အမာရွတ်တွေပျောက်ချင်ရင်ဒီနည်းကိုသုံး

ဒီတစ်ခါ ပြောပြချင်တာက အမာရွတ်တွေ ပျောက်စေမယ့် နည်းလမ်းလေးတစ်ခုပါ။ လိုအပ်တာကလည်း ပျားရည်စစ်စစ်နဲ့ မုန့်ဖုန်ဆိုဒါ နှစ်မျိုးတည်းပါပဲ။

ပထဆုံးအနေနဲ့ အမာရွတ်နေရာကို သန့်စင်ထားပေးဖို့တော့ လိုပါမယ်။ မုန့်ဖုတ်ဆိုဒါနဲ့ ပျားရည်ကို ဆတူရောပြီး မွှေပေးပါ။ ရလာတဲ့အနှစ်ကို အမာရွတ်ပေါ်မှာ လိမ်းပေးထားရမှာ ဖြစ်ပါတယ်။ ပျားရည်၊ မုန့်ဖုတ်ဆိုဒါ သုတ်လိမ်းထားတဲ့ အမာရွတ်နေရာပေါ်ကို ရေနွေးဝတ်လေး ကပ်ပေးထားပါဦး။ မိနစ် ၂၀ လောက်ကြာရင် ပြန်ခွာလိုက်လို့ ရပါပြီ။

ခုနက သုတ်လိမ်းထားတဲ့ ပျားရည်တွေကို ရေနွေးနွေးနဲ့ ပြန်လည်သန့်စင်ပေးရမှာ ဖြစ်ပါတယ်။ တစ်ပတ်ကို ၂ ကြိမ်လောက် လုပ်သွားပေးရင် တစ်လအတွင်းမှာ အမာရွတ်ရဲ့အရောင်က သိသိသာသာ လျော့သွားပါလိမ့်မယ်။

အောင်မြင့်မြတ်(Myanmar Youths)

Read More

ရာသီလာချိန်အဖြစ်များသောလေပွခြင်းကင်းစင်ရန်

အမျိုးသမီးတွေ ရာသီလာချိန်မှာ ခံစားရတဲ့ဝေဒနာတွေထဲက လေပွတာက အဆိုးဆုံးဝေဒနာတစ်ခုပါ။ အမျိုးသမီးတွေရဲ့ ၇၀ ရာခိုင်နှုန်းမှာ ခံစားရတယ်လို့ သိရပါတယ်။ ရာသီလာချိန်မှာ အီစထရိုဂျင်ဟော်မုန်းနှင့် ပရိုဂျက်စတုန်းဟော်မုန်းတွေ ပြောင်းလဲမှုဖြစ်တာကြောင့်ပါ။ ရာသီလာတဲ့ ၂-၃ ရက်အတွင်းမှာ သားဥအိမ် ကနေ ဟော်မုန်းတွေ ထုတ်လုပ်ပြီး လေပွတာကို ဖြစ်စေပါတယ်။


ပရိုတင်းနဲ့ ပိုတက်စီယမ် ကြွယ်ဝတဲ့ ငှက်ပျောသီး၊ ကညွတ်၊ ခရမ်းချဉ်သီး၊ သခွားမွေးသီး စတာတွေက ခန္ဓာကိုယ်တွင်း အရည်ပမာဏကို မျှခြေဖြစ်စေပါတယ်။ ပရိုတင်းကို ကြွက်သား၊ ငါးနဲ့ တိုဟူးတွေကနေ ရရှိနိုင်ပါတယ်။

၁။ လေပွစာကိုရှောင်ပါ။

လေပွစာတွေဆိုတာက ပန်းဂေါ်ဖီစိမ်း၊ ဂေါ်ဖီထုပ် စတာတွေဖြစ်ပြီး ပဲအမျိုးမျိုး နဲ့ နို့ထွက်ပစ္စည်းတွေ စားသုံးတာကြောင့်လည်း လေပွတာကို ဖြစ်စေပါတယ်။

၂။ လေ့ကျင့်ခန်းလုပ်ပါ။

လေ့ကျင့်ခန်း ပုံမှန်ပြုလုပ်ပေးတာက ရာသီလာချိန်မှာ ခံစားရတဲ့ဝေဒနာတွေထဲက လေပွတာ သက်သာအောင် ကူညီပေးပါတယ်။

၃။ အစာမစားဘဲ မနေသင့်ပါ။

ရာသီလာခါနီးတဲ့အခါ ဗိုက်ထဲမှာ လေတွေနဲ့ ပြည့်တင်းသလို ခံစားနေရလို့ဆိုပြီး အစာမစားဘဲ မနေသင့်ပါ။

၎။ ကာဗွန်ဖြည့်စွက်ထားတဲ့ အချိုရည်ရှောင်ပါ။

ကာဗွန်ဖြည့်စွက်ထားတဲ့ အချိုရည်တွေက လေပွတာကို ပိုဆိုးစေပါတယ်။

၅။ အိပ်ချိန်လုံလောက်စွာအိပ်ပါ။

အိပ်ပျော်သွားတဲ့အခါ ရာသီလာတာကြောင့် ခံစားရတဲ့ ဝေဒနာတွေဖြစ်တဲ့ နာကျင်ကိုက်ခဲတာ၊ လေပွတာ၊ စိတ်တိုတာ စတာတွေ သက်သာသွားပါတယ်။

Credit : ဇာခြည်ဝင်း (ဆေးဝါးတက္ကသိုလ်)
Good Health Jurnal
Healthcare.com.mm သင့်ကျန်းမာရေး စောင့်ရှောက်ပေး

အောင်မြင့်မြတ်(Myanmar Youths)

Read More

ခြင်ကိုက်ဖုတွေသက်သာစေမည့်နည်းလမ်း

ခြင်ကိုက်ခံရပြီဆိုရင် အရေပြားတစ်ဝိုက် ယားယံရုံသာမက တစ်ခါတစ်ရံမှာ အပိန့်တွေထွက်တာမျိုး၊ ရောင်ရမ်း လာတာမျိုးတွေ ဖြစ်တတ်တဲ့အတွက် ဘေးထွက်ဆိုးကျိုးမရှိဘဲ အမြန်သက်သာစေမယ့် နည်းလမ်းလေးတွေကို ဖော်ပြပေးလိုက်ပါတယ်။

ကြက်သွန်ဖြူ

ခြင်ကိုက်ခံရတဲ့နေရာကို ကြက်သွန်ဖြူ လှီးထားတာလေးနဲ့ ပွတ်ပေးလိုက်တယ်ဆိုရင် အနည်းငယ်စပ်သွားပေမယ့် အယားသက်သာစေသလို ကြက်သွန်ဖြူအနံ့ကြောင့် ခြင်တွေထပ်မလာအောင်လည်း ကာကွယ်ပြီးသား ဖြစ်စေပါတယ်။

ဆား

ဆားနဲ့ ရေအနည်းငယ်ရောပြီး ခြင်ကိုက်ခံရတဲ့နေရာကို ပွတ်လိမ်းပေးနိုင်ပါတယ်။

ရနံ့ဆီများ

ရို့စ်မေရီ၊ လက်ဖက်ပင်၊ လာဗင်ဒါ၊ တမာ၊ သစ်ကတိုး စတဲ့အဆီတွေဟာ အင်းဆက် ကိုက်ခံရတာတွေနဲ့ အရေပြားပြဿနာ တွေကို ပျောက်ကင်းစေပါတယ်။

သံပရာ၊ သံပရို

သံပရာသီး (ဒါမှမဟုတ်) သံပရိုသီးအရည်နဲ့ ခြင်ကိုက်တဲ့ နေရာကိုလိမ်းပေးရင် ယားယံတာ သက်သာစေပါတယ်။

ပျားရည်

ခြင်ကိုက်တဲ့နေရာကို ပျားရည်သုတ်လိမ်းပေးရင် အဆိပ်အတောက်တွေ ပြေစေပါတယ်။

သွားတိုက်ဆေး

တမာ (ဒါမှမဟုတ်) ပူဒီနာရွက်နဲ့ ထုတ်ထားတဲ့ သွားတိုက်ဆေးအနည်းငယ်ကို ခြင်ကိုက်ဖုမှာ တို့ထားပေးနိုင်ပါတယ်။

ကြက်သွန်နီ

ကြက်သွန်နီကို ပါးပါးလှီးပြီး ခြင်ကိုက်ခံရတဲ့နေရာမှာ အယားဖုပျောက်သွားတဲ့အထိ ကပ်ပေးထားပြီး ရေနဲ့ ဆေးပေးနိုင်ပါတယ်။

မုန့်ဖုတ်ဆော်ဒါ

မုန့်ဖုတ်ဆော်ဒါ အနည်းငယ်နဲ့ ရေကို ခပ်ပျစ်ပျစ်ဖျော်ပြီး အင်းဆက် အကိုက်ခံရတဲ့နေရာကို သုတ်လိမ်းပေးရင် ရောင်ရမ်းတာ၊ ယားယံတာတွေကို သက်သာစေပါတယ်။

ရှာလကာရည်

ခြင်ကိုက်ခံရတဲ့နေရာကို ရှလကာရည်လေး တို့ပေးနိုင်သလို အကယ်၍ အဖုတွေများတယ် ဆိုရင်တော့ ရေနွေးနွေးထဲကို ရှာလကာရည် အနည်းငယ်ထည့်ပြီး ရေချိုးတာမျိုး လုပ်ပေးနိုင်ပါတယ်။

အောင်မြင့်မြတ်(Myanmar Youths)

Read More

သွားနှုတ်ချှင်မျက်စိထိခိုက်တတ်ပါသလား

သွားနှုတ်၍ မျက်စိ မထိခိုက်နိုင်ပါ။ သို့သော် မျက်စိထက် အရေးကြီးသော ခန္ဓာကိုယ် အစိတ်အပိုင်းများ ထိခိုက်ပြီး အသက်အန္တရာယ် စိုးရိမ်ရသည့် အခြေအနေမျိုး ရောက်နိုင်သဖြင့် အောက်ပါအချက်များကို လိုက်နာရန် လိုအပ်ပါသည်။

(၁) မျက်နှာပေါ်တွင် အနာဖြစ်ခြင်း၊ သွားပြည်တည်နာခြင်း၊ သွားနာခြင်းတို့ဖြစ်လျှင် ဆေးမီးတိုများဖြင့် မကုသဘဲ တတ်ကျွမ်း နားလည်သည့် ဆရာဝန်၊ သွားဆရာဝန်များဖြင့် ပြသ၍ ကုသမှုခံယူပါ။

(၂) အထက်ပါ ဆရာဝန်များက လိုအပ်သည့် ဆေးဝါးများ ဥပမာ - Antibiotics အပြင် ခွဲစိတ်ကုသမှုကိုပါ ပြုလုပ်ရန် လိုအပ်ပါက မကြောက်ရန်လိုပါသည်။ အဆိုပါ အရေးပေါ်ခွဲစိတ်မှုက သင်၏အသက်ကို ကယ်တင်နိုင်ပါသည်။

(၃) American Heart Association ၏ နောက်ဆုံးညွှန်ကြားချက်မှာ မွေးရာပါ နှလုံးရောဂါရှင်များ၊ နှလုံးအတွင်းပိုင်း ခွဲစိတ်ကုသမှုခံယူ၍ Valve အစားထိုးထားသူများ၊ အဆစ်အစားထိုး ကုသမှု ခံယူထားသူများသည် သွားရောဂါကုသမှု၊ အသေးစား ခွဲစိတ်ကုသမှုများ မပြုလုပ်မီ တစ်နာရီအလိုတွင် Antibiotics ကို အသက်အရွယ်၊ ခန္ဓာကိုယ်အလေးချိန် အပေါ် မူတည်၍ သောက်သုံးရန် လိုအပ်ပါသည်။

ထိုသို့ ကြိုတင်သောက်ထားခြင်းဖြင့် Bacteria Endocarditis ခေါ် နှလုံး အတွင်းတံခါး Valve များ ရောင်သည့် အသက်အန္တရာယ် ထိခိုက်နိုင်သော အခြေအနေကို ကာကွယ်နိုင်ကြောင်း ရေးသားလိုက်ရပါတယ်။

Credit : ဒေါက်တာတင်လတ်
Health for all magazine

အောင်မြင့်မြတ်(Myanmar Youths)

Read More

သံဗူးကိုအသုံးပြုထားတဲ့ဖျော်ရည်ကိုသောက်တော့မယ်ဆိုရင်

eptospira ဆိုတဲ့ virus ကြောင့်ဖြစ်တဲ့ ရောဂါပါ။ ကြွက်သေးတွေ ထဲမှာ ခိုအောင်းနေတတ်ပါတယ်။ နိုင်ငံ တစ်နိုင်ငံ မှာ (ဘယ်နိုင်ငံလဲ မမှတ်မိတော့ပါ) မိသားစုတစ်စုက တနင်္ဂနွေအားလပ်ရက်မှာ ပျော်ပွဲစားထွက်တယ်။ 

စားစရာနဲ့  အဖျော်ယမကာ သံဗူး(tin cans) တွေ ယူသွားတယ်။ တနင်္လာနေ့ မှာ မိသားစုဝင်နှစ်ယောက် ဆေးရုံ(အထူး ကြပ်မတ်ဆောင်) တက်ရတယ်။ 

ဗုဒ္ဓဟူးနေ့ မှာ တစ်ယောက်ဆုံးသွားတယ်။ Autopsy result က leptospirosis ပါ။ ဘာကြာင့်ဖြစ်တာလဲ ဆိုတော့ ခြောက်သွေ့ နေတဲ့ ကြွက်သေးနဲ့အတူ leptospira ကပ်ညှိနေတဲ့ သံဗူးတွေ ကိုသောက်မိတာကြောင့်ပါ။

Tin Can မျက်နှာပြင်ကို သန့်ရှင်းမှု မရှိဘဲ၊ ဖန်ခွက် (သို့) ခွက်တစ်ခုခုနဲ့ မထည့်ဘဲ မော့သောက်ခဲ့တာပါ။
အဖျော်ယမကာများ ဈေးကွက်ထဲ ဖြန့် ဖြူးရောင်းချခြင်း မပြုမှီ stock မှာ သိုလှောင်သိမ်းဆည်းထားလေ့ ရှိပါတယ်။

 ကြွက်များ ဖြတ်လျှောက်သွားရုံသာမက ကြွက်သေးများပါ ရှိနေတတ်ပါတယ်။ ဒါကြောင့် အဖျော်ယမကာ သံဗူးတွေသောက်တဲ့အခါ သံဗူးမျက်နှာကို ပြန်သန့် စင်ဖို့ မမေ့နဲ့ နော် ။

Credit :  ဆေးဝါးဆိုင်သတင်းဆောင်းပါး

အောင်မြင့်မြတ်(Myanmar Youths)

Read More

ရေ(လုံးဝ)မသောက်သင့်ဆုံးအချိန်

ထမင်းအသက် ခုနစ်ရက်၊ ရေအသက် တစ်မနက်ဆိုတဲ့ ရှေးစကား ရှိပါတယ်။ လူသားတွေအတွက် ရေက ဘာ့ကြောင့် မရှိမဖြစ် လိုအပ်ပါသလဲ......
 
(၁) ဦးနှောက် ရဲ့ ၇၅ရာခိုင်နှုန်း ကို ရေဓာတ် နဲ့ ဖွဲ့စည်း တည်ဆောက်ထားပါတယ်။ 

(၂) ခန္ဓာကိုယ်တွင်း အပူချိန်ကို မျှတစေပါတယ်။

(၃) သွေးရဲ့ ၈၃ ရာခိုင်နှုန်း က အရည်ဓာတ်များဖြစ်ပါတယ်။
 
(၄) ကြွက်သားကို ရေဓာတ် ၇၅ ရာခိုင်နှုန်း နဲ့ ပြုလုပ်ထားပါတယ်။ 

(၅) အရိုးထဲမှာ ရေဓာတ် ၂၂ ရာခိုင်နှုန်း ပါရှိပါတယ်။ 

(၆) ခန္ဓာကိုယ် ထဲသို့ရောက်ရှိ လာတဲ့ အစားအစာတွေ ကို ခွန်အားအဖြစ် ပြောင်းလဲပေးပါတယ်။

(၇) ခန္ဓာကိုယ်ထဲမှာ ပိုလျှံပြီး မလိုလားအပ်တဲ့ အရည်တွေ နဲ့ အဆိပ်အတောက်တွေကို ဆီး၊ ဝမ်း၊ သွေး ၊ ချွေး၊ ချွဲ သလိပ်အဖြစ် စွန့်ထုတ်ပေးပါတယ်။ 

(၈) ခန္ဓာကိုယ်အတွက် အာဟာရဖြစ်အောင် ကူညီပေးပါတယ်။ 

(၉) အသက်ရှူခြင်းကို အထောက်အပံ့ဖြစ်စေပါတယ်။ 

(၁ဝ) အရိုးအဆက်များ ပွန်းတိုက်စားခြင်းမှ သက်သာစေပါတယ်။ 

(၁၁) ခန္ဓာကိုယ်တွင်း ဆဲလ်များကို အောက်ဆီဂျင် မပြတ်လပ်စေတော့ပါဘူး။ 

(၁၂) သက်လုံကောင်းစေပါတယ်။ 

(၁၃) ခေါင်းကိုက် သက်သာစေပါတယ်။ 

(၁၄) ပင်ပန်းနွမ်းနယ် မှုကိုပြေပျောက်စေ ကာ စိတ်ကြည်လင် လန်းဆန်းစေပါ တယ်။ 

(၁၅) ကင်ဆာဖြစ်နိုင်ခြေ အလားအလာကို လျော့ပါးသွားစေပါတယ်။ 

(၁၆) အမောအပန်းခံနိုင်ပြီး လေ့ကျင့်ခန်း ကြာကြာလုပ်နိုင်လာပါတယ်။ 

(၁၇) အသားအရေကောင်းပြီး အရွယ်တင်နုပျိုစေပါတယ်။ 

(၁၈) ဝက်ရူးပြန်၊ တီဘီ၊ ပန်းနာရင်ကျပ်၊ ကျောက်ကပ်၊ လည်ချောင်းနာ၊ နှာခေါင်း၊ ဝမ်းချုပ်၊ လိပ်ခေါင်းရောဂါ တို့ကို သက်သာစေ ပါတယ်။

(၁၉) အမြင်အာရုံ တိုးတက်ကောင်းမွန်စေပါတယ်။

ဘယ်အချိန်များက ရေသောက်ရန် အသင့်တော်ဆုံး အချိန်များဖြစ်ပါသလဲ ? ရေခဲရေ နဲ့ ရေနွေးတွေကို မဆိုလိုပါ။ (ရိုးရိုးသောက် ရေသန့် ကိုသာ သောက်ပါ)
 
(၁) တစ်ညတာလုံး ငြိမ်သက်နေတဲ့ ခန္ဓာကိုယ်တွင်း ကလီစာများကို ပြန်လည် တက်ကြွလာအောင် လှုံ့ဆော်ပေးဖို့ နံနက် အိပ်ရာထတာနဲ့ သောက်ရေနှစ်ခွက်သောက် ပေးရပါမယ်။ 

(၂) အစာကြေညက်စေဖို့ ထမင်း မစားခင် နာ ရီဝက်ကြိုတင် ၍ ရေတစ်ခွက် သောက်ပေးရပါမယ်။ 

(၃) သွေးခုန်နှုန်း မှန်စေရန် နဲ့ သွေးကျစေဖို့ ရေ မချိုးခင် ရေတစ် ခွက် သောက်ပေးရပါမယ်။
 
(၄) လေဖြတ်/နှလုံးရောဂါ တွေ မဖြစ်အောင် ညမ အိပ်ခင် ရေတစ်ခွက် သောက်ပေးရပါ မယ်။ 

(၅) အိပ်ပျော်နေ စဉ် ခြေသလုံး ကြွက်သားတွေ ကြွက်တက်ခြင်း မဖြစ်ရလေအောင် ညဘက် တစ်ရေးနိုး တဲ့ အခါ ရေ ထသောက် ပေးပါ။

 ရေ (လုံးဝ) မသောက် သင့်ဆုံး အချိန်က ဘယ် အချိန် ဖြစ်ပါသလဲ..
အမေရိကန် ကျန်းမာရေး သုတေသီတွေ ရဲ့စစ်တမ်းများ အ ရ ကမ္ဘာပေါ် မှာ တရုတ် နဲ့ ဂျပန် လူ မျိုးတွေ မှာ အူ ကင်ဆာရောဂါ ဖိစီးခံရမှု အနည်းဆုံးဖြစ်ကြပါတယ် တဲ့။ 

အကြောင်းရင်း ကတော့ ထို လူမျိုးတွေက ထမင်းစားနေစဉ် မှာ ရေခဲရေ / ရိုးရိုးရေ အေး မသောက်ကြ ဘဲ ရေနွေးဖြူ    (သို့မဟုတ်) လက်ဖက် ရည်ကြမ်း ပူပူ ကိုသာ သောက်သုံးလေ့ ရှိလို့ပါပဲ။ 

အထူးသ ဖြင့် ထမင်းစားရင်း ရေခဲရေအေးအေးသောက်တဲ့ အခါ ဟင်းလျာ ထဲမှာပါရှိတဲ့ အဆီအနှစ်တွေက (ဥပမာ ပြရရင် ရေခဲရေ နဲ့တွေ့တဲ့ အခါ ဟင်း အဆီတွေက ) အစာအိမ် နဲ့ အူ လမ်းကြောင်း မှာ ရွှံ့စေး အနည် အနှစ်များ သဖွယ် ခဲပျစ် သွားတတ်ကြပြီး အစာကောင်းစွာ မချက်ပြုတ်နိုင်တော့ ဘဲ အူ ကင်ဆာဖြစ် လာစေပါတယ်။

ဒါ့အပြင် ထမင်းဟင်း ပူပူ စားရင်း ရေခဲရေအေးအေးသောက်လိုက် တဲ့ အခါ များ မှာလည်း အပူ အအေး တစ်ပြိုင်နက် တည်း တွေ့လိုက်တာ ကြောင့် အစာအိမ် ကို ကသိကအောက်ဖြစ် စေပါတယ်။ 

အပူအအေး တန်ပြန်သက်ရောက် မှုက အစာအိမ် အက်စစ်ထွက်ရှိမှု ကို ကမောက် ကမဖြစ်လာပြီး ဗိုက်နာ ဗိုက်အောင့်စေပါ တော့တယ်။ 

ဒါကြောင့် ထမင်းစားနေစဉ် မှာ ရေခဲရေ/သောက်ရေအေး တို့ဖြင့် မျှောမချဘဲ ဟင်းချို ပူပူ (သို့မဟုတ်)ရေနွေးဖြူ  (သို့မဟုတ်)ရေနွေးကြမ်း တို့ဖြင့်သာ ထမင်းလုပ် မနင်အောင် မျှောချကြပါရန် နဲ့ ထမင်း စားပြီး အနည်းဆုံး နာရီဝက်ကျော် ကြာမှသာ သောက်ရေအေးသောက်ကြပါရန် အမေရိကန် ရှိ ကျန်းမာရေး သုတေသီများက Daily Health Tips (ခေါ်) အင်တာနက်သတင်း မှာ အကြံပေးဖော်ပြသွားခဲ့ပါတယ်။ 

သို့ပါ၍ ဤ ကျန်းမာရေးဆောင်းပါးကို ဖတ်ရှုပြီးနောက် မိမိကိုယ် ကိုဆင်ခြင် ကြပြီး မိသားစု ၊ ဆွေမျိုး၊ မိတ်ဆွေ များအားလုံး ကိုလည်း ကျန်းမာရေး အသိပေးမျှဝေပေးခြင်း ဖြင့် လူ ၁ဝယောက် မှာ အနည်းဆုံး တစ်ယောက် ကို အသက် ကင်တင်နိုင်မှာဖြစ်ပါကြောင်း အသိပေးနှိုးဆော်လိုက်ရ ပါတယ်။

Credit :  ပေါက်ပေါက် 

အောင်မြင့်မြတ်(Myanmar Youths)

Read More

အရက်အဆိပ်သင့်ခြင်း

အရက်ကို ကြာရှည်စွဲမြဲစွာသောက်လျှင် ကာယ၊စိတ်ဓာတ် စွမ်းဆောင်မှုများကို ထိခိုက်ခြင်း၊ အာရုံကြောစနစ်ကို ထိခိုက်နိုင်ခြင်းနှင့် အသည်းခြောက်ဝေဒနာ များ ဖြစ်စေနိုင်ပါသည်။

လက္ခဏာများ
--------------
အရက်အဆိပ်သင့်သော သူတစ်ဦးတွင် တွေ့ရမည့် လက္ခဏာများမှာ အိပ်လိုက်၊ နိုးလိုက်ဖြစ်ခြင်း၊ မျက်နှာနီမြန်းနေခြင်း၊ ချွေးစေးပြန်ခြင်း၊ သွေးခုန်နှုန်း မြန်ခြင်း၊ အချိန်အကြာကြီး သတိလစ်နေနိုင်ခြင်း။

အရက်အလွန်အကျွံသောက်ပါက ဖြစ်နိုင်သော အန္တရာယ်များ
----------------------------------------------------------------
အရက်အလွန်အကျွံ သောက်သုံးမိပါက အန်ဖတ်ဆို့ခြင်း၊ အစာဆို့နင်ခြင်း၊ အရက်ကြောင့် သွေးကျောကျယ်ပြီး ခန္ဓာကိုယ်အပူချိန် ကျဆင်း၍ သွေးဆုတ်သွေးလန့်ဖြစ်ခြင်း၊ သတိလစ်ပြိုလဲ၍ ဦးခေါင်းနှင့် အခြားအင်္ဂါ အစိတ်အပိုင်းများကို ထိခိုက်ဒဏ်ရာ ရခြင်းများ ဖြစ်နိုင်ပါသည်။

ပြုစုခြင်း

၁။ လူနာကို နွေးထွေးစွာထားပါ။
၂။ သတိလစ်နေပါက စိတ်ချရသော ဘေးစောင်းအနေအထားဖြင့် ထားပါ။
၃။ အခြားဒဏ်ရာများရှိ/မရှိစစ်ဆေးပါ။ အထူးသဖြင့် ဦးခေါင်းတွင် ဒဏ်ရာရှိ/မရှိစစ်ဆေးပါ။ ဒဏ်ရာရှိပါက ဒဏ်ရာပြုစုပုံအတိုင်းပြုစုပါ။
၎။ သတိလစ်နေသောလူနာကို အသက်ရှင်သန်မှု လက္ခဏာများဖြစ်သည့် တုန့်ပြန်မှု၊ သွေးခုန်နှုန်း တို့ကို စောင့်ကြည့် မှတ်တမ်းတင်၍ ထားပါ။
၅။ ဆေးရုံ၊ဆေးခန်း သို့ပို့ပါ။

Ref: အခြေခံရှေးဦးပြုစုခြင်း လက်စွဲစာအုပ်
Healthcare.com.mm သင့်ကျန်းမာရေး စောင့်ရှောက်ပေး

အောင်မြင့်မြတ်(Myanmar Youths)

Read More

HIVပိုးရှိမှန်းသိရှိနိုင်သောလက္ခဏာများ

ခန္ဓာကိုယ်ထဲကို HIV ပိုး ဝင်ရောက်ခံရသူတွေရဲ့ ၄၀ ရာခိုင်နှုန်းမှ ၉၀ ရာခိုင်နှုန်းဟာ တစ်လမှ နှစ်လအတွင်း Acute retroviral syndrome လို့ခေါ်တဲ့ တုပ်ကွေးရောဂါလိုမျိုး လက္ခဏာ ဖြစ်ပေါ်တတ်ပါတယ်။

တစ်ခါတစ်ရံမှာ HIV ရောဂါပိုးဝင်တဲ့ လက္ခဏာဟာ နှစ်ပေါင်းများစွာ ဒါမှမဟုတ် ဆယ်စုနှစ်ထိတောင် မပေါ်ပေါက်ပဲ ရှိနေတတ်ပါတယ်။ ဒါကြောင့် HIV ရောဂါပိုး ရှိသူ ငါးယောက်မှာ တစ်ယောက်နှုန်းဟာ သူတို့မှာ ပိုးရှိမှန်း မသိရှိကြပါဘူး။ ပိုးရှိ၊ မရှိ စစ်ဆေးဖို့က အရေးကြီးပါတယ်။

အထူးသဖြင့် မိမိ အိမ်ထောင်ဖက်အပေါ် သစ္စာမရှိဘဲ တခြားသူတွေနဲ့ အကာအကွယ်မဲ့ လိင်ဆက်ဆံမှု ပြုလုပ်သူတွေနဲ့မူးယစ်ဆေးကို အကြောဆေးအဖြစ် ထိုးသွင်းသူတွေ အနေနဲ့ HIV ပိုးအတွက် စစ်ဆေးမှု ပြုလုပ်ဖို့ လိုအပ်ပါတယ်။ အောက်ပါတို့ဟာ HIV ပိုးရှိနေမှန်း သိနိုင်တဲ့ လက္ခဏာတချို့ပါ။

၁။ အဖျားရှိခြင်း

HIV ပိုး ဝင်ရောက်တဲ့ ပထမဆုံး လက္ခဏာအနေနဲ့ အဖျားရှိတာပါ။ ၁၀၂ ဒီဂရီလောက်ထိ ရှိတတ်ပါတယ်။ မောပန်းတာ၊ အကျိတ်ရောင်တာနဲ့ လည်ချောင်း နာတာတွေပါ တွဲပြီး ဖြစ်တတ်ပါတယ်။ ဗိုင်းရပ်စ်ပိုးဟာ သွေးအတွင်း ရွေ့လျားနေပြီး အများအပြား ပေါက်ဖွားလာတဲ့ အခါမှာ ခုခံအားစနစ်က တုံ့ပြန်တာကြောင့် ဖြစ်ပေါ်လာတဲ့ လက္ခဏာပါ။

၂။ မောပန်းခြင်း

ခုခံအားစနစ်ရဲ့ တုံ့ပြန်မှုကြောင့် မောပန်းတဲ့ဝေဒနာ ခံစားရနိုင်ပါတယ်။ မောပန်းတာဟာ HIV ပိုးရှိတဲ့ ပထမနဲ့ နောက်ဆုံး လက္ခဏာလည်း ဖြစ်နိုင်ပါတယ်။

၃။ ကြွက်သားနဲ့ အဆစ်တွေ နာကျင်ကိုက်ခဲခြင်း

HIV ပိုးဝင်ရောက်တဲ့ လက္ခဏာဟာ တုပ်ကွေးနဲ့ မှားယွင်းတတ်ပါတယ်။ တစ်ခါတစ်ရံမှာ ကာလသားရောဂါ ဒါမှမဟုတ် အသည်းရောင် ရောဂါနဲ့လည်း မှားယွင်း တတ်ပါတယ်။ အဲဒီရောဂါတွေ အားလုံးမှာအဆစ်နဲ့ ကြွက်သားကိုက်ခဲ နာကျင်တာ၊ အကျိတ်တွေ ရောင်တာတွေ ဖြစ်ပေါ်တတ်လို့ပါ။ ခန္ဓာကိုယ်တွင်း ပိုးဝင်ရောက်တာကြောင့် ခန္ဓာကိုယ်ရဲ့ ခုခံအားစနစ်ရဲ့ တုန့်ပြန်မှုကြောင့် အကျိတ်ရောင်တာ ဖြစ်ပြီးများသောအားဖြင့် လည်ပင်း၊ ချိုင်း နဲ့ ပေါင်ခြံ နေရာတွေက အကျိတ်တွေမှာ ရောင်ရမ်းနေတတ်ပါတယ်။

၎။ လည်ချောင်း နာခြင်း၊ ခေါင်းကိုက်ခြင်း

လည်ချောင်းနာတာနဲ့ ခေါင်းကိုက်တာဟာလည်း အကျိတ်ရောင်တာလိုပဲ HIV ပိုးဝင်ရောက်တဲ့ တခြားလက္ခဏာတွေပါ။

၅။ အရေပြားတွင် အဖုအပိမ့် ပေါက်ခြင်း

အရေပြားမှာ အဖုအပိမ့် ပေါက်တာဟာလည်း HIV ပိုး ဝင်ရောက်တဲ့ စောစောစီးစီး လက္ခဏာ ဒါမှမဟုတ် နောက်ကျတဲ့ လက္ခဏာတွေ ဖြစ်နိုင်ပါတယ်။ ပြည်တည်နာလိုမျိုး အနာတွေဟာ လက်မောင်းနဲ့ ခန္ဓာကိုယ်အတွင်း ပေါက်နေတတ်ပါတယ်။

၆။ ပျို့ခြင်း၊ အန်ခြင်း၊ ဝမ်းသွားခြင်း

HIV ပိုး ဝင်ရောက်သူ ၃၀ ရာခိုင်နှုန်းမှ ၆၀ ရာခိုင်နှုန်းဟာ ပျို့တာ၊ အန်တာ ဒါမှမဟုတ် ဝမ်းပျက်တာတွေ ဖြစ်တတ်ပါတယ်။

၇။ ကိုယ်အလေးချိန် ကျဆင်းခြင်း

HIV ပိုး ဝင်ရောက်တာကြောင့် ဖြစ်တဲ့ AIDS ရောဂါရဲ့ နောက်ဆုံးအဆင့်ကြောင့် ဖြစ်နိုင်သလို ဆိုးဆိုးရွားရွား ဝမ်းပျက်တာကြောင့်လည်း ဖြစ်တတ်ပါတယ်။ ကိုယ်အလေးချိန် ကျဆင်းနေတာဟာ ခုခံအားစနစ် ကျဆင်းနေတယ်လို့ အဓိပ္ပာယ် ရပါတယ်။ မိမိခန္ဓာကိုယ် အလေးချိန်ရဲ့ ၁၀ ရာခိုင်နှုန်း ဒါမှမဟုတ် ဒါထက်ပိုပြီး ကျဆင်းကာ ဝမ်းပျက်နေပြီး ရက်ပေါင်း ၃၀ ကျော်ထိ အဖျားရှိနေမယ်ဆိုရင် HIV ပိုး ဝင်ရောက်နိုင်တယ်လို့ သံသယရှိရပါမယ်။

၈။ ချောင်းခြောက်ဆိုးခြင်း

ချောင်းခြောက်ဆိုးနေပြီး ချောင်းဆိုးပျောက်ဆေးနဲ့ တခြားဆေးဝါးတွေ အသုံးပြုရင်တောင် မပျောက်ကင်းခဲ့ရင် HIV ရောဂါပိုးရှိတယ်လို့ သံသယဝင်ရပါမယ်။

၉။ နမိုးနီးယား အဆုတ်ရောင်ရောဂါ

ချောင်းဆိုးတာနဲ့ ကိုယ်အလေးချိန် ကျတာဟာ HIV ပိုး ဆိုးရွားစွာ ဝင်ရောက်တဲ့ လက္ခဏာ ဖြစ်ပြီး ခန္ဓာကိုယ်ရဲ့ ခုခံအားစနစ်ကလည်း ကောင်းကောင်း အလုပ်မလုပ်နိုင်လို့ ဖြစ်တာပါ။ ခုခံအားစနစ် ကျဆင်းတာကြောင့် ဒါကို အခွင့်ကောင်းယူပြီး ရောဂါပိုးများစွာ ဝင်ရောက် နိုင်ပါတယ်။ နမိုးနီးယားအပြင် ရေယုန်နဲ့ မှိုပိုးတွေပါ ဝင်ရောက်နိုင်ပါတယ်။

၁၀။ ညဘက် ချွေးထွက်ခြင်း

HIV ပိုး ဝင်ရောက်သူ ထက်ဝက်ခန့်ဟာ ညဘက်မှာ ချွေးထွက်တတ်ပါတယ်။ မီးယပ် သွေးဆုံးပြီးသူ အမျိုးသမီးတွေ ခံစားရတဲ့ ဝေဒနာလိုမျိုးပါ။ အခန်းအပူချိန် ဒါမှမဟုတ် လေ့ကျင့်ခန်း ပြုလုပ်တာနဲ့ မသက်ဆိုင်ပါဘူး။

၁၁။ လက်သည်း ခြေသည်း ပြောင်းလဲခြင်း

HIV ပိုးဝင်ရောက်တဲ့ လက္ခဏာဟာ လက်သည်းခြေသည်းတွေ တင်းပုတ် ပုံသဏ္ဌာန် ပြောင်းလဲတာ၊ လက်သည်းကွဲတာ ဒါမှမဟုတ် လက်သည်းအရောင် ပြောင်းလဲတာတွေ ဖြစ်တတ်ပါတယ်။ မှိုပိုး ကူးစက်တာကြောင့် ဖြစ်တတ်ပြီး ခုခံအား ကျဆင်းနေတဲ့အတွက် ပိုးမွှားတွေ အလွယ်တကူ ဝင်ရောက်နိုင်လို့ပါ။

၁၂။ မှိုရောဂါပိုး ဝင်ရောက်ခြင်း

မှက္ခရုပေါက်တာဟာ HIV ပိုးရှိသူတွေမှာ အဖြစ်များပါတယ်။ ကန်ဒိတာ မှိုပိုးကြောင့်ဖြစ်ပြီး ပါးစပ် ဒါမှမဟုတ် အစာမျိုပြွန်မှာ ဖြစ်တတ်တာမို့ အစာမျိုရတာ ခက်ခဲတတ်ပါတယ်။

၁၃။ အာရုံစူးစိုက်နိုင်ရန် ခက်ခဲခြင်း

မှတ်ဉာဏ်ပြဿနာ၊  အာရုံစူးစိုက်ရ ခက်ခဲတဲ့ပြဿနာ၊  စိတ်တိုလွယ်တာ ဒါမှမဟုတ် စိတ်ဆတ်တာဟာ HIV ပိုး ဝင်ရောက်ခံရတဲ့ လက္ခဏာပါ။ စာရေးတာလိုမျိုး နေ့စဉ် အလွယ်တကူ ပြုလုပ်ရတဲ့ လှုပ်ရှားမှုတွေ ပြုလုပ်ဖို့လည်း ခက်ခဲတတ်ပါတယ်။

၁၄။ ရေယုန်ပေါက်ခြင်း သို့မဟုတ် လိင်အင်္ဂါ ရေယုန်ပေါက်ခြင်း

ပါးစပ်ရေယုန်နဲ့ လိင်အင်္ဂါမှာ ရေယုန်ပေါက်တာဟာ HIV ပိုးရဲ့ နောက်ဆုံးအဆင့် လက္ခဏာတွေပါ။ ဒါ့အပြင် ရေယုန် ပေါက်တာကြောင့်လည်း HIV ပိုး ကူးစက်ဖို့ ပိုလွယ်သွားပါတယ်။ ရေယုန်ပေါက်တာကြောင့် အနာဖြစ်ရာမှ လိင်ဆက်ဆံနေစဉ် အတွင်း HIV ပိုးဟာ ခန္ဓာကိုယ်တွင်း အလွယ်တကူ ဝင်ရောက်နိုင်လုိ့ပါ။

၁၅။ ထုံကျဉ်ခြင်း၊ အားနည်းခြင်း

HIV ပိုး ရှိနေရင် ခြေထောက်နဲ့ လက်မှာ ထုံတာတွေ ကျဉ်တာတွေ ဖြစ်တတ်ပါတယ်။ အာရုံကြော ပျက်စီးတာကြောင့် ဖြစ်ပြီး ဆီးချိုရောဂါကို မထိန်းနိုင်သူတွေမှာ ဖြစ်တတ်တာနဲ့ တူပါတယ်။

၁၆။ ဓမ္မတာမမှန်ခြင်း

HIV ပိုးရှိသူတွေ အနေနဲ့ ရာသီသွေးနည်းတာ၊ သွေးကျဲတာတွေ ဖြစ်တတ်ပါတယ်။ အချိန်မတိုင်ခင် မီးယပ်သွေးဆုံးတာ ဖြစ်တတ်ပါတယ်။ ပုံမှန်အားဖြင့် ၄၉ နှစ်မှ ၅၃ နှစ်အရွယ်မှာ သွေးဆုံးတတ်ပေမယ့် HIV ပိုး ကူးစက်ခံရသူတွေမှာ ၄၇ နှစ်မှ ၄၈ နှစ် အရွယ်မှာ သွေးဆုံးတတ်ပါတယ်။ 

အောင်မြင့်မြတ်(Myanmar Youths)

Read More

ချိုင်းချွေးနံ့ပျောက်စေမဲ့အလွယ်ဆုံးနည်းသုံးနည်း

သင်ဟာ ချိုင်းချွေးနံ့ အရမ်းကိုနံတဲ့သူဖြစ်ရင် အောက်ပါအချက် (၃) ချက်ကိုပဲ ဝီရိယရှိရှိ လုပ်ပေးပါ။ ရက်ပိုင်းအတွင်း သိသာလာတာကို တွေ့ရပါလိမ့်မယ်။

၁။ အာလူးကို အချပ်လေးတွေလှီးပြီး ချိုင်းကို ပွတ်ပေးပါ။ ခြောက်သွားမှ ရေဆေးချပါ။



၂။ ကျောက်ချဉ်မှုန့်နဲ့ ထုံးအရည်ကြည် ရောစပ်ပြီး ချိုင်းကို ရေချိုးပြီးတိုင်း ပွတ်ပေးပါ။ (တချို့ကလည်း ကျောက်ချဉ်ကို ဒီတိုင်းပွတ်ကြပါတယ်။ အဲလိုလည်း အစွမ်းထက်တယ် လို့ ဆိုပါတယ်)



၃။ တစ်နေ့ကို အနည်းဆုံး ရေတစ်ကြိမ်ချိုးပေးပါ။ တကယ်တော့ ချွေးက သူ့တစ်ခုတည်းဆို အနံ့မရှိပါဘူး။ ဘက်တီရီးယားနဲ့ ပေါင်းပြီး အနံ့ထွက်လာတာပါ။ ဒါကြောင့် ချွေးထွက်များတဲ့ နေရာတွေကို အဓိက သေချာဆေးကြောရင် ချိုင်းချွေးနံ့သာမက တစ်ကိုယ်လုံးက ချွေးနံ့ကိုပါ လျော့ပါးစေပါတယ်။

အောင်မြင့်မြတ်(Myanmar Youths)

Read More

တုတ်ထခြင်း

ကလေးများမှာ အဖြစ်များသည်။ တုတ်ရှိသော ကလေးဝမ်းသွားလျှင် ဝမ်းထဲမှာ ချည်မျှင်ကလေးများနှင့်တူသော တုတ်ကောင်လေးများ တွေ့ရလေ့ရှိသည်။ ယင်းပုံစံကို အစွဲပြု၍ တုတ်ကောင်ကို (Worm ) ပိုးဟုခေါ်သည်။ အထူးသဖြင့် ညဘက်ရောက်လျှင် ကလေးများ စအိုဝမှာ ယားသည်။ တုတ်ထခြင်း၏ အစဦးဆုံး လက္ခဏာ၊ တုတ်ပိုးက ညရောက်လျှင် ဥ ဥချတတ်သည်။ ကလေးထိုသို့ပြောလာစဉ် စအိုဖြဲကြည့်ပါက စအိုဝမှာ အိတ်ကလေး တစ်လုံးကဲ့သို့ အဖုလေးတွေ့ရတတ်သည်။ စအိုဝမှာလည်း တုတ်ကောင်လေးတွေ တွေ့ရတတ်သည်။ မိန်းကလေး ဆိုပါက မိန်းမကိုယ် ယားယံတတ်သေးသည်။

ထိုသို့ တုတ်ထ၍ စအို၊ မိန်းမကိုယ်ယားစဉ် ကလေးကုတ်ဖဲ့မိပါက ကုတ်မိသောနေရာ နီရဲရောင်ရမ်း လာတတ်သည်။ ကလေးလက်ထဲတွင်လည်း တုတ်ဥ၊ တုတ်ကောင် ပါလာတတ်သည်။ ထိုသို့ ကုတ်မိပြီး လက်မဆေးမိပါက ထိုလက်ဖြင့်ပင် အစားအသောက်တို့ကို စားသောက်မိပါက ဝမ်းထဲပြန်ဝင်သွားနိုင်သည်။ ထိုတုတ်ရှိရာ စအိုဝ၊ မိန်းမကိုယ်ကို ကုတ်ထားသည့်လက်နှင့် ကိုင်တွယ် ထိတွေ့မိသောအရာ၊ အစားအသောက်များကတစ်ဆင့် အခြားသူများထဲသို့ပါ တုတ်ပိုး ကူးစက်ရောက်ရှိသွားနိုင်သည်။ တုတ်များလျှင် စအို၊ မိန်းမကိုယ် ယားရုံသာမက ဗိုက်ပါ အောင့်လာနိုင်သေးသည်။

လက်တွေ့နည်းများ 

တစ်ကိုယ်ရေသန့်ရှင်းမှု ဂရုစိုက်

• မလုပ်မဖြစ် လုပ်ရမည့် ကိစ္စဖြစ်သည်။ သို့မှသာ တုတ်ကောင်၊ သန်ကောင်တို့၏ ဘဝသံသရာ ကွင်းဆက်ကို ဖြတ်နိုင်ကာ နောက်တစ်ကြိမ် တုတ်၊ သန်၊ မထရန် အခြားသူများသို့ မိမိထံမှ မကူးစက် မရောက်ရှိသွားနိုင်စေရန် ကာကွယ်ပေးပြီးသား ဖြစ်သွားပါသည်။

• အစာမစားမီ၊ အစားအသောက်တို့ကို မကိုင်မီ၊ အစာစားပြီး အပေါ့။ အလေးစွန့်ပြီးတိုင်း ကလေး၏လက်ကို ဆပ်ပြာတို့ဖြင့် အသေအချာ ဆေးကြောပေးပါ။ လက်သည်း ခြေသည်း မှန်မှန်ညှပ်ပေးပါ။ လက်စုပ်သည့် ဓလေ့၊ လက်သည်းကိုက်သည့် ဓလေ့များ ပပျောက်အောင် ပြု ပြင်ပေးပါ။

• တုတ်ကောင်ဥတို့မှာ အိပ်ရာခင်း၊ တဘက်၊ မျက်နှာသုတ် ပဝါတို့ပေါ်တွင် နှစ်ပတ်ကြာ အသက်ရှင်နိုင်သည်။ ထို့ကြောင့် နေ့စဉ်လဲပေးပါ။ လဲသည့်အခါ ခါထုတ်မပစ်ရ။ လုံးထွေးယူသွားပါ။ ခါပစ်လိုက်ပါက တုတ်ကောင်ဥများ နေရာအနှံ့သို့ ပျံ့နှံ့သွားမည်။ အဆိုပါ အိပ်ရာခင်း၊ တဘက်၊ မျက်နှာသုတ်ပဝါ တို့ကို ရေနွေးဖြင့် ပြုတ်လျှော်ပါ။ နေဝအောင်ပြ၍ လှန်းပါ။ အခြောက်ခံစက် သုံးပါက အဝတ်အထည်များကို ထက်၊ အောက်၊ လှည့်မွှေပေးသော အခြောက်ခံစက်ထဲ ထည့်၍ အခြောက်ခံပါ။ ကလေးအတွက် သီးသန့် တဘက်၊ မျက်နှာသုတ်ပဝါ ထားပေးပါ။

ဆေးဝါး Vermox (Mebendazole)

သန်ချဆေး Mebendazole ကိုပင် တိုက်နိုင်သည်။ အသက် နှစ်နှစ်ကျော်ပါက ညအိပ်ရာဝင် တစ်ပြား တိုက်နိုင်သည်။ လိုအပ်ပါက နောက်နှစ်ပတ် အကြာမှာ တစ်ပြားထပ်တိုက်နိုင်သည်။ အသက် တစ်နှစ်မှ နှစ်နှစ်အရွယ် ကလေးများအတွက် pyrantal ဆေးကို တိုက်နိုင်သည်။ ဆေးပြား၊ ဆေးရည်၊ ဝါးစားရသော ဆေးပြားအဖြစ် လာသည်။ ၁၄ ရက်ကြာပါက နောက်ထပ်တစ်ကြိမ် ထပ်တိုက်ရသည်။ ထိုဆေးက တုတ်ကောင်ကိုသာ ချေမှုန်းနိုင်သည်။ တုတ်ကောင်ဥကို မပျက်စီးစေနိုင်။ ထို့ကြောင့် ဆေးကျွေးပြီး အနည်းဆုံး နှစ်ပတ်ကြာ ကလေး၏ တစ်ကိုယ်ရေ သန့်ရှင်းမှုကို ဂရုစိုက်ပေးရန် လိုသည်။

Credit : ဒေါက်တာသန်းထွဋ် (အိမ်တွင်းသမားတော် စာအုပ်)
Healthcare.com.mm သင့်ကျန်းမာရေး စောင့်ရှောက်ပေး

အောင်မြင့်မြတ်(Myanmar Youths)

Read More