ဆံပင်နက်မှောင်သန်စွမ်းစေဖို့

ဆံပင်သာမကဘဲ အရေပြားပါ ကျန်းမာစေချင်တယ်ဆိုရင်တော့ အာဟာရဓာတ် မျိုးစုံကို ပြည့်စုံစွာ စားသုံးပေးဖို့ လိုအပ်ပါတယ်။ ဆံပင်သား နက်မှောင်ချင်သူတွေ အတွက်ဆိုရင် ပရိုတင်းဓာတ်၊ ဗီတာမင် A, B, C, D, E ၊ သံဓာတ်၊ ကယ်လီစီယမ်ဓာတ်၊ အိုင်အိုဒင်းဓာတ်နဲ့ ဆာလ်ဖာဓာတ်တွေကို ပြည့်စုံအောင် မှီဝဲပေးရမှာပါ။

ပရိုတင်းဓာတ်ကိုဆိုရင် အသား၊ ငါး၊ နို့၊ ဥတွေနဲ့ ဒိန်ချဉ်တို့ကနေ ရနိုင်ပါတယ်။ ဗီတာမင် A ဓာတ် ကိုတော့ ထောပတ်၊ မုန်လာဥဝါ၊ ခရမ်းချဉ်သီး၊ ဆီးသီးခြောက်တွေနဲ့ အစိမ်းရောင်အရွက်တွေကို စားပေးခြင်းဖြင့် ရရှိနိုင်ပါတယ်။ ဗီတာမင် B ကတော့ ပေါင်မုန့်၊ ကွေကာ၊ ကုလားပဲ၊ ပဲပိစပ်၊ ကြက်သားနဲ့ ငါးတို့မှာ ပါဝင်နေပါတယ်။ အချဉ်ဓာတ်ပါတဲ့အသီး၊ ငှက်ပျောသီးနှင့် ထောပတ်သီး တို့ကနေတော့ ဗီတာမင် C ဓာတ်ကို ရရှိနိုင်ပါတယ်။ နောက်ပြီး ငါးအဆီ၊ နို့နဲ့ဥတွေကတော့ ဗီတာမင် D ဓာတ်ကို ရနိုင်ပါတယ်။ ဗီတာမင် E ကတော့ မြေပဲ၊ အစိမ်းရောင်အရွက်တွေနဲ့ ဟင်းသီးဟင်းရွက် ဆီတွေမှာ ပါဝင်နေပါတယ်။ သံဓာတ်ဆိုရင်တော့ အသည်း၊ ကျောက်ကပ်၊ ပဲသီးတောင့်နဲ့ စားတော်ပဲ၊ သစ်သီးခြောက်၊ ယောက်သွားတို့မှာ ပါဝင်နေတာပါ။

ဒါအပြင် ကယ်လ်စီယမ်ဓာတ်ဆိုရင်တော့ ဒိန်ခဲ၊ အစေ့များ၊ ဥများ၊ နို့၊ ဒိန်ချဉ်၊ ဆာဒင်းငါးတို့မှာ ပါဝင်နေပါတယ်။ အိုင်အိုဒင်းဓာတ် ပြည့်စုံဖို့ဆိုရင် ပင်လယ်စာနှင့် အိုင်အိုဒင်းဓာတ် ပြည့်စုံဖို့ဆိုရင် ပင်လယ်စာနှင့် အိုင်အိုဒင်းဆား တို့ကို စားသုံးပေးရမှာပါ။ ဆာလ်ဖာဓာတ်ကိုတော့ ဥတွေ၊ အသား၊ ဒိန်ခဲနှင့် အခြားနို့ထွက်ပစ္စည်းတွေကနေ ရရှိနိုင်တယ် ဆိုတဲ့အကြောင်း ဖြေကြားပေးလိုက်ပါတယ်။

Credit : ခခ (မအူပင်)
Health for all magazine
Healthcare.com.mm သင့်ကျန်းမာရေး စောင့်ရှောက်ပေး

အောင်မြင့်မြတ်(Myanmar Youths)

Read More

အအေးမိဝေဒနာပျောက်စေတဲ့ကြက်သွန်ဖြူ

မကြာခင်က ပြုလုပ်တဲ့လေ့လာမှုအရ ကြက်သွန်ဖြူဥ ၂ တက်ကို ဒီအတိုင်း ဒါမှမဟုတ် အနည်းငယ်ကြိတ်ပြီး ပျားရည်နဲ့ ရောစပ်ကာ စားသုံးတာကြောင့် စားပြီးသုံးနာရီအတွင်း အအေးမိဝေဒနာ ပျောက်ကင်းနိုင်တယ်လို့ သိရပါတယ်။

ကြက်သွန်ဖြူ ၂ ဥက ခုခံအားစနစ် ကောင်းစေနိုင်တဲ့အတွက်သွေးဖြူဥ ထုတ်လုပ်မှု ပိုကောင်းမွန်နိုင်တာနှင့် ကင်ဆာကို တွန်းလှန်နိုင်မှုအတွက် ဗီဇ Gene တွေရဲ့လှုပ်ရှားမှုကို မြှင့်တင်စေနိုင်တာကြောင့်လို့ ဆိုပါတယ်။ ကြက်သွန်ဖြူမှာ ပါဝင်တဲ့ ဆီလီနီယမ်လိုမျိုး သတ္တုဓာတ်၊ တစ်ချို့ အင်ဇိုင်း၊ ဗီတာမင်စီနဲ့ ဆာလဖာ ပါဝင်တဲ့ ဒြပ်ပေါင်းတွေကြောင့် ဒီလိုအကျိုးကျေးဇူးတွေ ရရှိတာပါ။ 

ကြက်သွန်ဖြူ ကို ကြိတ်လိုက်တဲ့အတွက် ထွက်ရှိလာတဲ့ Allinose အင်ဇိုင်းက ဘက်တီးရီးယားကို တိုက်ခိုက်နိုင်တဲ့ Allicin အဖြစ် ပြောင်းလဲသွားပါတယ်။ ဟင်းချက်ပါက ထုကြိတ်ပြီး ၁၀ မိနစ်အကြာမှာ အပူပေးပါ။

အောင်မြင့်မြတ်(Myanmar Youths)

Read More

အသည်းခြောက်ရောဂါအတွက်အိမ်တွင်းဖြစ်ဆေးနည်းလေးများ

နည်းလမ်း ၁။ ။

သဘောင်္သီးအစေ့ကို အရည်ညှစ်ပါ။ ထွက်လာသောအရည် ၁ဇွန်း ထဲ
သို့ သံပရာသီး အရည် ၂ ဇွန်း နှင့်ရော ထည့်လိုက်ပါ။ သမအောင်မွှေပါ။ တစ်နေ့ ၂ ကြိမ် သောက်ပါ။

နည်းလမ်း ၂။ ။
ရေတစ်ခွက်ထဲသို့ လီမွန်သီး တစ်ခြမ်း ညှစ်ထည့်ပါ။ ဆား လက်ဖက်စားဇွန်း ၁ ဇွန်းထည့်ပါ။ သမအောင်မွှေပါ။ တစ်နေ့ ၃ ကြိမ်သောက်ပါ။

အထက်ပါနည်းလေးတွေစမ်းကြည့်နိုင်ပါတယ်။ လွယ်ကူစွာ လုပ်ဆောင်နိုင်ပြီး အသည်းခြောက်ရောဂါကို သက်သာ စေမှာပါ။ ဆေးသောက်စဉ် အရက် လုံးဝ မသောက်ရပါ။ ဆိုးဆေးပါသော အစာများ လုံးဝ မစားရပါ။ အသီးအရွက်စားပါ။ အိပ်ရေးဝအောင်အိပ်ပါ။

Credit : Dr.Marie

အောင်မြင့်မြတ်(Myanmar Youths)

Read More

ထိပ်ပြောင်တဲ့သူတွေပူအတွက်ငှက်ပြောပင်စည်

ဦးရေပူခြင်း၊ ဆံပင်ကျွတ်ခြင်း ၊ဆံပင်ပါးခြင်း ၊ထိပ်ပြောင်ခြင်းတို့အတွက် ငှက်ပျောပင်စည်ကို ဓါးနှင့်ဖြတ်လို့ ထိပ်ပိုင်းကို အခေါင်းကွက်ထားပြီး အချိန်အနည်းငယ် ကြာတဲ့အခါ  အဲဒီအခေါင်းမှာ အရည်တွေပြည့်လာပြီဆိုရင် အဲဒီအရည်ကို ခပ်ယူပြီး ဖန်ပုလင်းမှာ သိမ်းထားလို့ ဦးရေပြားကို မကြာမကြာ လိမ်းပေးရမယ်လို့ တိုင်းရင်းဆေးကျမ်းများမှာ ဖော်ပြထားပါတယ်...

အောင်မြင့်မြတ်(Myanmar Youths)

Read More

ကြွက်တတ် တတ်သောသူတွေအတွက်အကြံပြုချက်

ကြွက်တက်တဲ့အခါ ကြွက်သားတွေ မခံမရပ်နိုင် နာကျင်ပြီး လှုပ်ရှားလို့ မရတော့ဘူး။

အမှန်က ကြွက်သားတွေ contraction ကျုံ့ပြီး ဆွဲညှစ်သလို ဖြစ်တာကြောင့် လှုပ်လို့မရတော့တာပါ။ အများအားဖြင့် မိနစ်ပိုင်းခန့် ကြာတတ်ပြီး တခါတရံ နာရီနဲ့ချီပြီး နာကျင်တတ်တယ်။ ဘာဆေးမှမလိမ်း၊ ဘာမှမလုပ်ပဲ ထားလိုက်ရတောင် သူ့ဘာသာ သက်သာသွားတတ်တယ်။

ကြွက်တက်တာ ဘာကြောင့်မို့ဖြစ်သလဲ။

ဖြစ်စေတဲ့ အကြောင်းရင်းကို အတိအကျမသိရပဲ သီအိုရီလောက်သာ ဖြစ်နိုင်ခြေကို မှန်းဆရတယ်။

- ခန္ဓာကိုယ်တွင်း ဓာတ်ဆားမညီမျှမှု
- ကြွက်သားတွေ အားအင်ကုန်ခန်းလို့
- ရုတ်တရက် လှုပ်ရှားမှုများစေတာ
- အာရုံကြောရောဂါရှိလို့
- သွေးလုံလောက်စွာ မလျှောက်နိုင်လို့
- အစားအသောက်၊ အနေအထိုင်မမှန်လို့
- နှလုံးရောဂါ အခံရှိသူတွေ
- ဆေးဝါးသုံးစွဲမှုရဲ့ ဘေးထွက်ဆိုးကျိုး စသဖြင့် အမျိုးမျိုး ဆိုကြပါတယ်။

ဘယ်သူတွေက ဖြစ်နိုင်ခြေများလဲ။

အသက်ကြီးတာနဲ့ ဖြစ်နိုင်ခြေပိုများ၊ ပိုဖြစ်တတ်ပါတယ်။ ကိုယ်ဝန်ဆောင် မိခင်တွေလဲ ဘာကြောင့်မှန်းမသိ ဖြစ်တတ်ကြတယ်။ ကိုယ်ဝန်ဆောင် နောက်ပိုင်းမှာ အတွေ့ရများတယ်။ နှလုံးရောဂါ၊ အသည်းရောဂါ၊ သွေးတွင်း သိုင်းရွိုက်ဟော်မုန်း နည်းတဲ့ရောဂါသည်တွေ အဖြစ်များတယ်။

သွေးလဲ ကုသရသူတွေမှာလည်း အဖြစ်များပါတယ်။ အားကစားသမားတွေ၊ ပူပြင်းတဲ့ နေရောင်အောက်မှာ အလုပ်လုပ်ရသူတွေ၊ ချွေးထွက်လွန်းသူတွေကို ဖြစ်နိုင်ခြေ များသူများအဖြစ် သတ်မှတ်ပါတယ်။

ကြွက်တတ်ပြီဆိုတာနဲ့ အများဆုံးဖြစ်စေတဲ့ နေရာက ခြေသလုံးကြွက်သားပါ။

ပေါင်ကြွက်သားနဲ့ ခြေထောက် ကြွက်သားတွေဟာလည်း အဖြစ်များတဲ့ အုပ်စုထဲမှာ ပါဝင်ပါတယ်။

ခန္ဓာကိုယ်အောက်ပိုင်း ကြွက်သားတွေမှာ အဖြစ်များပေမယ့် အထက်ပိုင်း ကြွက်သားတွေဟာတော့ အဖြစ်နည်းပါတယ်။ လေ့လာမှုတစ်ခုအရ လူတယောက်ဟာ တကြိမ်မဟုတ် တကြိမ်တော့ ကြွက်တက်ကြဖူးမယ်လို့ ဆိုပါတယ်။

ဒါ့အပြင် ဆေးသုံးစွဲသူတွေလည်း ဆေးရဲ့ဘေးထွက်ဆိုးကျိုးကြောင့် ကြွက်တက်တာမျိုး ခံစားရတတ်ပါတယ်။ အဖြစ်များတဲ့ဆေးတွေက

- ပန်းနာရင်ကျပ်ပျောက်ဆေး (salbutamol,terbutaline)
- ဆီးဆေး (lasix)
- သွေးကျဆေး (nifedipine)
- အဆီကျဆေး (atorvastatin)
- penicillamine
- အမျိုးသမီး အရိုးပွရောဂါမှာသုံးတဲ့ (raloxifene) စတာတွေဟာ ကြွက်တက်စေနိုင် ပါတယ်။ ဒီထဲမှာ ဆီးဆေး၊ သွေးကျဆေး၊ ပန်းနာရင်ကျပ် ပျောက်ဆေးတွေက အတော်အဖြစ်များတာ တွေ့ရပါတယ်။

ကြွက်တက်လာရင် ဘယ်လိုခံစားရလဲ။

ဖြစ်တဲ့နေရာက တောင့်တင်းပြီး မလှုပ်ရှားနိုင်ဖြစ်ရတယ်။ ကိုင်ကြည့်လိုက်ရင် သိသိသာသာ မာကျောနေတာကို တွေ့ရပါတယ်။ ဖြစ်စမှာ မခံမရပ်နိုင် နာကျင်စေတယ်။ လှုပ်လေ ပိုဆိုးလေ ဆိုပေမယ့် လှုပ်လို့မရတာက များတယ်။

အများအားဖြင့် ဆယ်မိနစ်ခန့်အတွင်း သက်သာသွားတတ်တယ်။ တချို့ နာရီပိုင်းထိ ကြာတတ်သလို အရှင်းမပျောက်သလို ခံစားရတာမျိုးလည်း ရှိတတ်ပါတယ်။

အကြောကပ်တဲ့ ပုံစံမျိုးနဲ့လည်း လာတတ်တယ်။ ခြေထောက်က ယာယီအသုံးမပြုနိုင်ပဲ သူများကိုကိုင်ပြီး ထော့နဲ့နဲ့ လာတာမျိုး ကြုံရဖူးတယ်။ ဖြစ်ပြီးရင် အများအားဖြင့် ပုံမှန်ပြန်ဖြစ်သွားတယ်။

ဖြစ်လာရင် ဘာလုပ်ပေးဖို့လိုသလဲ။

အများအားဖြင့် လုပ်စရာမလိုပဲ သူ့ဘာသာ ပြန်ကောင်းလာပါတယ်။ စိတ်အေးအေးထားပါ။ သို့သော်ဖြစ်တဲ့ အစိတ်အပိုင်းကို ပူနွေးအောင် လုပ်ပေးခြင်းက သက်သာတာကို မြန်ဆန်စေနိုင်ပါတယ်။

အလွယ်ကူဆုံးက ပူနွေးအောင် ပွတ်ပေးခိုင်းပါတယ်။ နောက်လုပ်သင့်တဲ့ တစ်ချက်က ဖြစ်တဲ့နေရာက ကြွက်သားမျှင်တွေကို ဆန့်တန်းပါစေ။ ကြွက်တတ်တာဟာ ကြွက်သားမျှင်တွေတိုပြီး ကျုံ့သွားလို့ ဖြစ်စေတာကြောင့် ဖြည်းဖြည်းချင်း ဆန့်တန်းနိုင်အောင် ကြိုးစားပါ။

အလွယ်ကူဆုံးနည်းက ခြေသလုံး ကြွက်တက်တဲ့အခါ ဖြစ်တဲ့ဘက်က ခြေမကို နောက်ချိုးပေးတာနဲ့ သက်သာတာ မြန်ဆန်လာစေပါတယ်။

နောက်တချက်က ဖြစ်တဲ့ကြွက်သားကို အလုပ်ပေးဖို့ လုံးဝမကြိုးစားပါနဲ့။ အနားယူခိုင်းပါ။ အရည်များများ သောက်ခိုင်းဖို့ လိုအပ်ပါတယ်။

ရေထဲရောက်နေရင် ကုန်းပေါ်ရောက်အောင်၊ မှီခိုစရာနေရာတခု အမြန်ရှာပါ။ တခါဖြစ်ဖူးရင် သတိထားဖို့ လိုအပ်ပါတယ်။ ကြွက်တက်တတ် သူတွေဟာ ရေကူးတဲ့အခါ အလွန်သတိထားပြီး ကူးရပါမယ်။

အားကစားသမားတွေ၊ ပြင်းပြင်းထန်ထန် လေ့ကျင့်ခန်းလုပ်သူတွေ ကြွက်မတက်အောင် သေချာဂရုစိုက်သင့်တယ်။ ရာသီဥတု အေးခြင်းကလည်း ကြွက်သားတွေကို ကျုံ့စေနိုင်လို့ သတိထားသင့်ပါတယ်။

ဘယ်လို ကုသကြသလဲ။

ချွေးထွက်လွန်ပြီး ကြွက်တက်တဲ့အခါမျိုးမှာ ဓာတ်ဆားရည် သောက်သုံးသင့် ပါတယ်။ သာမန်အားဖြင့် ဓာတ်ဆားရည် သောက်လို့တော့ ဆိုးကျိုး ကြီးကြီးမားမား မရှိပါ။

ဖြစ်စေတဲ့ အကြောင်းရင်းတွေထဲမှာ ဆိုဒီယမ်၊ ပိုတက်ဆီယမ်၊ ကယ်လ်ဆီယမ်၊ မဂ္ဂနီဆီယမ်၊ ဂလူးကို့စ် စတာတွေ ချို့တဲ့တာကြောင့် ဆိုရင် ပြန်ဖြည့်ရမယ်။

အထူးသဖြင့် ကိုယ်ဝန်ဆောင် ကြွက်တက်တာအတွက် ကယ်လ်ဆီယမ်၊ မဂ္ဂနီစီယမ်ဓာတ်ကို  ဖြည့်စွက်ပေးသင့်တယ်။ ဆရာဝန်က ဖြည့်စွက်ဆေးတွေ ပေးလိမ့်မယ်။ ဘယ်အရာမဆို ပိုလည်း မကောင်း၊ လိုလည်း မကောင်းတာကြောင့် ချိန်ဆပြီး သုံးစွဲကြရပါတယ်။

ချိန်ဆတဲ့အခါ ဆရာဝန်ရဲ့အခန်းက အရေးပါလာပြီ။ ဆရာဝန်က လိုအပ်သလို အကြံပေးခိုင်းစေမယ်။ ဆေးသောက်တာ တစ်ခုတည်းတင်မက ဖြည့်စွက်စာ၊ ဓာတ်စာ၊ ရာသီစာတွေစားဖို့ အကြံပေးကောင်း ပေးမယ်။

ကျန်းမာရေး ဗဟုသုတရှိသူအချို့ ဆိုရင် ပိုတက်ဆီယမ်၊ ကယ်လ်ဆီယမ် ချို့တဲ့တာမျိုး သိနေပြီ။ ပိုတက်ဆီယမ်ဓာတ် ကြွယ်ဝတဲ့ ငှက်ပျောသီး၊ အုန်းရည်၊ စပျစ်သီး၊လိမ္မော်သီးတွေ စားသောက်ဖို့ညွန်းတယ်။

ကယ်လ်ဆီယမ်ဓာတ် ကြွယ်ဝတဲ့ နွားနို့၊ ချီးစ်၊ ဒိန်ချဉ်၊ ပင်လယ်စာ စားသုံးဖို့ အားပေးမယ်။ သိပ်လိုအပ်တယ် ထင်ရင် quinine လိုဆေးမျိုးကို ဆရာဝန်က ညွှန်မယ်။

ငှက်ဖျားဖြစ်လို့သောက်ခိုင်းတာ မဟုတ်ပဲ ကြွက်တက်တာကို သက်သာစေဖို့ရည်ရွယ်ပါတယ်။ quinine 300mg  ညစဉ် တစ်လုံးသောက်ခြင်းက ကြွက်တက်တာကို သက်သာစေပါတယ်။

တစ်လမှ သုံးလထိ လိုသလို ညွှန်ကြားမယ်။ quinine ရဲ့ ဆိုးရွားတဲ့ ဘေးထွက်ဆိုးကျိုးဖြစ်တဲ့ သွေးဥမွှားနည်းစေတဲ့ ပြဿနာကြောင့် အမေရိကား FDA ကတော့ သုံးစွဲဖို့ မသင့်ဘူးဆိုပါတယ်။

verapamil နဲ့ gabapentin ဆေးတွဲကို တချို့က သုံးစွဲကြပါတယ်။ burplex,cevit စတာတွေက ဘာဖြစ်ဖြစ် သုံးမယ်ဆိုတဲ့ ကျွန်တော်တို့ လူမျိုးတွေအတွက် သက်စောင့်ဆေးဖြစ်လို့ သောက်လိုက သောက်သုံး နိုင်ပါတယ်။

ဂလူးကို့စ်ထိုးဆေး ထိုးပေးတာ၊ calcium gluconate ပူရှိန်းဆေး ထိုးတာမျိုးတွေ လိုကောင်း လိုပါလိမ့်မယ်။ အာရုံကြောအားဆေး ၊သွေးကြောချဲ့ဆေး အချို့ကလည်း ကြွက်တက်ခြင်းကို သက်သာစေတတ် ပါတယ်။

ကြွက်တက်ခြင်းအတွက် အကြံပေးချက်


- အေးရင် ကြွက်သားတွေ ကျုံ့လာတတ် တာကြောင့် နွေးနွေးထွေးထွေး နေသင့်တယ်။
- လေ့ကျင့်ခန်း ပြင်းပြင်းထန်ထန် လုပ်ခြင်းမှ ရှောင်ကြဉ်သင့်တယ်။
- လေ့ကျင့်ခန်း မစမှီ သွေးပူ လေ့ကျင့်ခန်း အရင်လုပ်ပါ။
- ကြွက်သားမျှင်တွေ ဆန့်စေပြီး အကြောလျှော့ပါ။
- လုံးဝ အားအင်ကုန်ခန်းသည် အထိ ကြွက်သားကို အလုပ်မပေးပါနဲ့။
- လေ့ကျင့်ခန်းကို ဖြည်းဖြည်းချင်း တိုးပြီးလုပ်ဆောင်ပါ။
- ပြင်းထန်တဲ့ လေ့ကျင့်ခန်းဆိုရင် တစ်ထိုင်တည်း မလုပ်ပါနဲ့။
- ချွေးထွက် ကာမိစေရန် ဓာတ်ဆားရေကို လုံလောက်စွာ သောက်သုံးသင့်တယ်။
- လေ့ကျင့်ခန်းပြီးတိုင်း ကြွက်သားကို ပုံမှန်ဆန့်တန်းပြီး အကြောလျှော့ပေးပါ။
- ညပိုင်းမှ ကြွက်တက်သူတွေ အိပ်တဲ့အခါ ခြေထောက် (သို့) ခြေရင်းကို မြှင့်ထားသင့်ပါတယ်။
- ကြွက်သားမျှင်တွေ ဆန့်တန်းစေတဲ့ လေ့ကျင့်ခန်းမျိုး တနေ့ သုံးကြိမ်ခန့် ပုံမှန် လုပ်ဆောင်သင့်ပါတယ်။
- ဆေးလိမ်းတာ၊ ဖြစ်တဲ့နေရာကို နှိပ်နယ်ပေးတာမျိုးတွေ လုပ်ပေးနိုင်ပါတယ်။
- ဆေးရဲ့ဘေးထွက်ဆိုးကျိုးကြောင့် ဖြစ်ရင် ဆရာဝန်နဲ့ တိုင်ပင်ပြီး ဆေးလျှော့တာ၊ ဖြတ်တာမျိုးတွေ လုပ်နိုင်ပါတယ်။
- အသီးအရွက်စားပြီး ပုံမှန်လေ့ကျင့်ခန်းက ကြွက်တက်ခြင်းကို ကာကွယ်နိုင်တယ်လို့ ဆိုပါတယ်။

Credit  : ဒေါက်တာ အေးမင်းထူး

အောင်မြင့်မြတ်(Myanmar Youths)

Read More

စောစောစီးစီးဆံပင်ဖြူသူတွေ

အသက်အရွယ်ရလာလို့ ဆံပင်ဖြူတာ အကြောင်းမဟုတ်ပေမယ့် ငယ်ငယ်ရွယ်ရွယ် အစိတ်သုံးဆယ် အရွယ်လောက်မှာ မြင်သာထင်သာအောင် ဖြူရင်တော့ စိတ်ညစ်စရာပါ။ Premature Grey Hair တဲ့။ ငယ်ငယ်ရွယ်ရွယ်နဲ့ အိုရုပ်ဆင်သွားတော့တာပါပဲ။ 

ဆံပင်ဖြူစေတာ မျိုးရိုးဗီဇကြောင့် အဓိကဖြစ်ရပေမယ့် တခြားအကြောင်းကိစ္စတွေလည်း အများကြီးပါ။ အာဟာရ (အထူးသဖြင့် ဗီတာမင် ဘီ) ချို့တဲ့ရင်၊ ဆေးလိပ်အသောက်များရင်၊ စိတ်ဖိစီးမှုများရင် လျှပ်စစ် ဆံပင်အခြောက်ခံစက် အသုံးများရင်၊ ကင်ဆာဆေးတွေ မှီဝဲနေ ရရင် ဒါမှမဟုတ် ဓာတ်ရောင်ခြည်ကုထုံးကုသမှု ခံယူနေရရင် ဆံပင်တွေရဲ့အရောင်ကို ထိခိုက်ပြောင်းလဲစေပါတယ်။

လည်ပင်းအရှေ့မှာရှိတဲ့ သိုင်းရွိုက်အကျိတ်များမှာ ရောဂါတစ်စုံတစ်ရာရှိရင်လည်း ဆံပင်တွေ စောစောစီးစီး ဖြူတတ်ပါတယ်။ ဆံပင်တွေကျွတ်ပြီး သိသိသာသာကို ဆံပင်တွေ ပါးတတ်ပါတယ်။ ဒါပေမယ့် များသောအားဖြင့် ဆံပင်စောစောဖြူတဲ့ သူတွေဟာ ကျန်းကျန်းမာမာပါပဲ။ 

ကိုယ်တွင်းရောဂါတွေနဲ့ ဆက်စပ်တာက အလွန်ရှားပါးပါတယ်။ ဆံပင်ဖြူပေမယ့် သန်သန်မာမာပါပဲ။ အရေပြားမှာ ခရုသင်းဖြစ်သလို ဦးရေပြားမှာ ခရုသင်းကွက်ဖြစ်ရင်လည်း အဲဒီအကွက်နေရာက ဆံပင်တွေဟာ အဖြူတွေပါပဲ။ တစ်ခေါင်းလုံး ဖြူသွားတာမျိုးတော့ မရှိပါဘူး။

မယ်လနင်ဓာတ်ကို ထုတ်လုပ်ပေးတဲ့ မယ်လနိုဆိုက် ကလာပ်စည်းတွေ မရှိတော့ အရေပြားရော၊ ဆံပင်ပါ ဆွတ်ဆွတ်ဖြူသွားပါလေရော။ ရှားရှားပါးပါး မွေးရာပါဗီဇကြောင့် တစ်ကိုယ်လုံး (ဆံပင်၊ အမွေးအမှင်၊ အရေပြား) ဖြူဖွေးသွားတဲ့ Albinism ရောဂါ ဆိုရင်တော့ ဆံပင်တွေဟာ ငယ်ငယ်ကတည်းကဖြူတာပါ။ မည်းပြီးမှ ဖြူသွားတာ မဟုတ်ပါဘူး။ နဂိုအော်ရီဂျင်နယ်က ဖြူနေတာပါ။

 စောစောကပြောတဲ့ မယ်လနိုဆိုက်တွေ လုံးဝကို မရှိရှာတော့တဲ့ ရောဂါဆန်းပါ။ ကျွန်တော်တို့နိုင်ငံက အလွန်အသံကောင်းတဲ့ နာမည်ကြီးအဆိုတော်တစ်ယောက်ဟာ ဒီရှားပါးတဲ့ ရောဂါရှိနေသူပါပဲ။

Credit : ဒေါက်တာဦးကျော်ကျော်
အရေပြားအထူးကုဆရာဝန်ကြီး
Arogyam magazine

အောင်မြင့်မြတ်(Myanmar Youths)

Read More

မျက်ခမ်းလှုပ်စေသည့်ဇစ်မြစ်များ

မျက်ခမ်းလှုပ်တာဟာ ဘာကြောင့်လဲလို့ အတိအကျ မပြောနိုင်ပေမယ့် ပင်ပန်းမှု၊ စိတ်ဖိစီးမှု၊ ကဖင်းတို့နဲ့ ဆက်စပ်နေပါတယ်။ မျက်ခမ်းလှုပ်တာဟာ နေ့စဉ်လှုပ်ရှားနေကျ ကိစ္စတွေကို အဟန့်အတားမဖြစ်စေပေမယ့် စိတ်ကိုတော့ အဟန့်အတားဖြစ်စေပါတယ်။ 

မျက်တောင် တဖျတ်ဖျတ်ခတ်စေတာမျိုး၊ မျက်လုံးကို တစ်ဝက်လောက်အထိ မှေးသွားစေ တာမျိုးကို ဖြစ်စေတတ်ပါတယ်။ တချို့သူတွေမှာတော့ မျက်လုံးကို ဖွင့်ဖို့ခက်ခဲတာမျိုးကနေ အမြင်အာရုံချို့တဲ့သော ပြဿ နာတွေ ဖြစ်လာစေတတ်ပါတယ်။

မျက်ခမ်းတွေလှုပ်တာဟာ မျက်ခမ်းရောင်ခြင်း၊ မျက်လုံးများ ခြောက်ခြင်း၊ အလင်းရောင်ကို မခံနိုင်ခြင်း၊ မျက်စိနာခြင်းတို့လိုမျိုး မျက်လုံးနှင့် ပတ်သက်တာတွေရဲ့ လက္ခဏာတွေ ဖြစ်နိုင်သလို ပါကင်ဆန်ရောဂါ၊ ကြွက်သားတင်းအားပျက်ခြင်း (Dystonia)၊ Bell’s Palsy အကြောရောဂါအပါအဝင် ဦးနှောက်နဲ့ ပတ်သက်တဲ့ တစ်စုံတစ်ရာ ပြောင်းလဲမှုဖြစ်နေတာကို သတိပေးတဲ့ လက္ခဏာတွေလည်း ဖြစ်နိုင်ပါသေးတယ်။

စိတ်ပိုင်းဆိုင်ရာ ပြဿနာတွေကိုကုစားဖို့ အသုံးပြု ကြတဲ့ဆေးတွေ၊ အတက်ရောဂါကို ကုသတဲ့ဆေးတွေရဲ့ ဘေးထွက်ဆိုးကျိုးအနေနဲ့လည်း မျက်ခမ်းလှုပ်တာမျိုးကို ကြုံတွေ့ရတတ်ပါတယ်။

Credit : နှင်းနုလွင် (ဆေးဝါး)
Arogyam magazine

အောင်မြင့်မြတ်(Myanmar Youths)

Read More

အမျိုးသားများအတွက်ဆေးနည်း

ဒီတစ်ခါတော့ မက်ဆေ့ကနေ အမေးများကြတဲ့ အမျိုးသားများအတွက် သီးသန့်ဆေးနည်း တစ်ခုကို ရှာဖွေပြီး မျှဝေပေးလိုက်ပါတယ်။ သက်ကြီးရွယ်အိုများ၊ အမျိုးသမီးများကတော့ ခဏသည်းခံပေးကြပါ။ ကျန်းမာရေး ဗဟုသုတလို့ သဘောထားပေးပါ။

အားအင်ကုန်ခမ်းပြီး စိတ်မရွှင်လန်းတဲ့ အမျိုးသားများ အများအပြားရှိနေတာကို တွေ့ရပါတယ်။ ဆေးနည်းကို တောင်းလာကြတဲ့သူလည်း များပြားနေပါတယ်။
အခုပုံထဲမှာ မြင်ရတဲ့အပင်ကို အင်္ဂလိပ်လို Argemone Mexicana လို့ ခေါ်ပါ တယ်။ ဆေးဖက်ဝင်တဲ့ အပင်တစ်မျိုးဖြစ်ပါတယ်။ မြန်မာလို ခရာပင်လို့ခေါ်ပြီး ပင်လယ်နဲ့နီးတဲ့ နေရာ၊ ချောင်းရိုး၊ မြောင်းရိုးများမှာ ပေါက်တတ်ကြပါတယ်။ ဆူးကလေးတွေ ပါတယ်။

ဆေးနည်း

(၁) ခရာပင်၏ ပဉ္စငါးပါးစလုံးကို မြေမှုန့်များ၊ ရေငံဓါတ်များ စင်ကြယ်သွားသည့်အထိ အထပ်ထပ် ဆေးကြောပါ။

(၂) ပြီးလျှင် ပြုတ်ရလွယ်အောင် အပိုင်းပိုင်း ခုတ်ဖြတ်ပါ။

(၃) မြေအိုး သို့ ရိုးရိုးအိုးထဲကို ထည့်၊ ရေထည့်ပြီး ကျိုပါ။

(၄) စမုံမျိုးငါးပါးကို ထောင်းပြီးထည့်ပါ။ (ပရဆေးဆိုင်မှာ မေးဝယ်ပါ)

(၅) ရေထက်ဝက် ကျန်သည့်အထိ ကျိုပါ။

(၆) အောက်ချ၊ အအေးခံပြီး အရည်ကို စစ်ယူပါ။

(၇) တစ်ခါသောက်စာ လက်ဖက်ရည် ပန်းကန်လုံးခန့်ကို ဒိုဘာလာ သဘာဝ သကြားခဲ သောက်နိုင်ရုံ သင့်တော်သလောက် ထည့်၍ မနက်၊ ည တစ်နေ့ ၂ ခွက် သောက်ပါ။

ကုန်ခမ်းသွားသော အမျိုးသားအားအင်များ ပြန်လည်ပြည့်ဝလာမည်။ စိတ်ရွှင်လန်းလာစေမည်။ ကျန်းမာရေး ရှုထောင့်ဖြင့် ရေးသားမျှဝေပေးလိုက်ပါတယ်။ အိမ်ထောင်မှု သုခပြည့်ဝ၍ သာယာပျော်ရွှင်နိုင်ကြပါစေ။

စောနွဲ့ နေဆိုင် (ပူတာအို)
ကိုးကား - သဘာဝဆေးစွမ်းကောင်းများ
Credit; Myawady health

အောင်မြင့်မြတ်(Myanmar Youths)

Read More

နွေရာသီရဲ့သေမင်းသို့မဟုတ်ရေခဲရေ

လွန်ခဲ့သော ရက်ပိုင်းက မန္တလေးမြို့ ကျုံးနံဘေးတွင် ညနေဖက် အပြေးလေ့ကျင့်နေသူ တစ်ဦးကို သတ်မှတ်ထားသော နေရာ ပန်းဝင်လာချိန်တွင် ရေခဲစိမ် ရေသန့်ဘူး ပေးလိုက်ရာ တစ်ရှိန်ထိုး မော့ချလိုက်ပြီးနောက် သတိလစ်လဲကျပြီး ပါးစပ်မှ အမြှုပ်များ ထွက်လာသဖြင့် ပြင်ပ ဆေးရုံတစ်ခုသို့ ပို့လိုက်ရသည်ဟု သိရပါသည်။

နေပူထဲမှ ပြန်လာပြီး အိမ်ရောက်သည်နှင့် ရေခဲသေတ္တာထဲမှ ရေအေးအေး တစ်ပုလင်း ထုတ်ယူပြီး အားရပါးရ သောက်ချလေ့ရှိသူ တစ်ဦးသည် လွန်ခဲ့သော ရက်ပိုင်းက မျက်စိများ နီရဲလာပြီး ခေါင်းကိုက်လာသဖြင့် ပြင်ပ ဆေးခန်းတစ်ခုတွင် သွေးချိန်ကြည့်ရာ အပေါ်သွေး 200 mm Hg တက်နေသဖြင့် ဦးနှောက်သွေးကြော ပေါက်နိုင်သောကြောင့် ဆရာဝန်က ဆေးရုံ တက်ခိုင်းလိုက်ရသည်ဟု သိရသည်။

ရာသီဥတု ပူပြင်းသဖြင့် ပြင်ပသို့ လုံးဝမထွက်ဘဲ အိမ်ထဲမှာနေရင်း ရေခဲရေကို Water Cooler စက်မှယူပြီး တစ်စွက်စွက်နဲ့ သောက်လေ့ရှိသော မိသားစုတစ်စု ရှိသည်။ သူတို့တစ်အိမ်လုံး မိတ်အိုင်းခေါ် မိတ်ဖု အပြင်လိုက် ထွက်ပြီး နီရဲနေသည်ကို တွေ့ရသည်။ ၂ နှစ် ၃ နှစ် အရွယ်ကလေးများမှာ ရေခဲရေ သောက်ပြီး ခေါင်းတွင် အပူဖုကြီးများ ထွက်ပြီး အချို့အဖုကြီးများမှာ ပြည်တည်ပြီး အနာကဲ့သို့ ဖြစ်နေသည်။

ရေခဲရေကို လေဖြင့် မှုတ်ပေးနေသည့် ပန်ကာ တစ်မျိုး Air Cooler ဝယ်ပြီး အသုံးပြုနေသူများမှာ မျက်နှာများ ရောင်အမ်းခြင်း၊ အရေပြားထူပြီး ယားနာများ ထွက်ခြင်းတို့ ဖြစ်ကြောင်း သတိထားမိလာသဖြင့် လေမှုတ် ပန်ကာထဲသို့ ရေခဲရေမထည့်ဝံ့ကြတော့ဘဲ သာမာန် ရိုးရိုးရေကိုသာ ထည့်သုံးစွဲနေရကြောင်း သုံးစွဲသူ မိတ်ဆွေတစ်ဦးက ပြောပြသဖြင့် သိရလေသည်။

ရေခဲချောင်း ရေခဲထုပ် အစားများသည့် ကလေးများမှာ အပူကန်ခြင်း၊ မျက်နှာနှင့် မျက်ခွံများပေါ်တွင် မိတ်ဖုကြီးများနှင့် အနာဖုများ ထွက်ခြင်း၊ အစာမကြေခြင်း၊ အာသီး ရောင်ခြင်းများ အပြင် အချို့မှာ ရေခဲမသန့်သဖြင့် ဝမ်းကိုက်ခြင်း၊ ဝမ်းလျှောခြင်းများ ဖြစ်ကြောင်း သိရသည်။ လျှာနှင့်အာခေါင်များတွင် အနာခွက် ချိုင့်ငယ်လေးများ ပေါက်ပြီး အစပ် မစားနိုင်သူများ ဆေးခန်းလာပြသည်ကို တွေ့ရဖူးသည်။

လျှာဘေးမှာ အနာဖုလေး ထွက်လာသောအခါ သွားဖုံး၊ အံသွားတို့နှင့် ပွတ်တိုက်မိပြီး အနာ ဖြစ်လာသည်။ ထိုအနာမှာ အစက်ကလေးမှ ကျယ်ပြန့်သွားသောအခါ ချိုင့်ခွက်ကဲ့သို့ ဖြစ်သည်။အစာနှင့် အချဉ်အစပ်တို့ ထိတွေ့လျှင် မခံနိုင်ဖြစ်သည်။

စိတ်ပင်ပန်းသူ၊ သောကများသူ၊ စာမေးပွဲနီးချိန် ကျောင်းသား၊ ကျောင်းသူများတွင် ဤပါးစပ်နာများ တွေ့ရသဖြင့် ဆရာဝန်ကြီးများက Stress Ulcer ဟု ခေါ်ကြသည်။ တိုင်းရင်းဆေးနှင့် ရိုးရာဆေးပညာ အယူအဆ ရှုထောင့်မှ ကြည့်လျှင် ထိုအနာများသည် အပူကန်အနာများ ဖြစ်သည်။ ဝမ်းထဲမှ အစာအိမ်ထဲမှ အပူများ အထက်သို့ ကန်တက်ပြီး ခံတွင်းနှင့် လျှာအာခေါင်၊ သွားဖုံးတို့တွင် အနာစက်များ ထွက်လာခြင်း ဖြစ်သည်။

မိတ်ဆွေတစ်ဦးက သူ၏ လျှာနှင့်သွားဖုံးတွင် မကြာခဏ အပူကန်နာများ ထွက်ပြီး မစားနိုင်၊ မသောက်နိုင် ဖြစ်ရကြောင်း ပြောသည်။ ထိုသူ၏ အလေ့အကျင့်ကို ကြည့်သောအခါ ထမင်းစားလျှင် ရေခဲရေပုလင်းနှင့် ရေခွက်ကို ဘေးမှာ ချထားသည်။ ထမင်းစားပြီးလျှင် ရေခဲရေနှစ်ခွက်ခန့် အဝသောက်ချသည်။ ဤအကျင့်ကြောင့် သူ့လျှာမှာ အပူကန်နာများ မပြတ် ထွက်နေခြင်း ဖြစ်နိုင်သည်။

ထမင်းစားပြီး ရေခဲမုန့် စားကြသူများကို စားသောက်ဆိုင်ကြီးများတွင် တွေ့ရဖူးသည်။ အချို့ဆိုင်က စားသောက်သူများကို ကုန်ကျငွေ Bill ရှင်းချိန်တွင် အချိုပွဲအဖြစ် ရေခဲမုန့်ခွက်များ လာချပေးသည်။ အချို့အလှူများတွင်လည်း ထမင်းသို့မဟုတ် ဒံပေါက်၊ ကြက်ဆီထမင်း စသည် ကျွေးမွေးဧည့်ခံ ပြီးနောက် အချိုပွဲဝိုင်းသို့ ထပ်မံကြွရောက်ရန် ဖိတ်ခေါ်ပြီး အချိုပွဲများနှင့် ရေခဲမုန့် ကျွေးသည်ကို တွေ့ရဖူးသည်။ ရေခဲမုန့်အပြင် ရေခဲရေပါ ပါသည့် အလှူများလည်း တွေ့ဖူးသည်။ အီဆိမ့်သော အစာများ တစ်ဝစားပြီးချိန်တွင် ရေခဲမုန့်၊ ရေခဲရေ သောက်ခြင်းမှာ အစာအိမ်မှ မီးဖိုကြီးကို ငြိမ်းပစ်သည်နှင့် အလားသဏ္ဍန် တူလေသည်။

လူ၏ အစာအိမ်တွင် ဝမ်းမီးဟုခေါ်သော အစာချေသည့်မီး ရှိသည်။ ပါစကတေဇောဓာတ် ဟုလည်း ခေါ်ဆိုနိုင်လေသည်။ ထိုဓာတ်အားကောင်းမှ ဝမ်းမီးတောက်မည်။ ဝမ်းမီးတောက်မှသာ အစာကြေမည်။ အစာကြေမှသာ ဝမ်းမှန်မည်။ ဝမ်းမှန်မှသာ အကြောအချဉ်များ ပေါ့ပါးပြီး နေထိုင်ကောင်းမည်။ ကျန်းမာမည်။ ထိုင်းမှိုင်းခြင်း၊ နောက်ကြောတက်ခြင်း၊ ဇက်ထိုးခြင်းတို့မှာ ဝမ်းချုပ်သူများတွင် ဖြစ်လေ့ရှိသော ရောဂါများ ဖြစ်သည်။ အစာကြေလျှင် ဝမ်းမှန်လျှင် ညောင်းကိုက်၊ ဇက်ကြောတက် ဝေဒနာများ မဖြစ်နိုင်ပါ။

ထိုကဲ့သို့ အစာကြေကျက်စေရန် တောက်နေသော ဝမ်းမီးကို ရေခဲရေ သောက်ချလိုက်သောအခါ ငြိမ်းလိုက်သည်နှင့် သဏ္ဍာန်တူလေသည်။ မီးပုံကြီးကို ရေနှင့်လောင်းချလိုက်သောအခါ ဝုန်းကနဲ အခိုးအငွေ့များနှင့် ပြာပူများ အထက်သို့ ပျံ့လွင့်တက်သွားသည်ကို မြင်ကြည့်နိုင်ပေသည်။

ထိုအခိုးအငွေ့များသည် အစာအိမ်မှ အထက်သို့ တက်လျှင် လည်ချောင်း တစ်လျှောက်နှင့် အာခေါင်၊ လျှာ၊ သွားဖုံး စသည်တို့ကို ရောက်မည် ဖြစ်သည်။ စာရေးသူကိုယ်တိုင် နေပူပြင်းပြီး မနေနိုင်၊ မထိုင်နိုင်ဖြစ်အောင် ပူပြင်းသည့် ကာလက ဆေးခန်းမှ အိမ်ပြန်ရောက်သည်လျှင် သမီးများသောက်သည့် ရေခဲရေပုလင်းကို ယူပြီး သောက်မိသည်။

အသိတရား ရှိသော်လည်း ပူလွန်း၍ မနေနိုင်။ အလွန်အရသာ ရှိပါသည်။ ပူပြီး မောနေသည့်အချိန် ရေခဲရေ အေးအေးလေးကို ကိုင်းဖန်ခွက်ကြီး တစ်ခွက် အပြည့်မော့ချ လိုက်ရသည့် အရသာမှာ ကောင်းလှသည်။ ထိုကဲ့သို့ တစ်ပါတ်ခန့် ရေခဲရေကို သောက်ပြီးနောက် စာရေးသူ၏ လျှာဘေးတွင် အပူဖုတစ်ခု ထွက်လာသည်။ ထို့နောက် အဖုကြီးလာပြီး အနာဖြစ်လာသည်။ စကားပြောသည့်အခါ သွားနှင့် ပွတ်မိပြီး စကားမပြောနိုင်၊ အစား မစားနိုင်အောင် ဖြစ်ရသည်။ ရေခဲရေ၏ အကျိုးပင် ဖြစ်သည်။

ရေခဲရေသည် အစာအိမ်မှ ဝမ်းမီးအားကို နည်းသွားစေသဖြင့် အစာ မကြေသမျှသည် အစာဟောင်းအိမ်မှာ သွားစုပြီး စမျဉ်းဟုခေါ်သော ဝမ်းအမာအကျစ်ခဲများ ဖြစ်ရသည်။ ဝမ်းကိုခက်ခဲစွာ သွားရသည်။ အပူနှင့်အအေးသည် ဆန့်ကျင်ဘက် ဝိရောဓိဖြစ်သည်။ ရှင်းပြနေစရာ မလိုအောင် ထင်ရှားသော ဓာတ်သဘော ဖြစ်သည်။

အစာအိမ်အတွင်းတွင် အပူဓာတ် ရှိသည်။ ထိုအပူသည်ပင် သက်စောင့်ဓာတ် ဖြစ်သည်။ အစာအိမ်မှ အပူသည် အာခံတွင်းသို့ တက်သည်။ အာခံတွင်းတွင် ငုံထားလျှင် ပူနွေးလာသည်။ ဘုရားရှင် လက်ထက်က အဇာတသတ် မင်းသား ငယ်စဉ်က လက်မတွင် ခူနာပေါက်သည်။ အနာ ပြည်ကိုက်သက်သာစေရန် ဖခင် ဗိမ္မိသာရ မင်းကြီးက အာခံတွင်းတွင် ငုံထားပေးသည်။ အာငွေ့ကြောင့် အနာပြည် ပေါက်သွားသည်ကို သားနိုးမည်စိုး၍ မျိုချလိုက်သည်။ အာခံတွင်း အငွေ့၏ အစွမ်းကား အနာကိုပင် ပြည်ပေါက်စေသည်။

ဆရာဝန်တို့သည် လူနာ၏ ကိုယ်အပူချိန်ကို ပြဒါးတိုင် ငုံထားခိုင်းပြီး တစ်မိနစ် ကြာသောအခါ မှတ်သားရသည်။ ၉၈.၄ ဒီဂရီဖာရင်ဟိုက် ဆိုလျှင် ပုံမှန်ဖြစ်သည်။ ကိုယ်တွင်းအပူချိန် တက်လာလျှင် အဖျားရှိသည်ဟု သတ်မှတ်သည်။ ပြဒါးချိန် ၁၀၀ ဒီဂရီဖာရင်ဟိုက်မှ ၁၀၃ ဒီဂရီ ဖာရင်ဟိုက်အထိ ခံနိုင်ရည်ရှိသော်လည်း ထို့ထက် အပူကြီးလျှင် သတိလစ်ခြင်း၊ တက်ခြင်းအထိ ဖြစ်နိုင်သည်။

၁၀၇ ဒီဂရီဖာရင်ဟိုက်တွင် အူပေါက်ပြီး အသက်ဆုံးရှုံးနိုင်သည်။ ထိုကဲ့သို့ အပူကြီးနေသူများကို ပြင်ပမှ ရေအေးဖတ် တင်ခြင်း၊ ရေခဲရေဖြင့် ရေပတ်တိုက်ခြင်း ပြုလုပ်၍ ရသော်လည်း ပါးစပ်ထဲသို့ ရေခဲရေ မတိုက်ရပေ။ အစာအိမ်သွေးကြော ပေါက်ခြင်း၊ အူပေါက်ခြင်း၊ သတိလစ်ပြီး တက်ခြင်း၊ ဦးနှောက်သွေးကြော ပေါက်ခြင်းတို့ ဖြစ်နိုင်သည်။

တလောက အလွန်အပူကြီးချိန်တွင် မိတ်ဆွေ ဆရာဝန်တစ်ဦးက ဘီယာဆိုင် တစ်ဆိုင်သို့ ခေါ်သွားပြီး ဘီယာတိုက်သည်။ အလွန်ပူသည့် အချိန်တွင် ဘီယာသောက်ခြင်းသည် အလွန်ကောင်းသည်ဟု ပြောသည်။ သဲကန္တာရတွင် လမ်းပျောက်နေသူ တစ်ဦးသည် ဘီယာသံဘူးငယ် နှစ်ဘူးဖြင့် အသက် ဆက်ခဲ့ရဖူးသည်ဟု သူစာထဲတွင် ဖတ်ခဲ့ရဖူးကြောင်း ပြောပြသည်။

ပညာရှိ သတိဖြစ်ခဲဟု ပြောရမည်လား၊ သတိမမူ ဂူမမြင်ဟု ပြောရမည်လား။ အပူဒဏ် ကာကွယ်ရန် အကြောင်းပြချက်ဖြင့် ညနေတိုင်း ဘီယာသွားသောက်ကြပြီး ၃၊ ၄ ရက်အကြာတွင် စာရေးသူတွင် လည်ချောင်းနာပြီး အသံဝင်သွားသည်။ လည်ချောင်းနာသည်မှာ အစာပင် မျိုမချနိုင် ဖြစ်သည်။ သောက်ခါစရက်က ဆီးရွှင်ခဲ့သော ဘီယာသည် နောက်ပိုင်းရက်များတွင် ဆီးပူဆီးအောင့် ဖြစ်လာသည်။

စာရေးသူကို ဘီယာသောက် ခေါ်ခဲ့သူ ဆရာဝန် သူငယ်ချင်းမှာ ခြေထောက် မထောက်နိုင်၊ ယခင်ကရှိသော Gout ရောဂါ ပြန်ထလာပြီး ခြေမဆစ်ကြီး ရောင်လာသဖြင့်၊ ဤကား ဘီယာသောက်ခြင်း၏ အကျိုးပင် ဖြစ်တော့သည်။ နွေထနောင်း၊ ဆောင်းမန်ကျည်း ဟူသော စကားရှိသည်။

ရှေးက ဗမာကြီးများသည် နွေနေပူပြင်းချိန်တွင် ထနောင်းပင် အရိပ် ကောင်းကောင်းတွင် ရေနွေးကြမ်းအိုးနှင့် အညာထန်းလျက်ခဲလေး စားပြီး အပူငြိမ်းခဲ့ကြသည်။ ရေနွေးကြမ်းသည် အဖန်ရည်ဟု ခေါ်ပြီး ဝမ်းထဲကို ရောက်လျှင် အပူကို ငြိမ်းစေသည်။ လေကိုလည်း ကြေစေသည်။ အစာအိမ်နှင့်လည်း သင့်သည်ဟု ဆိုသည်။

ရှေးကလူကြီးများ အဆိုအရ နွေရာသီတွင် ထနောင်းရွက်၊ ထနောင်းဖူး သုပ်စားလျှင် ဝမ်းလျှော၊ ဝမ်းပျက် ကာကွယ်သည်။ အပူငြိမ်းသည်။ ကျောက်၊ ဝက်သက် ရောဂါများပင် ကာကွယ်သည်ဟု ဆိုသည်။ ယခုခေတ်တွင် ရေနွေးကြမ်းဝိုင်း ဓလေ့များသည် ပျောက်ကွယ်သလောက် ဖြစ်နေပြီ။ အလှူများတွင် ရေနွေးကြမ်းအိုးနှင့် ရေသန့်ဘူးများကိုသာ နေရာတိုင်း တွေ့နေရလေပြီ။

လူ၏အသက်သည် ဝမ်းမီး ဖြစ်သည်။ ဝမ်းမီး အားမကောင်းလျှင် ရောဂါအမျိုးမျိုး ရနိုင်သည်။ အစာမကြေရောဂါနှင့် ဆီးချိုရောဂါ၊ ကိုယ်တွင် အဆီတက်သော ရောဂါ၊ ကျောက်ကပ် ရောဂါတို့သည် ရေခဲရေ အသောက်များသူတို့တွင် ဖြစ်ကြောင်း တွေ့ရသည်။ရေခဲရေကို နေ့စဉ် သောက်သုံးသူများသည် ခန္ဓာကိုယ်တွင်းမှ ဝမ်းမီးကို ငြိမ်းနေသူများ ဖြစ်သည်။

မီးငြိမ်းသော မီးဖိုဖြင့် ချက်သော အစာသည် မကြေကျက်နိုင်သည်ကို သတိပြုမိဖို့ လိုသည်။ လွန်ကဲခြင်းသည် မည်သည့်အခါမျှ မကောင်း၊ နောက်ဆက်တွဲ ဆိုးကျိုး ရှိနိုင်သည်။ မြေသောက် ရေအိုးတွင် ထည့်ထားသော ရေအေးသည် သာမန်ရေအေး ဖြစ်သည်။ လူကို ဒုက္ခမပေးနိုင်။ ထိုရေကိုပင် အပူထဲမှ ပြန်လာလျှင် ချက်ခြင်း မသောက်သင့်။ ချွေးသိပ်ပြီးမှ သောက်ရမည်ဟု ရှေးလူကြီးများက ဆိုသည်။

ရေခဲသေတ္တာထဲမှ ထွက်လာသော ပုလင်းများ၊ Water Cooler မှ ကျလာသော ရေတို့သည် သဘာဝ လွန်ကဲသော ရေပျက် ဖြစ်သည်။ ခန္ဓာကိုယ်မှ လက်ခံနိုင်သော အအေးဓာတ် လွန်ကဲသဖြင့် တုန့်ပြန်ခြင်း၊ လက်မခံဘဲ ကန်ထုတ်ခြင်း၊တွန်းလှန်ခြင်းတို့ကို ခံရမည် ဖြစ်သည်။

ရေခဲရေကို အစဉ်သဖြင့် သောက်နေသူများကို လေ့လာကြည့်သောအခါ ခေတ္တသာ ရေငတ်ပြေပြီး ပြန်ပူလာခြင်း၊ မကြာခဏ ရေငတ်ခြင်း၊ အာခေါင်ခြောက်ခြင်း၊ အာသီးရောင်ခြင်း၊ သွားနာခြင်း၊ သွားဖုံးကြွခြင်း၊ လျှာအရသာ မတွေ့ခြင်း၊ လည်ချောင်းပူခြင်း၊ နာခြင်း၊ အစာရေမျိုပြွန် ရောင်ခြင်း၊ အစာအိမ် ရောင်ခြင်း၊ အစာမကြေခြင်း၊ ဖျားလျှင် အလွယ်တကူ အူရောင်ခြင်း၊ အသည်းရောင်ခြင်း၊ ဝမ်းချုပ်ခြင်း၊ လိပ်ခေါင်းရောဂါ ရခြင်း၊ တစ်ကိုယ်လုံး ညောင်းကိုက်ပြီးနောက် ကြောတက်ခြင်း၊ နုံးခွေခြင်း၊ မျက်စိ အမြင်မကြည်လင်ခြင်း၊ ရေချိုးပြီးလျှင် မျက်စိများနီရဲခြင်း၊ ဦးခေါင်းနောက်စေ့မှ ခေါင်းကိုက်ခြင်း၊ ဆံပင်ကျွတ်ခြင်း၊ ဦးခေါင်းပူခြင်း၊ ခန္ဓာကိုယ်တွင် ယားနာများထွက်ခြင်း၊ အပူဖုများ ထွက်ခြင်းတို့ကို မလွဲမသွေ ဖြစ်နိုင်လေသည်။

နိဂုံးအားဖြင့် အကြံပြုလိုသည်မှာ-

၁။ မြေအိုး၊ သဘာဝရေအိုးမှ အေးသောရေကိုသာ သောက်ပါ။

၂။ ဖြစ်နိုင်လျှင် ကြိုချက်ထားပြီးသော ရေကို အအေးခံပြီး ရေကျက်အေး သောက်ပါ။

၃။ ရေနွေးကြမ်း သို့မဟုတ် အဖန်ရည်ကို ထမင်းစားပြီးတိုင်း သောက်ပါ။

၎။ နံနက်အိပ်ယာထ ရေမချိုးမီ၊ ညအိပ်ယာဝင်ချိန်တို့တွင် ရေတစ်ခွက် သောက်သော အကျင့်ကို ကျင့်ပါ။

၅။ ရေခဲရေ၊ အလွန်အေးအောင် ပြုလုပ်ထားသော ရေကို ရှောင်ပါ။

၆။ ထမင်းစားနေစဉ်နှင့် ထမင်းစားပြီး ရေခဲရေ တစ်ဆက်တည်း သောက်လျှင် အစာအိမ်ကို ဒုက္ခရောက်စေပါသည်။

၇။ ရေခဲရေကို တစ်စွတ်စွတ် သောက်ခြင်းသည် အဆိပ်သောက်ခြင်းနှင့် တူသဖြင့် ထိုအကျင့်ကို ဖျောက်ပစ်ပါ။

၈။ ရေကြောင့် အသက်ရှည်စေနိုင်သည်။ ရေခဲရေကြောင့် အသက်တို စေနိုင်သည်ကို အထူးသတိပြုပါ။

Credit: ကြည်လွင်မြင့် (မုဒြာ)

အောင်မြင့်မြတ်(Myanmar Youths)

Read More