သရက်ရွက်ရဲ့ကောင်းကျိုးများ

သရက်ရွက်တွေမှာ ကျန်းမာရေး ကောင်းကျိုးတွေရှိတယ်ဆိုရင် အံ့ဩကြလေမလား။ အရွက်နုထွက်ချိန်မှာ အနီရောင်ဖျော့ဖျော့၊ ခရမ်းရောင်ဖျော့ဖျော့ ရှိတတ်သလို အရွက်ရင့်လာချိန်မှာ အစိမ်းရင့်ရောင်ရှိတဲ့ သရက်ရွက်မှာ ဗီတာမင်စီ၊ ဘီ၊ အေနဲ့ တခြားသော အာဟာရဓာတ်တွေအပြင် ဓာတ်တိုးဆန့်ကျင် ဂုဏ်သတ္တိလည်း ကြွယ်ဝပါတယ်။ သရက်ရွက်မှာ ဘယ်လိုကောင်းကျိုးတွေ ရှိထားသလဲဆိုရင်တော့-

ဆီးချိုရောဂါပျောက်ကင်းစေခြင်း

သရက်ရွက်နုလေးတွေဟာ ဆီးချိုရောဂါအစောပိုင်းအဆင့်တွေ ကုသရာမှာ ထောက်ကူတယ်လို့ ဆိုပါတယ်။ အရွက်တွေကို အခြောက်လှန်း အမှုန့်ကြိတ်ပြီး သုံးနိုင်သလို ရေနွေးနွေးထဲမှာ နှပ်ထားပြီးတော့လည်း သုံးစွဲနိုင်ပါတယ်။ နောက်ပြီး သရက်ရွက်ကို ရေတစ်ဖန်ခွက်မှာထည့်၊ တစ်ညထားပြီး နောက်တစ်နေ့မှာ စိမ်ထားတဲ့ရေကို သောက်တာမျိုးလည်း လုပ်ပေးနိုင်ပါတယ်။

သွေးဖိအားပုံမှန်ဖြစ်စေခြင်း

သွေးတိုးသမားတွေ သွေးဖိအားပုံမှန်ဖြစ်ဖို့ ကူညီပေးသလို သွေးကြောထုံးတာတွေကိုလည်း သက်သာစေပါတယ်။

ပင်ပန်းနွမ်းနယ်မှုကို သက်သာစေခြင်း

စိုးရိမ်ကြောင့်ကြမှုတွေကြောင့် ပင်ပန်းနွမ်းနယ်နေပြီဆိုရင်တော့ သရက်ရွက်ကို ရေနွေးစိမ်ထားတာ သုံးဖန်ခွက်လောက်ကို ချိုးရေထဲမှာရောပြီး ရေချိုးလိုက်ရင် လန်းဆန်းစေမှာပါ။

သည်းခြေကျောက်နဲ့ ကျောက်ကပ်ကျောက်တည်မှု သက်သာစေခြင်း

သရက်ရွက် အခြောက်မှုန့်ကို ရေတစ်ဖန်ခွက်ထဲမှာ တစ်ညစိမ်ထားပြီး သောက်ပေးရင် ကျောက်တည်တာတွေကို ချေဖျက်ပေးတယ်လို့ ဆိုပါတယ်။

ဝမ်းကိုက်ပျောက်စေခြင်း

သရက်ရွက်ခြောက်မှုန့်ကို ရေကျက်အေးနဲ့ဖျော်ပြီး တစ်နေ့ နှစ်ကြိမ်ကနေ သုံးကြိမ်လောက်အထိ သောက်ပေးရင် ဝမ်းကိုက်တာတွေ သက်သာပျောက်ကင်း စေပါတယ်။

နားကိုက်သက်သာစေခြင်း

ခံရခက်တဲ့ နားကိုက်တာတွေ သက်သာစေမယ့် အိမ်တွင်း ဆေးတစ်လက်ကတော့ သရက်ရွက်ကို အရည်ညှစ်ပြီး နားထဲခတ်ပေးနိုင်တယ်လို့ ဆိုပါတယ်။

အပူလောင်သက်သာစေခြင်း

အရေပြားမှာ ဆီပူလောင်၊ ရေနွေးပူလောင်ခံရပြီဆိုရင် သရက်ရွက်ကို ပြာချပြီး အဲဒီအမှုန့်အုပ်ပေးတာမျိုး လုပ်နိုင်ပါတယ်။

အသက်ရှူလမ်းကြောင်းပြဿနာ များအား ဖြေရှင်းနိုင်ခြင်း

အအေးမိ၊ ချောင်းဆိုး၊ ရင်ကျပ်ဖြစ်ရင် သရက်ရွက်ကို ရေနွေးဆူဆူထဲမှာ ပျားရည်လေး နည်းနည်းထည့်ပြုတ်ပြီး သောက်ပေးရင် သက်သာစေသလို အသံဝင်တာတွေကိုလည်း ပျောက်ကင်းစေတယ်လို့ ဆိုပါတယ်။

ကြို့ထိုးခြင်းနဲ့ လည်ချောင်း ပြဿ နာများ ပျောက်ကင်းစေခြင်း

သရက်ရွက်အနည်းငယ်ကို မီးကင်ပြီး အငွေ့ကို ရှူတာမျိုး လုပ်ပေးနိုင်ပါတယ်။

အစာအိမ်ပြဿနာများ ကာကွယ် ခြင်း

ရေနွေးနွေးထဲကို သရက် ရွက်အနည်းငယ်ထည့်ပြီး တစ်ည စိမ်ထားတဲ့ရေကို နောက်တစ်နေ့မနက် ဘာမှမစားခင် ပုံမှန်သောက်ပေးရင် အစာအိမ်ကျန်းမာရေးအတွက် အထောက်အကူ ပြုသလို အစာအိမ်ဆိုင်ရာ ပြဿ နာတွေကိုလည်း ကာကွယ်ပြီးသား ဖြစ်စေပါတယ်။

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246

Read More

ညအိပ်စဉ် ဘရာစီယာ ဝတ်အိပ်သင့် မအိပ်သင့်

ညအိပ်စဉ် ဘရာစီယာဝတ်အိပ်ခြင်းနှင့်ပတ်သက်၍ အယူအဆမျိုးစုံကွဲပြားလျက်ရှိပြီး အလှအပရေးရာ အတွက် ထောက်ခံသူများရှိသကဲ့သို့ ရင်သားကင်ဆာဖြစ်နိုင်ခြေရှိသည်ဟု သတိပေးသူများလည်းရှိသည်။ ခွဲစိတ်အထူးကုဆရာဝန်တစ်ဦးဖြစ်သူ တွဲဖက်ပါမောက္ခဒေါက်တာ Amber Guth ကမူ ဘရာစီယာဝတ်လျက် အိပ်စက်ခြင်းသည် ကောင်းကျိုး (သို့မဟုတ်) ဆိုးကျိုးသက်ရောက်စေသည်ဟူသည့် သက်သေ အထောက်အထားမရှိကြောင်း၊ ကိုယ်ဝန်ဆောင်ခြင်းနှင့် ကလေးနို့တိုက်ခြင်းမှာ ရင်သားတွဲကျခြင်း၏ အဖြစ်များဆုံးအကြောင်းရင်းများဖြစ်ပြီး ကမ္ဘာမြေဆွဲအားနှင့် အချိန်အခါတို့ကလည်း သက်ရောက်မှုရှိသည်ဟု ဆိုထားသည်။

ကမ္ဘာမြေဆွဲအားသက်ရောက်မှုကြောင့်ပင် အိပ်စက်စဉ် ဘရာစီယာ ဝတ်ဆင်ခြင်းက ကောင်းကျိုးပေးနိုင်ကြောင်း၊ ကျိုးကြောင်းဆင်ခြင်ကြည့်လျှင် ညအိပ်ချိန် ရှစ်နာရီခန့်တွင်း ရင်သားတွင်အထိန်းရှိခြင်းဖြင့် ရင်သားကိုပိုမိုနေရာတကျ တင်းတင်းရင်းရင်းဖြစ်စေနိုင်မည်ဖြစ်ကြောင်း 25 နှစ်ကြာ ဘရာစီယာအံကျတိုင်းပေးခြင်းအလုပ်ကို  လုပ်ကိုင်ခဲ့သူ ဝါရင့်ပညာရှင် Linda Becker ကပြောကြားခဲ့သည်။ ဘရာစီယာဝတ်အိပ်သင့်/မသင့်မှာ ရင်သားအရွယ်အစားနှင့်လည်းသက်ဆိုင်ပြီး A နှင့် B အရွယ်အစားရှိသူများအဖို့ ဝတ်အိပ်ရန်မလိုသော်လည်း ထို့ထက်ပိုကြီးသော D နှင့် အထက် အရွယ်အစားပိုင်ရှင်တို့မှာမူ ဝတ်အိပ်သင့်ကြောင်း ၄င်းကရှင်းလင်းပြောကြားခဲ့သည်။

နှစ်ပေါင်းများစွာ ဘရာစီယာဝတ်ဆင်အိပ်စက်ခဲ့သူ Erica Cheung ကမူ ၄င်းမှာ အသက် (10) နှစ်အရွယ်ကပင် ဘရာစီယာဝတ်ကျင့်ခဲ့ပြီး ညအိပ်ရာတွင်လည်း ဝတ်ဆင်ခဲ့ကြောင်း၊ ထိုစဉ်က ဝတ်ဆင်သောဘရာစီယာများမှာ အားကစားဝတ်စုံဘရာစီယာနှင့်ဆင်တူသည့်အတွက် သက်တောင့်သက်သာရှိကြောင်း၊ သို့ရာတွင် နောက်ပိုင်း အုံမာဘရာစီယာဝတ်ဆင်သည့် အရွယ်ရောက်ရှိလာချိန်တွင်မူ သက်တောင့်သက်သာမရှိဘဲ တစ်ခါတရံနာကျင်မှုကြောင့် ညဘက်လန့်နိုးတတ်ကြောင်း၊ သို့ရာတွင် ကျင့်သားရနေပြီဖြစ်ပြီး မိခင်ဖြစ်သူ၏တိုက်တွန်းမှုကြောင့် ဆက်လက်ဝတ်ဆင်ကြောင်းဖြင့် ပြောကြားခဲ့သည်။

ဝါရင့်ပညာရှင် Becker ကိုယ်တိုင်ကလည်း တင်းကြပ်သောအုံမာဘရာစီယာဝတ်ဆင်အိပ်စက်ခြင်း သည် ကျန်းမာရေးဆိုးကျိုးများဖြစ်ပေါ်နိုင်ပြီး ရင်သားကိုထိခိုက်နာကျင်စေပြီး အရေအိတ်များဖြစ်ပေါ်စေနိုင်သည် ဟု သတိပေးပြောကြားခဲ့သည်။ ဒေါက်တာ Guth ကလည်း အံဝင်ခွင်ကျနှင့် သက်တောင့်သက်သာမရှိသော ရင်သားအထိန်းများ၊ ဘရာစီယာများဝတ်ဆင်ခြင်းသည် သွေးနှင့် ပြန်ရည်ကြောလှည့်ပတ်မှုများကိုထိခိုက်စေပြီး ရက်ရှည်အသုံးပြုပါက ပြန်ရည်ကြောပိတ်ဆို့မှုကြောင့် ရင်သားရောင်ခြင်း၊ အန်းခြင်းများ ဖြစ်ပေါ်နိုင်သည်။

သိပ္ပံပညာရှင်များသည် ရင်သားကင်ဆာဖြစ်ပေါ်ရာတွင် ပါဝင်နိုင်ခြေရှိသော ဇီဝဖြစ်စဉ်များ ကိုလေ့လာလျက်ရှိပြီး ဘရာစီယာကဲ့သို့သော ပြင်ပပစ္စည်းများက အကျိုးသက်ရောက်နိုင်သည်ဆိုခြင်းမှာ မဖြစ်နိုင်ကြောင်းနှင့် မိမိလူနာများကိုလည်း ဘရာစီယာဝတ်အိပ်ခြင်းနှင့်ပတ်သက်၍ ၎င်းတို့စိတ်ဆန္ဒ အတိုင်း ရွေးချယ်လုပ်ဆောင်စေကြောင်း ဒေါက်တာ Guth ကရှင်းလင်းပြောကြားခဲ့သည်။

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246

Read More

မျက်မှန်ကိုစွဲစွဲမြဲမြဲတပ်ရင်ပါဝါကျသွားတတ်သလား

မျက်စိနဲ့ ပတ်သက်တဲ့ အယူအဆတွေက လူတွေကြားထဲမှာ ပျံ့နှံ့နေတာ အမျိုးမျိုးရှိပါတယ်။ အဲဒီအထဲက ဆရာတို့ဆီကို ရောက်လာတဲ့ လူနာအများစုမှာ တွေ့ရတဲ့ အယူအဆမှားတွေ အကြောင်းကို ပြောပြချင်ပါတယ်။ အများဆုံးတွေ့ရတဲ့ အယူအဆက မျက်မှန်နဲ့ ပတ်သက်ပြီးတော့ ဖြစ်ပါတယ်။

တချို့လူတွေက မျက်မှန်ကို စွဲစွဲမြဲမြဲတပ်လိုက်ရင် မျက်မှန်ပါဝါ လျော့သွားတယ်လို့ ထင်ကြသလို တချို့ကြတော့လည်း မျက်မှန်တပ်တာကြောင့် မျက်မှန်ပါဝါ တိုးလာတယ်လို့ ထင်ကြပါတယ်။

“ကျွန်မသားက အခုမျက်မှန်ပါဝါ အနုတ် (-၁) ရှိတယ်။ အဲဒါကို စွဲစွဲမြဲမြဲ တပ်လိုက်ရင် အနုတ် (-၂) ဖြစ်သွားမှာပေါ့” လို့ပြန်ဖြေကြတယ်။

တချို့ကျတော့လည်း မျက်မှန်ကို စွဲစွဲမြဲမြဲတပ်ရင် မျက်မှန်ပါဝါ အနုတ်ကနေ - ဝ ဒသမ ၅ ဖြစ်သွားမလားလို့ ထင်ကြတယ်။ မဟုတ်ပါဘူး။ မျက်မှန်ပါဝါက မျက်လုံးရဲ့ Curvature နဲ့ Axial Length ပေါ်မှာ မူတည်ပါတယ်။ ဒါက အရွယ်နဲ့အလိုက် ပြောင်းလဲနေပါတယ်။

ဥပမာအားဖြင့် အဝေးပါဝါ (အနုတ်ပါဝါ) က Axial Langth ရှည်လာရင် အနုတ်ပါဝါက များလာတတ်ပါတယ်။

အသက် ၁၂ နှစ်အရွယ် ကလေး တစ်ယောက်က မျက်မှန်ပါဝါ အနုတ်တစ်ကို တပ်ထားတယ်။ တစ်နှစ်ကြာလို့ ပြန်စမ်းလိုက်တော့ အနုတ်တစ် ဒသမ ငါးဖြစ်သွားတယ်။ နောက်တစ်နှစ်ကျတော့ အနုတ်တစ် ဖြစ်
သွားတယ်။ ဒီတော့ မိခင်ဖြစ်သူက “ကျွန်မသားလေး မျက်မှန်တပ်လိုက်လို့ ပါဝါတိုးလာတာ ထင်တယ်” လို့ ပြောတတ်ကြတယ်။ တကယ်တော့ မဟုတ်ပါဘူး။ အရွယ်နဲ့လိုက်တဲ့ ပြောင်းလဲမှု ဖြစ်လာတာပဲ ဖြစ်ပါတယ်။

ခန္ဓာကိုယ် ဖွံဖြိုးမှုရှိနေသမျှ ပါဝါကလည်း လိုက်တက်နေမှာပါပဲ။ ပုံမှန်ဆိုရင် အသက် ၂၁ နှစ်လောက်အထိ မျက်မှန်ပါဝါ တက်နေနိုင်ပါတယ်။ ၂၁ နှစ်မှာ ခန္ဓာကိုယ်နှင့် အရပ်အမောင်း ဖွံဖြိုးမှုက ရပ်သွားပြီဆိုရင်၊ Eye Ball ရဲ့ Axial Length ရှည်တာ ရပ်သွားရင် ဖြစ်ပါတယ်။

တချို့လူနာတွေကျတော့လည်း မျက်မှန်ကို ငယ်ငယ်ကတည်းက တပ်လာတာ၊ ကြီးလာတော့ ပါဝါလျော့သွားတယ်လို့ ပြောကြတယ်။ ဒါက ဘယ်လိုဖြစ်တာလဲဆိုတော့ ငယ်ငယ်ကတည်းက အနုတ်ပါဝါ တပ်ခဲ့တယ်။ အသက် ၄ဝ အရွယ်ရောက်တော့ မျက်မှန်က အပေါင်းပါဝါ ဝင်လာတယ်။ အနုတ်ပါဝါနဲ့ အပေါင်းပါဝါကျတော့ မျက်မှန်လွတ်သွားတယ်။ အဝေးကိုတော့ မှုန်တယ်၊ အနီးကိုတော့ မြင်ရတော့ မျက်မှန်မတပ်ရတော့ဘူး။ ဒါ ငယ်ငယ်ကတည်းက မျက်မှန်ကို စွဲစွဲမြဲမြဲတပ်လာတဲ့
အကျိုးကျေးဇူးပဲလို့ ပြောကြတယ်။ ဒါလည်း မဟုတ်ပါဘူး။

နောက်တစ်ခုက အတွင်းတိမ်ရောဂါ (Cataract) အမျိုးအစားတစ်ခု ဖြစ်တဲ့ Nuclear Sclerosis ဖြစ်ရင် မျက်မှန်က အနုတ်ဘက်ကို ရောက်သွားတယ်။ အဲဒီတော့ အသက် ၅ဝ အရွယ်မှာ အပေါင်းနှစ်ထပ်ထားတော့ အနုတ်ပါဝါ ဝင်လာတဲ့အခါ ကျေသွားပြီး သုညပါဝါ ဖြစ်သွားတယ်။ ဒါပေမယ့် အဝေးကိုတော့ မှုန်တယ်၊ အနီးကို မြင်တယ်။

(ဒီလို လူနာတွေက မျက်စိအထူးကု ဆရာဝန်တွေဆီ လာပြတဲ့အခါ “ ဆရာကျွန်မ မျက်မှန်ပါဝါလွတ်သွားပြီ” ဆိုပြီး ဝမ်းသာအားရပြောကြတယ်။ ဒါ အတွင်းတိမ်ဖြစ်နေပြီဆိုတာ သိလိုက်ပါတယ်။)

သူတို့ကတော့ ငယ်ငယ်ကတည်းက မျက်မှန်ကို ဂရုတစိုက် တပ်ခဲ့လို့ အသက် ၅ဝ အရွယ်မှာ မျက်မှန်ပါဝါ လွတ်သွားတာလို့ ထင်နေကြတယ်။ တချို့ကျတော့လည်း “မျက်လုံးက ကောင်းလာလိုက်တာ၊ အပ်ပေါက်တောင် မြင်ရပြီ” လို့ ပြောကြတယ်။

သားသမီးတွေက “အမေ အပ်ပေါက်တောင် မြင်ရပြီဆိုတော့ ဒါ..ကျွန်မတို့က ဗီတာမင်အားဆေးတွေ အမြဲတိုက်လို့ ထင်တယ်” လို့ပြောတတ်ကြတယ်။ တကယ်တော့ မဟုတ်ပါဘူး။ ဒါက အတွင်းတိမ်ဝင်နေတဲ့ အခြေအနေပါ။

Credit : ခိုင်ဇွန်ဦး (ဆေးဝါးတက္ကသိုလ်) ၊ Arogyam magazine
မျက်မှန်သမားတွေ အမှန်သိကြပြီပေါ့ ...

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246

Read More