ရာသီမလာခြင်းနဲ့စိတ်ပိုင်းဆိုင်ရာပြဿနာများနဲ့လူမှုပတ်ဝန်းကျင်

ရာသီမလာခြင်းဟာ အစားအသောက်ပျက်ရောဂါ (Anorrexia Nervoae) နဲ့ တခြားအစားအအိပ် မမှန်တဲ့ ရောဂါတွေနဲ့ ဆက်စပ်နေတတ်ပါသေးတယ်။ အသက်ငယ်စဉ်ကတည်းက ရာသီမှန်ရာက ရာသီပျောက်သွားရခြင်းဟာ အားကစား အလွန်အကျွံ လုပ်ခြင်း၊ ကိုယ်အလေးကျခြင်းတို့နဲ့ ပတ်သက် ဆက်စပ်နေရတာဆိုရင် နောက်ပိုင်းကာလတွေမှာလည်း ရာသီမှန်ဖို့ ခဲယဉ်းတတ်ပါတယ်။

အိမ်ထောင်ကျရင်လည်း ကလေးရဖို့ ခက်ခဲတတ်ပါသေးတယ်။ သွေးမဆင်းဘဲ အကြာကြီးရပ်နေခဲ့တဲ့ အမျိုးသမီးတွေမှာ အီစထရိုဂျင်ဟော်မုန်း ချို့တဲ့ခြင်းနဲ့ ကြုံတွေ့ရ တတ်တာမို့ ငယ်ငယ်ရွယ်ရွယ်နဲ့ သွေးဆုံးတဲ့ (menopause) အဖြစ်နဲ့ ရင်ဆိုင်ရတတ်ပါတယ်။ 

ဒါ့အပြင် အီစထရိုဂျင်ဟော်မုန်း လျော့နည်းမှုကြောင့် အရိုးပါးတာ၊ ကယ်လ်ဆီယမ် ဆုံးရှုံးတာတွေက အသက် ငယ်ရွယ်စဉ် ၂၅-၃၀ နှစ်လောက်မှာကို စတင်ခံစားရတာမို့ အရိုးကျိုးလွယ်၊ အက် လွယ်လာပါတော့တယ်။

သွေးမပေါ်စေတဲ့ အကြောင်းအရင်းကို သေချာမသိဘဲ ဟော်မုန်းဆေးတွေ၊ သွေးဆေးတွေ ကြားဖူးနားဝ နဲ့ သောက်တာ၊ သုံးတာ မပြုလုပ်သင့်ပါဘူး။ ကုသမှုကလည်း အကြောင်းရင်းပေါ် မူတည်တာမို့ တစ်ယောက်နဲ့ တစ်ယောက်လည်း မတူနိုင်ပါဘူး။ 

အီစထရိုဂျင်ဟော်မုန်း ပမာဏနည်းတဲ့ လူနာကို OG တွေက အဲဒီဟော်မုန်းပေးပြီး ကုသမှာ
ဖြစ်ပါတယ်။ အိမ်ထောင်မပြုဘူး၊ အိမ်ထောင်ပြုလည်း ကလေးယူဖို့ အစီအစဉ်လည်း မရှိဘူး။ သွေးမဆင်းတဲ့ အကြောင်းရင်းကလည်း အသက်အန္တရာယ် မရှိတာသေချာတယ်ဆိုရင် ဘာကုသမှုမှတောင် ယူစရာမလိုပါဘူး။ အားပေးစကားပြောခြင်း၊ လိုအပ်ရင် Follow-up မှန်မှန်သွားပြခြင်း ပြုလုပ်ရုံပါပဲ။

အီစထရိုဂျင် နည်းတာနဲ့အတူ အရိုးပါးရောဂါပါ ရှိနေရင် ကုသမှုကို တစ်လက်စတည်း ခံယူရမှာပါ။ ပြင်းထန်တဲ့ အားကစားလုပ်ခြင်းကို လျှော့ပါ၊ ကိုယ်အလေးချိန် ကျလွန်းတာကို ပုံမှန်ရောက်အောင် လုပ်၊ ကောင်းစွာ အနားယူပေမယ့် ရာသီသွေးမှန်မှန် လာဖို့ကတော့ မသေချာလှပါဘူး။

ဆေးဝါးကြောင့် ရာသီထိမ်တာဆိုရင် အဲဒီဆေးတွေ ဖြတ်တောက်ပြီး အခြားဆေးဝါးပြောင်းလဲကုဖို့ ဆရာဝန်များထံမှ အကြံဥာဏ်ယူရပါမယ်။ ဦးနှောက်ပိုင်းဆိုင်ရာ ဟိုက်ပိုသာလမတ်စ် ချို့ယွင်းချက်ကြောင့်ဆိုရင် သက်ဆိုင်ရာဆရာဝန်များ ညွှန်ကြားချက်အတိုင်း ဆေးကုသမှုခံယူရမှာပါ။ 

လက်ဝင်တဲ့ ကုသမှု၊ ဟော်မုန်းပမာဏတွေ အမြဲမပြတ် စစ်ဆေးနေရမှု၊ မှန်မှန်ပြန်လည်ပြသမှုတွေကို မပျက်မကွက် ခံယူသင့်ပါတယ်။ ကုသမှုအောင်မြင်မယ်၊ မအောင်မြင်ဘူးဆိုတာက ရောဂါရှင်ရဲ့ စိတ်ရှည်မှု၊ ဖြစ်စေတဲ့ အကြောင်းရင်းရဲ့ ကုသရ၊ မရအပေါ် မူတည်ပါတယ်။

Credit : Healthcare.com.mm
Ref : ဒေါက်တာမြချယ်ရီ (Ziwaka magazine)

အောင်မြင့်မြတ်(Myanmar Youths)