အမျိုးသမီးတိုင်းသိထားသင့်သည့်မိန်းမကိုယ်အနံ့ပြဿနာ

အမျိုးသမီးရဲ့ မိန်းမကိုယ်ဟာ သဘာဝအတိုင်း သူ့ဘာသာသူ သန့်ရှင်းနေပါတယ်။ မိန်းမကိုယ်နေရာကို သန့်စင်မွှေးကြိုင်ချင်တဲ့ စိတ်နဲ့ အနံ့ပြင်းဆပ်ပြာနဲ့ ဆေးကြောတာ၊ Douche လုပ်တာ (မုန့်ဖုတ်ဆော်ဒါ၊ ရှာလကာရည် ဒါမှမဟုတ် အမွှေးရနံ့တွေကို ရေနဲ့ရောပြီး မိန်းမကိုယ်အတွင်းကို သန့်စင်ဆေးကြောတာ) မျိုးတွေကြောင့် မိန်းမကိုယ်တွင်း ပုံမှန်ရှိနေတဲ့ ကျန်းမာရေးကောင်းစေတဲ့ လူ့အကျိုးပြု ဘက်တီးရီးယားတွေကို ဖယ်ရှားလိုက်သလို ဖြစ်သွားပြီး မိန်းမကိုယ်ရဲ့ pH ဟာ အက်စစ်ဘက်ကို ယာယီပြောင်းလဲသွားပါတယ်။

အမှန်မှာတော့ အမျိုးသမီးတွေရဲ့ ကိုယ်တွင်းအင်္ဂါက ပုံမှန်အနံ့အနည်းငယ်တော့ ရှိပါတယ်။ ဓမ္မတာလာတဲ့အခါမှာ အနံ့အနည်းငယ် ပြောင်းလဲတာကလည်း ပုံမှန်ပါပဲ။ ကြက်သွန်ဖြူ၊ တူနာ ဒါမှမဟုတ် အားဖြည့်ဆေးလိုမျိုး အစားအစာ စားတာကြောင့် မိန်းမကိုယ်အနံ့ ရရှိတတ်ကြတယ်လို့ တချို့တွေက သတိထားမိတတ်ကြပြီး အဲဒီအစားအစာတွေကို ရှောင်လိုက်တာနဲ့ တစ်ပြိုင်နက် အနံ့ကလည်း ပျောက်သွားပါတယ်။

အနံ့အသက်ရမှာစိုးလို့ မိန်းမကိုယ်နေရာကို ဆပ်ပြာနဲ့ဆေးကြောတာက အနံ့နံတာ သက်သာသွားနိုင်ပေမယ့် အဲဒီနေရာဟာ ခြောက်သွေ့သွားနိုင်ပါတယ်။ ဒါကြောင့် မိန်းမကိုယ်နေရာမှာ ယားယံ ခြောက်သွေ့တာတွေ ဖြစ်ရင် ရိုးရိုးရေနဲ့သာ ဆေးကြောပါ။

အနံ့ကြောင့် ဖြစ်နိုင်သော ကျန်းမာရေး ပြဿနာ

● မိန်းမကိုယ်က ထွက်ရှိလာတဲ့ တချို့ အနံ့တွေက ကျန်းမာရေးပြဿနာကြောင့်ပါ။ စိမ်းရွှင်ရွှင် အနံ့နံနေတာ ဒါမှမဟုတ် အဲဒီအနံ့နဲ့အတူ အစိမ်းရောင်ပျစ်ပျစ် အဖြူဆင်းတာတွေက ရောဂါပိုးဝင်တဲ့ လက္ခဏာပါ။ သားဖွားမီးယပ် ဆရာဝန်နဲ့ ပြသပြီး ကုသမှု ခံယူသင့်ပါတယ်။

● ဒါ့အပြင် မိန်းမကိုယ်နေရာမှာ နာကျင်နေတာ၊ ကြမ်းတမ်းနေတာ ဒါမှမဟုတ် အနာရှိနေရင်လည်း ဆရာဝန်နဲ့ ပြသသင့်ပါတယ်။

● မိန်းမကိုယ်မှာရှိတဲ့ လူ့အကျိုးပြု ဘက်တီးရီးယားတွေ ညီညွတ်မျှတမှု မရှိရင်လည်း အနံ့ထွက်ပါတယ်။ Bacterial Vaginosis လို့ ခေါ်ပါတယ်။ ဆရာဝန်က ပဋိဇီဝဆေးဝါးပေးပြီး ကုသနိုင်ပါတယ်။

● မှိုပိုး ၀င်ရောက်တာကြောင့်လည်း လူ့အကျိုးပြုဘက်တီးရီးယားတွေ လျော့နည်းသွားနိုင်တဲ့အတွက် အနံ့ထွက်နိုင်ပါတယ်။

● မိန်းမကိုယ်တွင်း ကွန်ဒုံး၊ အိမ်သာသုံးစက္ကူ ဒါမှမဟုတ် Tampon လိုမျိုး ပြင်ပပစ္စည်းတွေ ၀င်ရောက်နေတာကြောင့်လည်း စိမ်းရွှေရွှေနံ့တွေ ထွက်ပြီး အဖြူဆင်းနိုင်ပါတယ်။

● မီးယပ်သွေးဆုံးပြီးသူတွေ အနေနဲ့ မိန်းမကိုယ်မှာ အနံ့ထွက်နေတာဟာ အီစထရိုဂျင် ဟော်မုန်း လျော့နည်းသွားတာကြောင့်ပါ။

● မိန်းမကိုယ်ဟာ သူ့အလိုလို သန့်စင်နိုင်တဲ့အတွက် သူ့မှာရှိတဲ့ လူ့အကျိုးပြု ဘက်တီးရီးယားတွေ မဆုံးရှုံးအောင် Douche လုပ်တာကို ရှောင်သင့်ပါတယ်။

Credit : ကျန်းမာရေးနဲ့ အမျိုးသမီး - သုတအဖြာဖြာ

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246