နှုတ်ခမ်းလွှာလေးရဲဖောက်နေအောင်

မိန်းကလေးတယောက်ရဲ့အလှအပမှာ နှုတ်ခမ်းလွှာလေးတွေက သိပ်အရေးပါတယ်။ နှုတ်ခမ်းလွှာ ရဲဖောက်နေသူ တစ်ယောက်ဟာ သာမန်ထက် ပိုပေါ်လွင်လေ့ရှိတာ သတိပြုမိလိမ့်မယ်။ အခု နှုတ်ခမ်းနီမသုံးပဲ သဘာဝအတိုင်း နှုတ်ခမ်းလေး ရဲလာအောင်လုပ်တဲ့နည်းကို ဖော်ပြပါမယ်။

 နှုတ်ခမ်းရဲဖို့ အရင်ဆုံး အပေါ်ယံ ခပ်မဲမဲဖြစ်နေတဲ့ ဆဲလ်သေတွေကို ခွာပေးဖို့လိုပါတယ်။ ဆဲလ်သေ ဖယ်ရှားဖို့ဆိုရင် scrub တမျိုးမျိုး သုံးရတယ်။ နှုတ်ခမ်းအရေပြားသဘော ပါးတာမို့ သာမန်အပြင်းစား scrub တွေ ထက်စာရင် ခပ်ပျော့ပျော့ဖြစ်တဲ့ sugar scrub လိုမျိုး အသုံးပြုရတယ်။ sugar scrub လုပ်နည်း အရင်က ဖော်ပြဖူးပါတယ်။ လုပ်နည်းက သိပ်မခက်ပါ။

sugar scrub လုပ်ဖို့ သကြားတဇွန်းနဲ့ ပျားရည်တဇွန်း ဆတူရောစပ်ပါ။ အစိုဓာတ်အားဖြည့်ဖို့ သံလွင်ဆီ ခပ်ပါးပါး ထည့်ပေးနိုင်ရင် ပိုကောင်းပါတယ်။ ရလာတဲ့ အရောကို နှုတ်ခမ်းပေါ် စက်ဝိုင်းပုံ လိမ်းပေးပါ။ သုံးမိနစ်ခန့် လိမ်းပြီး ရေဆေးပါ။ ပြီးရင် ပြန်လိမ်းပါ။ အထက်ပါအတိုင်း သုံးကြိမ်ခန့်ပြုလုပ်ပေးပါ။ မကြာခင် အပေါ်မှာရှိနေတဲ့ ဆဲလ်သေတွေ ကွာကျသွားပါလိမ့်မယ်။

အပေါ်ယံဆဲလ်လွှာ ကွာကျသွားပြီးတဲ့ နှုတ်ခမ်းလေး ရဲဖောက်လာအောင် ဆက်လုပ်ရတယ်။ အောက်ပါ နည်းနှစ်မျိုးအနက် တမျိုးမျိုးနဲ့ ပြုလုပ်နိုင်တယ်။

• ပထမနည်းက သစ်ဂျပိုးခေါက်မှုန့် လက်ဖက်ရည်ဇွန်း လေးပုံတပုံခန့်ယူပြီး သံလွင်ဆီ နဲ့ရောပြီး paste ဖြစ်အောင် လုပ်ပါ။ ရလာတဲ့ pasteကို နှုတ်ခမ်းပေါ်လိမ်းပါ။ ငါးမိနစ်ခန့်ထားပြီး ရေနဲ့ဆေးချပါ။

• ဒုတိယနည်းက ပိုလွယ်တယ်။ ဂျင်းကို အပြားလိုက်စိတ်ပြီး နှုတ်ခမ်းလွှာကို ငါးမိနစ်ခန့် အသာပွတ်ပေးပါ။ ပြီးရင် ကြက်သီးနွေးရေနဲ့ ဆေးချပါ။ မိမိနှစ်သက်ရာ နည်းတစ်မျိုးကိုပဲ သုံးပါ။

အားလုံးလုပ်ပြီးတဲ့အခါ နှုတ်ခမ်းလွှာလေးနှစ်ခု စိုရွှန်းလာအောင် ရေဓာတ်အားဖြည့်ဖို့ လိုအပ်ပါတယ် နှုတ်ခမ်းအဆီ တစ်မျိုး လိမ်းပေးရတယ်။ ဒီနေရာမှာ lip balm လေးတွေက သိပ်အသုံးဝင်တယ်။ အိမ်မှာတင် အလွယ်လုပ်လို့ရတဲ့ သဘာဝ lip balm လုပ်နည်းကို ဖော်ပြပါမယ်။ 

အရင်ဆုံး ဖျားဖယောင်း ထမင်းစားဇွန်း(၁)ဇွန်းစာခန့် ယူပြီး အပူပေးပါ။ ပြီးရင် အုန်းဆီ (၃)ဇွန်းနဲ့ ရောစပ်ပါ။ အထဲကို မိမိနှစ်သက်ရာအဆီတမျိုးမျိုး နည်းနည်း ထပ်ထည့်ပါ။ တချို့က ပင်စိမ်းဆီကို ညွှန်းတယ်။ ရလာတဲ့ အရောကို သန့်စင်တဲ့ ပုလင်းတစ်ခုထဲထည့်ပြီး ခဲသွားအောင် ထားပါ။ မကြာခင် lip balm အဆီလေး ရလာပါလိမ့်မယ်။ ရလာတဲ့ အဆီကို မိမိနှုတ်ခမ်းပေါ် ညစဉ်ခပ်ပါးပါး လိမ်းပေးပါ။ တစ်လအတွင်း ရွှန်းလဲ့တောက်ပပြီး ဖူးရွနေတဲ့ နှင်းဆီရောင် နှုတ်ခမ်းလေးတွေ ပိုင်ဆိုင်နိုင်မှာဖြစ်ပါတယ်။



အောင်မြင့်မြတ်(Myanmar Youths)