အစားအစာသန့်ရှင်း ဘေးကင်းကျန်းမာ

အစားအစာ သန့်ရှင်း၊ ဘေးကင်း ကျန်းမာ
▄▄▄▄▄▄▄▄▄▄▄▄▄▄▄▄▄▄▄▄▄▄▄▄
▲▲▲▲▲▲▲▲▲▲▲▲▲▲▲▲▲

စားသောက်ဆိုင် ယဉ်ကျေးမှုက မြို့ကြီးတိုင်းလိုလိုတွင် ထွန်းကားလာသည်ကို မြင်တွေ့ရသည်။ နံနက်ခင်း စားသောက်ရန်အတွက် လက်ဖက်ရည် ဆ်ိုင်သည် လက်ဖက်ရည်၊ ကော်ဖီ၊ အီကြာကွေး၊ နံပြား လောက်သာ ရောင်းချသည့်ဆိုင်မျိုး မဟုတ်တော့ဘဲ အစားအသောက် အမျိုးအမည် များစွာကို ရောင်းချသော ဆိုင်များ ဖြစ်လာသည်။ ရန်ကုန်ကဲ့သို့သော မြို့ကြီး၏ မြို့နယ်တိုင်းလိုလိုတွင် ယင်းကဲ့သို့သော ဆိုင်များ၌ နံနက်ခင်း အချိန်များတွင် ကြိတ်ကြိတ်တိုး စည်ကားနေတတ်သည်။ ထို့ပြင် လူစည်ကားရာ နေရာများတွင် ရောင်းချတည်ခင်းကြသည့် လမ်းဘေးစားသောက်ဆိုင်များ၊ သန့်ရှင်းမှု လွန်စွာအားနည်းသည့် အနေအထားဖြင့် ရောင်းချနေသည့် အသား၊ ငါး၊ ဟင်းသီးဟင်းရွက်များနှင့် အခြားအစားအစာများ၏ ကျန်းမာရေးဆိုင်ရာ လုံခြုံစိတ်ချရမှုများမှာ ဆန်းစစ်ရန်လိုအပ်လှသည်။

အစားအစာများမှဖြစ်ပေါ်လာနိုင်သည့် အ္တရာယ်မှာ အစာအဆိပ် သင့်သည့်အန္တရာယ်ဖြစ်ပြီး မသန့်ရှင်းသော အစားအစာများတွင် ပါဝင် နေတတ်သည့် မှိုနှင့်ဗက်တီးရီးယားပိုးမွှားတို့ကြောင့် အစာအဆိပ်သင့်ခြင်း ဖြစ်ပေါ်လာရခြင်းဖြစ်သည်။ အသားကင်ဆိုင်များတွင် ရောင်းချသည့် ဝက်သား၊ ကြက်သား၊ ဆိတ်သားစသည့် အကင်များ၌ Verotoxigenic Escherichia coli ခေါ် ပိုးတစ်မျိုးကို တွေ့ရှိရတတ်ပြီး ၎င်းပိုးမှထုတ်လုပ်သည့် အဆိပ်ကြောင့် အစာလမ်းကြောင်း အဆိပ်သင့်ကာ ဗိုက်နာခြင်း၊ အော့အန်ခြင်း၊ ဝမ်းပျက်ခြင်းလက္ခဏာများ ခံစားရတတ်သည်။ အသားများ၏ သန့်ရှင်းမှု၊ ရောင်းချရန်ပြင်ဆင်သည့်နေရာ၏ သန့်ရှင်းမှု၊ အစား အသောက်ကိုင်တွယ်သူ၏ တစ်ကိုယ်ရေသန့်ရှင်းမှုတို့ အားနည်းချက်ကြောင့် အဆိုပါရောဂါပိုးမှာ အစားအစာ၌ ပါလာခြင်းဖြစ်သည်။

မြန်မာတို့အစားများသည့် ငရုတ်သီးမှုန့်များတွင် Aflatoxin B1 ခေါ် မှိုတစ်မျိုး ပါဝင်နေတတ်ပြီး ယင်းအဆိပ်ဓာတ်သည် အပူဖြင့်ချက်ပြုတ် စားသောက်သည့်တိုင်အောင် အာနိသင်ပျက်ပြယ်သွားခြင်း မရှိသကဲ့သို့ အစားအသောက်ထဲတွင် ပါဝင်နေသည့်တိုင်အောင် အရောင်၊ အနံ့၊ အရသာတို့ ပြောင်းလဲခြင်းမရှိသည့်အတွက် မှိုပါနေကြောင်း သိရှိနိုင်ရန် ခက်ခဲသည်ဟု ဆိုသည်။ တစ်ဖန် လမ်းဘေးစားသောက်ဆိုင်များတွင် လူအများ စားသုံးလေ့ရှိသည့် အချဉ်များတွင်လည်း Clostridium perfringens ဟု ခေါ်သည့် ဗက်တီးရီးယားပါဝင်ကြောင်းနှင့် ဆိုခဲ့ပါ မှိုနှင့် ဗက်တီးရီးယား တို့သည်လည်း အစာအဆိပ်သင့်စေကြောင်း သုတေသီတို့က တွေ့ရှိထား ကြသည်။

Bacillus cereus အစာအဆိပ်သင့်မှုသည် ထမင်းကြော်များတွင် အဓိက တွေ့ရှိနိုင်ပြီး ထမင်းကြော်ကို အပူပေးပြီး ပြန်နွှေးခြင်းဖြင့် ရောဂါပိုး ပေါက်ပွားမှုကို အားပေးသကဲ့သို့ဖြစ်ကြောင်း၊ Staphylococcus aureus ရောဂါပိုးကို လက်တွင် ပြည်တည်နာရှိသော အစားအသောက် ကိုင်တွယ်သူထံမှ ဝယ်ယူသည့်အစာတွင် စမ်းသပ်ဖော်ထုတ် တွေ့ရှိခဲ့ကြောင်း၊ ၎င်းပိုးမှထွက်ရှိသည့် အဆိပ်သည် ပွက်ပွက်ဆူအောင်ချက်ပြုတ်မှုကို ခံနိုင်ရည်ရှိပြီး အစားအစာမှာလည်း မူရင်းအရောင်၊ အနံ့၊ အရသာမပျက်ရှိနေကြောင်း ဆေးသုတေသနဆိုင်ရာဖော်ထုတ်မှု တစ်ခုတွင် တွေ့ရှိခဲ့ရသည်။ ၎င်းအစာကို စားသုံးမိပါက အပြင်းအထန် ဗိုက်နာခြင်း၊ အော့အန်ခြင်း၊ ဝမ်းပျက်ခြင်းစသည့် အစာလမ်းကြောင်း အဆိပ်သင့်မှုကို ခံစားရမည် ဖြစ်သည်။

အစာအဆိပ်သင့်ခြင်းမှာ အစားအစာအတွက်ပြင်ဆင်မှု အဆင့်ဆင့် တို့တွင် သန့်ရှင်းမှုအားနည်းခြင်း၊ အစားအသောက် သိမ်းဆည်းသိုလှောင်ရာတွင် စနစ်တကျမရှိခြင်း၊ ကုန်ကြမ်းအရည်အသွေး ညံ့ဖျင်းခြင်းနှင့် ကိုင်တွယ် ရောင်းချသူ၏ တစ်ကိုယ်ရေသန့်ရှင်းမှု အားနည်းခြင်းတို့ကြောင့် ရောဂါပိုးများ ကပ်ငြိပေါက်ပွားရာမှ လူကိုအန္တရာယ်ဖြစ်စေခြင်း ဖြစ်သည်။ သန့်ရှင်း လတ်ဆတ်သော အစားအစာကို စနစ်တကျ သိုလှောင် သိမ်းဆည်းခြင်း၊ သန့်ရှင်းစွာကိုင်တွယ်ချက်ပြုတ်ခြင်း၊ အစားအစာပြင်ဆင်ရောင်းချသည့် နေရာ၏ သန့်ရှင်းခြင်း၊ ရောင်းချသူ၏ တစ်ကိုယ်ရေသန့်ရှင်းခြင်း အဘက်ဘက်ကပြည့်စုံမှသာ အစာကြောင့်ဘေးဖြစ်မည့် အန္တရာယ်မှ လွတ်ကင်းနိုင်မည်ဖြစ်ပါကြောင်း။ ။


Credit - MOI