြင်း
ဖြစ်သည်။ လူကြီးများတွင်လည်း ဦးခေါင်းမှ ရေလောင်းချိုးလျှင် မျက်စိတိမ်စွဲ ရောဂါဖြစ်တတ်သည်။ ခေါင်းကိုက်ရောဂါလည်း ဖြစ်တတ်သည်ကို သတိပြုဖို့လိုသည်။

ဆောင်းအကုန် နွေအကူးတွင် အအေးပေါ့သွားသဖြင့် အင်္ကျီချွတ်နှင့် သို့မဟုတ် အင်္ကျီအပါးဖြင့် အပြင်ထွက် အလုပ်လုပ်သူများ ရုတ်တရက် ကိုယ်တွင်းအပူငုပ်ပြီး ချမ်းလာသလိုဖြစ်ရာမှ သွေးကြောများ ကျုံ့ပြီး သွေးပေါင် တက်လာတတ်သည်။

ယခင်က သွေးတိုးမရှိဖူးပါဘူးဟု ပြောသူများ ပို၍ပင် လေဖြတ်လေ့ ရှိသည်ကို တွေ့ရသည်။ သွေးတိုးရှိသဖြင့် ကုသမှုခံယူပြီး ဆေးမှန်မှန်သောက်၊ အစားဆင်ခြင်နေသဖြင့် လေဖြတ်ခံရမှုနည်းပါးပြီး သွေးတိုးမရှိသူ၊ တစ်ခါ
တစ်ရံ သွေးတက်မှ ဆေးသောက်လေ့ ရှိသူများက ပို၍လေဖြတ်နိုင်ခြေ ရှိသည်ကို တွေ့ရသည်။

နံနက်အိပ်ရာထ(မျက်နှာမသစ်မီ) ရေအေး တစ်ခွက်သောက်ပေးခြင်းဖြင့် အစာအိမ်မှ တစ်ဆင့် ကိုယ်တွင်းအောင်းနေသော အပူများကို ငြိမ်းစေနိုင်သည်။ ရေသောက်ပြီးမှ မျက်နှာသစ်၊ မျက်နှာသစ်ပြီးမှ သွားတိုက်ခြင်းသည် မှန်ကန်သော ကျန်းမာရေး လမ်းစဉ်ဖြစ်သည်။

နံနက်အိပ်ရာထ ရေချိုးလေ့ရှိသူများသည် ဆောင်းတွင်းတွင် ရေမချိုးရဲကြ၊ ဆောင်းအကုန် အအေးပေါ့လာသော အခါ ရေချိုးချင်လာကြသည်။ ရေမချိုးတာကြာ၍ အကျင့်မရှိဖြစ်နေရာ မှ ရေချိုးလိုက်ချိန်တွင် အခန့်မသင့်လျှင် အအေးပပ်ခြင်း၊ သွေးတိုးတက်ခြင်းဖြစ်နိုင်သဖြင့် ရေနွေးအနည်းငယ် စပ်ချိုးသင့်သည်။ ရေနွေးနွေးချိုး ပြီး အပြီးသတ်မှသာ ရေအေးချိုးခြင်းဖြင့် ရုတ်တရက်လေဖြတ်ခြင်းမှ ကာကွယ်နိုင်ကြောင်း တင်ပြလိုက်ရပါသည်။

ကြည်လွင်မြင့် (မုဒြာ)
Credit : Mirror

အောင်မြင့်မြတ်(Myanmar Youths)