တစ်ပတ်အတွင်းဝိတ်ကျချင်လား?

ဝိတ်ချနည်းအမျိုးမျိုးအနက် တစ်ပတ်အတွင်း အစားအသောက်နဲ့ ဝိတ်ချနည်းကို ဖော်ပြပါမယ်။ ဒီနည်းက အစားအသောက်တွေကို အဓိကထား ပြုပြင်ရတာ ဖြစ်ပါတယ်။

တစ်ပတ်အတွင်း စားသောက်ပုံတွေကို လုံးဝပြောင်းလဲလိုက် ရမှာလည်း ဖြစ်တယ်။ အလားတူ တစ်ရက်ချင်းစီမှာ စားရမယ့် အစားအသောက်တွေ မတူညီကြပါဘူး။ ဒါ့ကြောင့် ဒီနည်းမသုံးခင် အစားအသောက်တွေကို တစ်ရက်ကြိုပြီး ဝယ်ယူစုဆောင်းထားဖို့ တိုက်တွန်းပါရစေ။

ရှေ့ပိုင်းရက်တွေက အသားမစားပဲ သတ်သတ်လွတ် စားရတာဖြစ်လို့ အသားကြိုက်သူတွေ အတွက် တော်တော်လေး ခက်ခဲနိုင်တယ်။ ဒါပေမယ့် သိစေချင်တာတစ်ခုက စားချင်စိတ်ကို ထိန်းချုပ်နိုင်ပြီ၊ ကျင့်သားရသွားပြီ ဆိုတဲ့နောက် ဝိတ်ချတဲ့အခါ အရင်ဆုံးရင်ဆိုင်ရမယ့် အတားအဆီးတစ်ခုကို  လွယ်လွယ်ကူကူ ကျော်ဖြတ်သွားနိုင်ဖို့ အထောက်အကူ ပြုပါလိမ့်မယ်။ အချိန်တစ်ပတ်အတွင်း သိသိသာသာ ပိန်သွားစေမယ့် နည်းတစ်မျိုးဖြစ်လို့ ဖော်ပြပေးလိုက်ပါတယ်။

ပထမရက်
ဝိတ်ချနည်းတိုင်းမှာ ပထမရက်ဟာ အရေးကြီးဆုံး ဖြစ်ပါတယ်။ ဒီရက်မှာ စိတ်မထိန်းနိုင်ရင် ကျန်တဲ့ရက်တွေ ဆက်လုပ်ဖို့မလိုအပ်တော့တာ သတိပြုပါ။ ပထမဆုံး ဝိတ်ချမယ့်ရက်မှာ အသီးတစ်မျိုးတည်း စားရမှာဖြစ်ပါတယ်။ အသား မပါ၊ အရွက်မပါ သစ်သီးဝလံ တစ်မျိုးတည်းကိုသာ တနေကုန် စားပေးရမှာ ဖြစ်ပါတယ်။ ဝိတ်ချမယ့် ပထမဆုံးရက်အတွက် မိမိစားချင်တဲ့ အစားအသောက်တွေ ကြိုတင်ဝယ်ထားရမှာ ဖြစ်ပါတယ်။

ပန်းသီး၊ လိမ္မော်သီး၊ စပျစ်သီး၊ သစ်တော်သီး၊ သဘောင်္သီး၊ ဖရဲသီး စတာတွေကိုပဲ စားရမှာဖြစ်ပါတယ်။ တစ်နေ့ကို ၆ ကြိမ်ခွဲ စားရမှာ ဖြစ်ပါတယ်။ ဗိုက်ဆာတိုင်း အစားမစားဘဲ ရေကို သောက်ရမှာဖြစ်တယ်။ တစ်ရက်ကို ရေခွက် ၁၀ခွက် (၂ လီတာနီးပါး သောက်ရမှာ ဖြစ်ပါတယ်။ ဒီကြားထဲ တခြား ဘယ်အစားအစာမှ မစားရဘူး။ နောက်ဆုံး ဟင်းရွက် ရေလုံပြုတ်တောင် မစားရပါဘူး။ ဒါ့ကြောင့် ပထမရက်အတွက် မိမိစားချင်တဲ့ သစ်သီးတွေကို ကြိုတင်စဉ်းစားပြီး တစ်ရက်စာ သွားဝယ်ထားပါ။ အခုမှ အစာရှောင်သူတွေအတွက် အလွန် ကြိုးစားရပါမယ်။

ဒုတိယရက်
ဒုတိယရက်မှာတော့ ဟင်းသီးဟင်းရွက် (ဒါမှမဟုတ်) ဟင်းရွက်ပြုတ် တစ်မျိုးတည်းကိုပဲ အားပြုစားရမှာ ဖြစ်ပါတယ်။ အရွက်ပြုတ်တဲ့အခါ ဆီမထည့်ရဘူး။ ဒုတိယရက်မှာ အသီးလုံးဝစားလို့မရပါဘူး။ အသားပါလို့လည်း မရဘူး။ ဟင်းရွက်စားတဲ့အခါ အစိမ်းအတိုင်း (ဆလပ်ရွက်) စားလို့ရသလို တခြား ဆီမပါပြုတ်ထားတာတွေ စားလို့ရတယ်။ ဥပမာ ခါကြက်ဥ၊ ချက်ပဲ၊ ပန်းဂေါ်ဖီစိမ်း၊ ဂေါ်ဖီထုပ်၊ ဘူးသီး၊ ဆလတ်ရွက် စတာတွေကို စားပေးရမှာ ဖြစ်ပါတယ်။ အစာပြေစားဖို့ ခါကြက်ဥ၊ ဂေါ်ဖီနဲ့ ဆလတ်ရွက်ကို အသင့်ထားရမှာ ဖြစ်ပါတယ်။ ထမင်းစားလို့လည်း မရပါဘူး။ အရွက်သီးသန့်ကိုပဲ တစ်နေကုန်စားရမှာဖြစ်ပြီး ကြားထဲမှာ ရေထည့်သောက်ရမှာ ဖြစ်ပါတယ်။

တတိယရက်
တတိယရက်မှာ အသီးနဲ့အရွက်ကို မျှတအောင် တစ်နေကုန် စားပေးရမှာ ဖြစ်ပါတယ်။ မနက်စာကို သစ်သီး ၊နေ့လည်စာကို အရွက်၊ ညနေစာကို သစ်သီးအဆာပြေ၊ ညစာကို အရွက်ပြုတ်ကို အားပြုစားရမှာ ဖြစ်တယ်။ ကြားထဲမှာ ရေတဖန်ခွက်စီ ထည့်သောက်ရမယ်။ သစ်သီးဖျော်ရည် ထည့်သောက်လို့လည်း ရတယ်။ အချိုရည် မရပါ။ ရေကို တစ်ရက်အတွင်း ၁၂ ခွက် ထည့်သောက်သင့်တယ်။ အဆာပြေအောင် ကော်ဖီ၊ လက်ဖက်ရည်၊ အချိုရည် ဘာတစ်ခုမှ သောက်လို့မရပါ။

စတုတ္ထရက်
ဒီရက်မှာတော့ နွားနို့နဲ့ ငှက်ပျောသီးကိုသာ အာဟာရအဖြစ် စားပေးရမှာ ဖြစ်ပါတယ်။ တစ်ရက်ကို နွားနို့သုံးခွက် (မနက်တကြိမ်၊ နေ့တကြိမ်၊ ညတကြိမ်) သောက်ပါ။ အစာပြေ ငှက်ပျောသီးကို အားပြုစားရမှာ ဖြစ်ပါတယ်။ တစ်ရက်အတွင်း ငှက်ပျောသီး ၁၀ - ၁၂ လုံးထိ ထည့်စားရမယ်။ လိုရင်းက ခန္ဓာကိုယ်တွင်းမှာ ရှိတဲ့ အဆိပ်အတောက်တွေ ကင်းစင်စေဖို့၊ ဝမ်းမှန်စေဖို့ ဖြစ်ပါတယ်။ လိုအပ်ရင် ရေထည့်သောက်ပါ။ လုပ်ဆောင်ရမှာက မနက်အိပ်ရာထမှာ နွားနို့တစ်ခွက် နဲ့ငှက်ပျောသီး တစ်လုံး ၊နေ့လည်စာအတွက်နွားနို့ တစ်ခွက်နဲ့ ငှက်ပျောသီး နှစ်လုံး၊ ညစာအတွက် ငှက်ပျောသီးတစ်လုံးနဲ့ နွားနို့တစ်ခွက်သောက်ပါ။ ကြားထဲမှာ ဗိုက်ဆာရင် ဆာသလို ငှက်ပျောသီးနှစ်လုံးကို ရေနဲ့မျှော သောက်ပါ။

ပဉ္စမရက်
ငါးရက်မြောက်နေ့မှာ နေ့လည်စာအတွက် ထမင်းစားလို့ ရပါတယ်။ ဒါပေမယ့် သတ်မှတ်ချက်က ထမင်း တစ်ပန်းကန်ဘဲ စားရမှာ ဖြစ်တယ်။ နေ့လည်စာအတွက် ထမင်းပန်းကန်လုံး တစ်လုံးနဲ့ ဟင်းရွက်ကြော်တစ်ပွဲ နဲ့ စားပါ။ ခရမ်းချဉ်သီး (၅)လုံး ထည့်ပါ။ မနက်စာနဲ့ ညစာကိုတော့ စတုတ္ထရက်ကလို ငှက်ပျောသီးနဲ့ နွားနို့ သောက်ပေးရမယ်။ မနက်စာကို ငှက်ပျောသီးတစ်လုံး၊ ညစာမှာ ငှက်ပျောသီး နှစ်လုံး ထည့်စားသင့်တယ်။ ကြားထဲမှာ ရေသောက်များဖို့ မမေ့အပ်ဘူး။ ရေသန့်ဗူးကို မိမိဘေးမှာ ထားသောက်ပါ။

ဆဋ္ဌမရက်
ခြောက်ရက်မြောက်နေ့မှာ ခေတ်စကားနဲ့ ပြောရင် တော်တော်လေး ပေါ့ပေါ့ပါးပါး ဖြစ်လာပြီ။ တစ်ရက်ပဲ ကျန်တော့တာဖြစ်လို့ နည်းနည်း ထည့်စားလို့ရပြီ။ မနက်စာကို ဟင်းသီးဟင်းရွက်နဲ့ အသီးတမျိုး၊ နေ့လည်စာမှာ ထမင်း တစ်ပန်းကန်နဲ့ ဟင်းရွက်တမျိုး (အသားနည်းနည်းထည့်)၊ ညစာအတွက် ဟင်းရွက်ပြုတ် ဟင်းချိုရည်ကို သောက်ရမှာ ဖြစ်ပါတယ်။ ကြားထဲမှာ ဗိုက်ဆာသလို သစ်သီးတစ်မျိုးနဲ့ ရေကို အားဖြည့်ပေးရမှာ ဖြစ်ပါတယ်။ ဒီရက်ထိ ရောက်သူဟာ ပိန်ဖို့အခွင့်အလန်းရဲ့ (၈၀) ရာခိုင်နှုန်းကို ပိုင်ဆိုင်သူ ဖြစ်ပါတယ်။ တနည်းအားဖြင့် မိမိစိတ်ကို အကောင်းဆုံး ထိန်းသိမ်းထားနိုင်သူ တစ်ယောက် ဖြစ်မှန်းမသိ ဖြစ်ခဲ့ပါပြီ။ ပိန်ဖို့ မျှော်မှန်းခဲ့တဲ့ ရည်မှန်းချက် ပန်းတိုင်က မိမိရဲ့ လက်တကမ်း အကွာမှာပဲ ရှိတော့တယ်။ သိပ်မကြာခင် ပိန်မှန်းမသိ ပိန်လာပြီလို့ မိမိကိုယ်ကို ယုံကြည်လိုက်ပါ။

သတ္တမနေ့
နောက်ဆုံးရက်ဖြစ်ပါတယ်။ ထမင်း၊ အသား၊ ငါး၊ ဟင်းရွက်ပြုတ်ရည် စတင် စားလို့ရပါပြီ။ နောက်ပိုင်းရက်တွေမှာ လိုသလောက်ပဲ မိမိအသိဥာဏ်နဲ့ ထိန်းစားပါ။ ဒီရက်ပိုင်းတွေမှာ အစားအသောက်ကို သေချာ ဆင်ခြင် စားသောက်ခဲ့လို့ စိတ်ထိန်းချုပ်နိုင်စွမ်း အကောင်းဆုံးဖြစ်သလို အစာအိမ်ကလည်း ကျင့်သားရနေပြီး ဖြစ်ပါတယ်။

နောက်ပိုင်းမှာ အစားအသောက်အပေါ်မှီခိုချင်စိတ် ကင်းမဲ့လာပြီး စားစား၊ မစားစား နေနိုင်သွားပြီဆိုတာ သတိထားကြည့်ရင် တွေ့ရပါလိမ့်မယ်။ အစားအသောက် မြင်တာနဲ့ ငမ်းငမ်းတက်သူ တစ်ယောက်ဟာ အစားအသောက်ပေါ်မှာ သိပ်အားထားတော့မှာ မဟုတ်ပါဘူး။

ဒါဟာ အစားအသောက်ပေါ် ကျင့်သားရအောင် လုပ်ဆောင်ပေးတဲ့ စားသောက် နည်းလမ်းတစ်ခု ဖြစ်ပါတယ်။ အစားအသောက်ကို ထိန်းချုပ်နိုင်သူ တစ်ယောက်အတွက် ပိန်ဖို့ဆိုတာ အရာရာ လွယ်ကူသွားပါပြီ။ ဆယ်တန်းမှာ အမှတ်ကောင်းကောင်းနဲ့ အောင်ခဲ့လို့ မိမိလိုချင်တဲ့ လမ်းကို ရောက်ဖို့ ခြေတလှမ်း နီးကပ်လာတဲ့ သဘောလည်း ဖြစ်တယ်။

အထက်ပါ တပတ်အတွင်း ဝိတ်ချနည်းဟာ လူတိုင်းနဲ့ သင့်တော်ပါတယ်။ အထူးသဖြင့် အစားမရှောင်နိုင်ဘူး ဆိုသူတွေအတွက် အထူးလေ့ကျင့်ပေးမယ့် နည်းတစ်ခုဖြစ်တယ်။ ကျွန်တော်၊ ကျွန်မကတော့ ဘယ်လိုမှ အဆင်မပြေဘူး ဆိုသူတွေအတွက် တတိယရက်ကစပြီး ထမင်းတစ်ပန်းကန်ကို နေ့လည်စာ ထည့်စားနိုင်တယ်။ ကြက်သားပြုတ် (သို့) ငါးပြုတ် တမျိုးမျိုး ထည့်သောက်နိုင်တယ်။

မနက်ပိုင်းနဲ့ ညနေပိုင်းမှာ ဟင်းရွက်ကြော် တစ်မျိးမျိုး ထည့်စားနိုင်တယ်။ ဒီထက်ပိုစားမိရင် ဝိတ်ကျဖုိ့ မမျှော်မှန်းပါနဲ့တော့။ နောက်ပိုင်း ဝိတ်ချတဲ့အခါ အစားအသောက် ထိန်းသိမ်းပေးနိုင်ဖို့ ဒီစားသောက်နည်းက အများကြီး အထောက်အကူပေးမှာ သေချာပါတယ်။

ဒေါက်တာ အေးမင်းထူး
Credit : drayeminhtoo.blogspot.com

Read More

မိန်းကလေးတိုင်းသိထားသင့်တဲ့ တင်းတိပ်

တင်းတိပ်ဆိုတာ မျက်နှာမှာ အမဲကွက်တွေ မညီမညာ ဖြစ်လာတာကို ခေါ်ပါတယ်။ တင်းတိပ်ကို melasma လို့ခေါ်ပါတယ်။ melas ဆိုတာ ဂရိစကားက လာတယ်။ အမဲရောင်ဆိုတဲ့ အဓိပ္ပါယ် သက်ရောက်တယ်။ တချို့က chloasma တဲ့။ ကိုယ်ဝန်ဆောင်တွေမှာ အဖြစ်များလို့ ကိုယ်ဝန်ဆောင် မျက်နှာဖုံးလို့တောင် တင်စားခေါ်ကြတယ်။ ကိုယ်ဝန်ဆောင်တွေမှာ ဖြစ်ရင် ကလေးမွေးပြီးတဲ့အခါ ပြန်ပျောက်နိုင်တယ်။

ဆေးပညာမှာ ပုံမှန်ထက် အရောင်ရင့်တဲ့ အကွက်တွေကို hyperpigmentation လို့ သုံးပါတယ်။ တင်းတိပ်အကြောင်း မပြောခင် တင်းတိပ် အမဲကွက်ဖြစ်စေတဲ့ melanin အကြောင်း အရင်ရှင်းရပါမယ်။ melaninဆိုတာ ရောင်ခြယ်ပစ္စည်းတစ်မျိုး။ melanin ထုတ်တဲ့ဆဲလ်ကို melanocyte လို့ ခေါ်ပါတယ်။ melanocyte ဆိုတာ အရေပြားအပေါ်လွှာ (epidermis)မှာ ရှိတဲ့ဆဲလ်တွေ ဖြစ်ပါတယ်။ အဆိုပါဆဲလ်တွေက မယ်လနင်ပုံမှန်ထက် ပိုထုတ်တဲ့အခါ တင်းတိပ်ဆိုတာ ဖြစ်လာတယ်။

တင်းတိပ်အများစုက ဘာ့ကြောင့်ဖြစ်မှန်း မသိပါ။ နေရောင် ထိတွေ့မှုများလို့ ဖြစ်တာလို့တော့ သိထားတယ်။ အပူပိုင်းဒေသ အသားလတ်သူ၊ ညိုသူ နေရောင်နဲ့ပိုထိတွေ့ရသူတွေမှာ တင်းတိပ်ပိုဖြစ်တယ်။ အထူးသဖြင့် နွေရာသီလိုကာလတွေမှာ တင်းတိပ်က ပိုသိသာလေ့ရှိတယ်။ တစ်ခါ oestrogen , progesterone စတဲ့ဟော်မုန်းတွေက ဒီဆဲလ်တွေအပေါ် အကျိုးသက်ရောက်စေတယ် လို့ သိထားတယ်။ အဆိုပါ ဟော်မုန်းတွေက နေရောင်နဲ့ထိတွေ့တဲ့အခါ မယ်လနင်ကို ပုံမှန်ထက် ပိုထွက်အောင် လှုံ့ဆော်ပေးတယ်။

မျိုးရိုးနဲ့ တိုက်ရိုက် မဆိုင်ပေမယ့် မိသားစုဝင်ထဲမှာဖြစ်ရင် တခြားတစ်ယောက် မှာလည်း ဖြစ်တတ်တယ်။ အမျိုးသမီးတွေမှာ အဖြစ်များတယ်။ အချိုးချကြည့်ရင် အမျိုးသမီး ၉ ယောက်ဖြစ်တိုင်း အမျိုးသားက တစ်ယောက်သာ တွေ့မယ်။ သိုင်းရွိုက်ရောဂါ အခံရှိသူတွေမှာလည်း ဒါမျိုးဖြစ်တာ တွေ့ရတယ်။ အလှအပပစ္စည်း ၊ဆေးဝါး ဓာတုပစ္စည်း စတာတွေ ဓာတ်မတဲ့လို့လည်း ဖြစ်နိုင်တယ်။ စိတ်ဖိစီးမှုက MSH ဟော်မုန်းကို ထွက်စေတာကြောင့် ပိုဖြစ်စေတယ်။

တင်းတိပ်အများစုက မျက်နှာမှာ အညိုကွက်တွေ အကွက်လိုက် ပေါက်တာဖြစ်တယ်။ မျက်နှာတင်မက နေရောင်အထိများတဲ့ လည်ပင်း၊ လက် စတဲ့နေရာတွေမှာလည်း ဖြစ်နိုင်တယ်။ အညိုကွက်ရဲ့ ဘေးသားနှုတ်ခမ်းတွေက မညီညာဘူး။ ဘယ်၊ ညာ နှစ်ဖက်လုံး ဖြစ်ကြတယ်။ အကွက်တွေက နေ့ချင်းညချင်း ဖြစ်လာတာ မဟုတ်ဘဲ ဖြည်းဖြည်းချင်း သိသာလာတာ ဖြစ်တယ်။ တချို့တဖြည်းဖြည်း ပိုများလာတယ်။ အကြည့်ရ ဆိုးလာတယ်။ တင်းတိပ်ကို ယေဘုယျ သုံးမျိုး ခွဲလိုက်တယ်။

၁။ ပထမဆုံး အမျိုးအစား ကတော့ အရေပြားအပေါ်ဆုံးလွှာမှာ ဖြစ်တယ်။ အရောင်ပိုရင့်ပြီး သိသာလွန်းတယ်။ အကွက်ရဲ့ အနားသတ်တွေက ညီညာတယ်။ တကယ်တော့ ဒီအမျိုးအစားက  ဆေးတွေကို တုံ့ပြန်မှုအားကောင်းလို့ ကုဖို့ ပိုလွယ်တယ်။

၂။ Dermal melasma ဆိုတာ အရေပြားရဲ့အောက်လွှာမှာဖြစ်တာ။ အနားသတ်တွေက မညီမညာဖြစ်နေတတ်တယ်။ မီးခိုးရောင် နည်းနည်းဖျော့မယ်။ အရေပြားအောက်မို့ ပျောက်ကင်းသက်သာဖို့ ခက်ခဲတယ်။

၃။ Mixed melasma ဆိုတာ အပေါ်ကအမျိုးအစားနှစ်ခုလုံး တွဲဖြစ်တာမျိုးပါ။

တင်းတိပ်ဟုတ်မဟုတ် မြင်ရုံနဲ့ သိနိုင်ပါတယ်။ ဘယ်အလွှာရောက်လဲ သိချင်ရင် 340 - 400 nm လှိုင်းအလျားရှိတဲ့ Wood's lamp နဲ့ စမ်းသပ်လို့ ရပါတယ်။ သေချာချင်ရင် biopsy အသားစကို ယူပြီး စစ်လို့ရတယ်။

တင်းတိပ်မှာ hydroquinone(HQ)ပါတဲ့ လိမ်းဆေးတွေက အသုံးများဆုံးပဲ။ တကယ်က အရောင်ချွတ်ဆေးပါ။ ဆေးက မယ်လနင်ထွက်စေတဲ့ tyrosinase ဆိုတဲ့ ဓာတ်တမျိုးကို တားဆီးလိုက်တာဖြစ်တယ်။ ပြင်းအားနည်းတာက ဆရာဝန်လက်မှတ် မလိုပါ။ cream, lotion, gel, or liquid  ပြင်းအား 2%, 4% စသည်ဖြင့် ပုံစံအမျိုးမျိုးနဲ့ လာတယ်။ ရေရှည်သုံးရင် ဘေးထွက်ဆိုးကျိုး ပိုများတယ်။ သတိပြုရမှာက လိမ်းဆေးသုံးပြီးတဲ့အခါ နေရောင်နဲ့ထိတွေ့မှုကို တတ်နိုင်သမျှ ရှောင်သင့်တယ်။

ဝက်ခြံမှာ သုံးတဲ့ tretinoin, azelaic acidစတဲ့ ဆေးတွေလည်း သုံးလို့ရတယ်။ tretinoin 0.05% ဆိုတာ ဗီတာမင်အေပါတဲ့ လိမ်းဆေးဖြစ်ပါတယ်။ တုံ့ပြန်မှုနှေးတယ်။ ခြောက်လလောက်ကြာမှ နည်းနည်း သိသာလာတာမျိုး လည်းရှိတယ်။ အရေပြားခြောက်သွေ့စေပြီး အခန့်မသင့်ရင် အရေပြားရောင်တာထိ ဖြစ်နိုင်လို့ စတီးရွိုက်ဆေးတွေနဲ့ ရောသုံးသင့်တယ်။ azelaic acid 20%ဆိုတာ ရောင်ခြယ်ထုတ်တဲ့ melanocytes ကို အဓိကထား တိုက်ခိုကိတာကြောင့် ဘေးထွက်ပိုနည်းတယ်။

တင်းတိပ်ပျောက်ဆေးတွေထဲမှာ triple cream ခေါ်တဲ့ hydroquinone , tretinoin နဲ့ corticosteroid သုံးမျိုးပေါင်းထားတဲ့ လိမ်းဆေးတွေက ကောင်းတယ်။ US FDAက အသိမှတိပြုထားတာက Tri-Luma ဆိုတဲ့ လိမ်းဆေး။ hydroquinone 4%, tretinoin 0.05%, နဲ့ fluocinolone acetonide 0.01% ဆိုတဲ့ဆေး သုံးမျိုးပေါင်းထားတယ်။ ၆၀ ရာခိုင်နှုန်းလောက် ထိရောက် ကောင်းမွန်စေတယ်။ တင်းတိပ်မှာ ဆေးပေးတဲ့အခါ ပေါင်းစပ်ထားတဲ့ လိမ်းဆေးတွေက ပိုအာနိသင်ရှိတာ တွေ့ရတယ်။ ပုံမှန်အားဖြင့် ၂လ လောက်သုံးရင် သိသာပြီ။ ၂၀၁၀ ကလေ့လာမှုတွေအရ ဒီဆေးကို ၆ လထိ စိတ်ချလက်ချ သုံးစွဲနိုင်သတဲ့။

တခြားနည်းတွေလဲ အများကြီးပဲ။  သိပ်မဆိုးရင် Microdermabrasion ၊အရေပြားလွှာအောက် နည်းနည်းရောက်ရင် dermabrasion ဆိုတဲ့ နည်းတွေလည်း သုံးပါတယ်။ cosmatic camouflage ဆိုတာ မျက်နှာအမဲစက်တွေကို မသိသာအောင် ဖုံးပေးတဲ့ လိမ်းဆေးဖြစ်တယ်။ ခရုသင်းမှာလည်း သုံးသေးတယ်။ တကယ်က အသားအရောင် ညီညာအောင် ဆေးဆိုးတာပဲ။

chemical peel ဆိုတာလည်း အပေါ်ယံအရေပြားကို ကွာစေတဲ့ နည်းဖြစ်ပါတယ်။ 30%-70% glycolic acid ပါတာတွေ သုံးတယ်။ kojic acid ပါတာတွေက အညိုကွက်အရောင်က ဖျော့သွားစေတယ်။ အလွန်အကျွံ သုံးတာက အရေပြားကို ပိုမိုရောင်ရမ်းစေတယ်။ ကျွမ်းကျင်မှုမရှိဘဲသုံးရင် ပိုဆိုးလာနိုင်တာ သတိပြုပါ။

လေဆာနည်းတွေကလည်း သုံးကြတာပဲ။ တချို့က မယ်လနင်ထွက်တဲ့ဆဲလ်ကို ဖျက်ဆီးတာဖြစ်ပြီး တချို့က အပေါ်ယံအရေပြားကို ဖယ်ရှားပစ်တယ်။ chemical peel ပဲဖြစ်ဖြစ်၊ laser treatment လေဆာနည်းပဲဖြစ်ဖြစ် သေချာပေါက်ပျောက်မယ်လို့ အာမမခံနိုင်ပါ။ လေ့လာကြည့်တော့ လူနာတွေရဲ့ သုံးပုံတပုံမှာ အကျိုးရှိတယ်။ နောက်သုံးပုံတပုံမှာ ထူးခြားမှုမရှိ။ ကျန်တဲ့ သုံးပုံတပုံကတော့ ပိုဆိုးလာနိုင်ပါသတဲ့။

တင်းတိပ်သဘောက ပျောက်ခဲတယ်။ မှန်းဆရခက်တယ်။ တိုးတက်မှုရှိဖို့ လအနည်းငယ် စောင့်ရတတ်တယ်။ နေရောင် ထိပါများရင် ပြန်ဖြစ်တတ်တယ်။ ကိုယ်ဝန်ဆောင် တင်းတိပ်ထွက်ရင် ကုဖို့မလိုပါ။ ကလေးမွေးပြီးတာနဲ့ တဖြည်းဖြည်း အလိုလို ပြန်ပျောက်သွားတယ်။ ဟော်မုန်းပါတဲ့ တားဆေးတွေကြောင့်ဖြစ်ရင် ဆေးဖြတ်ပြီးတဲ့အခါ ပျောက်သွားတယ်။ အီစတိုဂျင်ပါတဲ့ဆေးတွေ သုံးနေရင် ဖြတ်ပစ်ပါ။

အထူးဂရုစိုက်ရမှာက နေရောင်နဲ့တိုက်ရိုက် မထိတွေ့အောင် ဖြစ်တယ်။ အပြင်သွားရင် SPF 30-50 ပါတဲ့ နေလောင်ကာ လိမ်းဆေး အမြဲလိမ်းဖို့ လိုပါတယ်။ အပြင်မထွက်ခင် ၁၅ မိနစ် ကြိုလိမ်းပါ။ လိုအပ်ရင် နှစ်နာရီတခါ လိမ်းပါ။ ပြီးရင် အဆောင်းအကာ တစ်ခုခု သုံးပါ။ တင်းတိပ်တွေက ကူးစက်ရောဂါ မဟုတ်သလို ကင်ဆာကိုလည်း မဖြစ်စေပါ။ ပျောက်ဖို့ ခက်ပေမယ့် ကံကောင်းသူတွေကတော့ သူ့အလိုလို ပြန်လည်ပျောက်ကင်း နိုင်ပါတယ်။

ဒေါက်တာ အေးမင်းထူး
Credit : drayeminhtoo.blogspot.com

Read More

အအိပ်လွန်ရောဂါ

အအိပ်လွန်ရောဂါဆိုတာ ပုံမှန်အိပ်ချိန်မှာ မဟုတ်ဘဲ ရုတ်တရက် အိပ်ပျော်တတ်တဲ့ နာတာရှည် ဦးနှောက်ရောဂါ ဖြစ်ပါတယ်။

ဒီရောဂါဖြစ်နေတဲ့သူမှာ ဦးနှောက်ဟာ ပုံမှန် အိပ်ချိန်ထချိန်တို့ကို မှန်အောင် မထိန်းချုပ်နိုင်တော့ပါဘူး။ ဒါကြောင့် ညဘက်မှာ အိပ်မပျော်ဖြစ်ပြီး နေ့ဘက်မှာ အိပ်ငိုက်တာ၊ အိပ်ချင်စိတ်ကြောင့် အာရုံ မစူးစိုက်နိုင်တာ၊ ရုတ်တရက် အိပ်ပျော်သွားတတ်တာ၊ ကြွက်သားတွေကို မထိန်းချုပ်နိုင်တော့ဘဲ ရုတ်တရက် ရယ်တာ၊ ဒေါသထွက်တာစတဲ့ မျက်နှာအမူအရာတွေကို မလုပ်နိုင် ဖြစ်တတ်ပါတယ်။

ဒါ့အပြင် ပြန်နိုးလာချိန် ခဏအတွင်း စကားမပြောနိုင်တာ၊ လှုပ်လို့မရတာ (sleep paralysis) လဲ ဖြစ်တတ်ပါတယ်။ အအိပ်လွန်ရောဂါဟာ ကိုယ်ခန္ဓာကို ရေရှည်ထိခိုက်စေတဲ့ ကျန်းမာရေးပြဿနာတော့ မဟုတ်ပေမယ့် ကြာလာရင် နေ့စဉ်အလုပ်တွေနဲ့ လူမှုဆက်ဆံရေးကို ထိခိုက်စေနိုင်ပါတယ်။

ရောဂါလက္ခဏာများ

အအိပ်လွန်ရောဂါကိုခံစားနေရတဲ့သူတွေဟာ တစ်ဦးနဲ့တစ်ဦး ရောဂါ လက္ခဏာတွေ တစ်ထပ်တည်း မတူညီနိုင်ပါဘူး။ ဒါပေမယ့် ရောဂါလက္ခဏာ တစ်ခုတည်းကိုတော့ ထပ်ခါထပ်ခါ ခံစားရပါတယ်။ ရောဂါ လက္ခဏာတွေဟာ နှစ်နဲ့ချီမှ တဖြည်းဖြည်း ပေါ်လာနိုင်သလို ရက်သတ္တပတ် အတွင်းလဲ ရုတ်တရက် ပေါ်လာနိုင်ပါတယ်။ အသက်ကြီးလာလေ ပိုဆိုးလာလေ ဖြစ်နိုင်ပါတယ်။

အအိပ်လွန်ရောဂါရဲ့ လက္ခဏာတွေကတော့ …

- နေ့လည်ဘက် အလွန်အကျွံ အိပ်ငိုက်ခြင်း အများစုမှာ တွေ့ရတဲ့ အအိပ်လွန်ခြင်းရဲ့ ရှေးဦးလက္ခဏာ ဖြစ်ပါတယ်။ နေ့လည်ခင်းမှာ အမြဲအိပ်ငိုက်နေပြီး အိပ်ချင်စိတ်ကို အမြဲတွန်းလှန်နေရတာကြောင့် ကျောင်းစာ နဲ့ အလုပ်တွေမှာ အာရုံမစိုက်နိုင် ဖြစ်လာတတ်ပါတယ်။ ဒီရောဂါရှင်တွေကို ပတ်ဝန်းကျင်နဲ့ သဟာဇာတ မဖြစ်တဲ့သူ၊ စိတ်ဆိုးလွယ်တဲ့သူ၊ ငပျင်းတွေအဖြစ် တွေ့ရတတ်ပါတယ်။

- ရုတ်တရက် အိပ်ပျော်တတ်ခြင်း
စကားပြောနေစဉ်၊ အစားစားနေစဉ်မှာတောင် အိပ်ပျော်သွားတတ် ကြပါတယ်။ တချို့မှာ အိပ်ငိုက်သွားသလို ခဏပဲဖြစ်တတ်ပြီး တချို့မှာ အကြာကြီး အိပ်ပျော် သွားတတ်တာတွေလဲ ရှိပါတယ်။ ဒီရောဂါကို မကုသရင် တနေ့တည်းမှာဘဲ ရုတ်တရက် အိပ်ပျော်ခြင်း ခဏခဏ ဖြစ်နေတတ်ပါတယ်။ လမ်းသွားရင်း၊ အလုပ်လုပ်ရင်း ဒီလိုအိပ်ပျော်နေရင်တော့ မတော်တဆ ထိခိုက်မှုတွေဖြစ်နိုင်လို့ အထူးသတိထားရပါမယ်။

- ရုတ်တရက် ကြွက်သားများ အားနည်းခြင်း၊ မထိန်းချုပ်နိုင်ခြင်း
ကြွက်သားများ အားနည်းခြင်းကြောင့် လှုပ်ရှားမှုများကို မထိန်းချုပ်နိုင်ဖြစ်ကာ ရုတ်တရက် စိတ်လှုပ်ရှားခြင်း၊ ရယ်ခြင်း၊ စိတ်ဆိုးခြင်းတို့ဖြစ်စဉ်တွင် ပါးစပ်စေ့၍ မရခြင်း၊ ခေါင်းငိုက်စိုက်ကျခြင်း၊ ခြေထောက်များ မသယ်နိုင်ခြင်း၊ စကား ပလုံးပထွေးပြောခြင်း၊ အမြင်များမထင်ရှားခြင်း၊ နှစ်ထပ်မြင်ခြင်းတို့ ဖြစ်တတ် ပါတယ်။ ကြွက်သား မထိန်းချုပ်နိုင်ခြင်းဟာ ခဏအတွင်း ပြန်ကောင်းနိုင်သလို အချိန်အနည်းငယ်ကြာမှ ပြန်ကောင်းတာတွေလဲ ရှိပါတယ်။ ဒီပြဿနာတွေကြောင့် ရောဂါသည်တွေဟာ စိတ်ဓာတ်ကျတာ၊ လူကြားသူကြားထဲ မသွားဘဲ တစ်ဦးထဲ သီးခြားဖြစ်လာတာတို့ကို တွေ့ရပါတယ်။

- အိပ်ပျော်စဉ်နှင့် ပြန်နိုးလာချိန်တို့တွင် မလှုပ်နိုင်ခြင်း၊ စကားမပြောနိုင်ခြင်း
လှုပ်မရတာ၊ စကားပြော၍ မရတာတွေဟာ ခဏအတွင်း ပြန်ကောင်းနိုင်ပေမယ့် ရုတ်တရက်တော့ လန့်သွားနိုင်ပါတယ်။

အခြားလက္ခဏာများအနေနဲ့

- တကယ်မရှိသော အရာများကို မြင်ယောင်ခြင်း၊ ကြားယောင်ခြင်း
- မှတ်ဥာဏ်ချို့ယွင်းခြင်း
- ခေါင်းကိုက်ခြင်း
- အလွန်အမင်းပူခြင်း၊ အိမ်မက်ဆိုးများမက်ခြင်း တို့ကြောင့် ခဏခဏ လန့်နိုးခြင်း
- စိတ်ဖြင့် မထိန်းချုပ်ဘဲ အလိုအလျောက်ပြုမူခြင်း
- စိတ်ဓာတ်ကျခြင်း တို့လဲ ဖြစ်နိုင်ပါတယ်။

အအိပ်လွန်ရောဂါ ဘာလို့ဖြစ်လဲ

အအိပ်လွန်ရောဂါဟာ ဦးနှောက်အတွင်းရှိ ပုံမှန်အိပ်ချိန်ကို ထိန်းချုပ်ပေးတဲ့ အော်ရီဇင် (orexin) ဆိုတဲ့ ဓာတုပစ္စည်းကို ခန္ဓာကိုယ်ရဲ့ ခုခံအားအဖွဲ့အစည်းက မှားပြီး ဖျက်ဆီးမိလို့ ဖြစ်ရတာပါ။ ဟော်မုန်း အပြောင်းအလဲဖြစ်တဲ့ အပျိုဖော်ဝင် အရွယ်နဲ့ သွေးဆုံးချိန်တွေမှာလဲ ဖြစ်တတ် ပါတယ်။ စိတ်ဖိစီးမှုများတာ၊ အိပ်ချိန်အပြောင်းအလဲဖြစ်တာနဲ့ တုပ်ကွေးဖြစ်ချိန် တို့နဲ့လဲ ဆိုင်ပါတယ်။ ဒါ့အပြင် ဦးခေါင်းကို ထိခိုက်မိခြင်း၊ ဦးနှောက်အတွင်း အကျိတ်ဖြစ်ခြင်း၊ ဦးနှောက် အမြှေးရောင်ခြင်း တို့ကြောင့် ဦးနှောက် အတွင်း အောရီဇင်ထုတ်တဲ့ နေရာကိုထိခိုက်မိပြီး အအိပ်လွန်ရောဂါ ရနိုင်ပါတယ်။

အအိပ်လွန်ရောဂါကို ဘယ်လိုကုရမလဲ

အအိပ်လွန်ရောဂါကို လုံးဝ ပျောက်အောင်တော့ ကုလို့မရပါဘူး။ အိပ်ချိန်တွေကိုပြောင်းခြင်း၊ ဆေးသောက်ခြင်းဖြင့် ရောဂါ လက္ခဏာတွေကို သက်သာအောင် လုပ်နိုင်ပါတယ်။ တနေ့လုံး အိပ်ငိုက် မနေအောင် နေ့လည်ခင်းမှာ တရေးအိပ်တဲ့ အကျင့်ကိုလုပ်ပါ။ ဘာကိစ္စတွေပဲ ရှိရှိ ပုံမှန်အချိန်မှာ အိပ်ရာဝင်ပါ။

အရက်နှင့် ဆေးလိပ်တို့ကို ရှောင်ပါ။ လေ့ကျင့်ခန်း ပုံမှန်လုပ်ပါ။ ရောဂါရှိသူများ အနေဖြင့် မိမိတွင် အအိပ်လွန်ရောဂါရှိကြောင်း အလုပ်ရှင် သို့မဟုတ် ဆရာအား ပြောထားပါ။ နားလည်မှုဖြင့် တရေးအိပ်ချိန်ရပါက အလုပ်ခွင်နှင့် ကျောင်းတို့တွင် မလိုလားအပ်သော ဆိုးကျိုးများကို လျှော့ချနိုင် ပါတယ်။

ကားမောင်းနေသူဖြစ်ပါက ကားမောင်းခြင်းကို ရပ်သင့်ပါတယ်။ မဖြစ်မနေ မောင်းရန်ရှိပါကလည်း ဆရာဝန်နှင့် တိုင်ပင်ပြီး ရောဂါအခြေအနေ သက်သာနေမှသာ မောင်းသင့်ပါတယ်။ ရုတ်တရက် ကြွက်သားအားနည်းခြင်း၊ နေ့လည်ခင်း အိပ်ငိုက်ခြင်း တို့ကိုလျှော့ချရန် ဆရာဝန်နဲ့ တိုင်ပင်ပြီး အာရုံကြော အဖွဲ့အစည်းကို လှုံ့ဆော်သည့် ဆေးများဖြင့် ကုသမှုခံယူနိုင်ပါတယ်။

Credit : Lei (Healthcare.com.mm)

Read More

အရေပြားပြည်တည်နာ

အရေပြားပြည်တည်နာ၏ လက္ခဏာများ

အရေပြားပြည်တည်နာ ဆိုသည်မှာ နေရာကွက်ဖြစ်သော အရေပြား အတွင်း ရောဂါပိုးဝင်ခြင်း ဖြစ်ပါသည်။ များသောအားဖြင့် နီရဲ နာကျင်သော နေရာလေးအဖြစ် စတင်လေ့ ရှိပါသည်။ အချိန်နှင့်အမျှ ထိုနေရာသည် တင်းမာလာပြီး ပိုနာလေ့ရှိပါသည်။ တဖြည်းဖြည်းနဲ့ ပြည်တည်နာ၏ အလယ်သည် ပျော့လာပြီး ရောဂါပိုးအား တိုက်ထုတ်ရန် သွေးကြောများမှတစ်ဆင့် ရောက်လာသော သွေးဖြူဥများဖြင့် ပြည့်လာပါသည်။ ဤသွေးဖြူဥများ၊ ဗက်တီးရီးယားပိုးများနှင့် ပရိုတင်းများ စုပေါင်းမိရာမှ ပြည်ဖြစ်လာပါသည်။ နောက်ဆုံးတွင် ပြည်ခေါင်းဖြစ်လာပြီး သူ့အလိုလိုပေါက်ထွက် (သို့) ခွဲစိတ်ဖယ်ရှားရသော အခြေအနေသို့ ရောက်လာပါသည်။

အရေပြား ပြည်တည်နာများကို ဖြစ်စေသော အကြောင်းရင်းများ

အရေပြား ပြည်တည်နာများကို ဖြစ်စေနိုင်သော အကြောင်းရင်းများ များစွာရှိပါသည်။ အချို့မှာ မွေးညင်းများ အရေပြားထဲ ပြန်ဝင်ခြင်းကြောင့် ဖြစ်ပါသည်။ ပြင်ပပစ္စည်းများ အရေပြားထဲ ဝင်ရောက်ခြင်း ကြောင့်လည်း ဖြစ်နိုင်ပါသည်။ အရေပြားရှိ ဂလင်းများပိတ်ပြီး ပိုးဝင်ခြင်းကြောင့် အရေပြား ပြည်တည်နာများ ဖြစ်ပေါ်ပါသည်။ အရေပြားသည် ကိုယ်ခန္ဓာအတွင်းသို့ ပြင်ပစ္စည်းများနှင့် ရောဂါပိုးများ မဝင်ရောက်နိုင်စေရန် တားဆီးပေးသော ကိုယ်ခန္ဓာခုခံအားစနစ်၏ မပါမဖြစ်သော အစိတ်အပိုင်း တစ်ခု ဖြစ်ပါသည်။ ရှမိခြင်း၊ ခြစ်မိခြင်း စသည်တို့ ဖြစ်ပွား၍ အရေပြားကို ပြတ်တောက်သွားသောအခါ ဗက်တီးရီးယားပိုးများ အလွယ်တကူ ဝင်ရောက်နိုင်ပြီး အရေပြားပြည်တည်နာများ ဖြစ်ပေါ်ပါသည်။

အရေပြားပြည်တည်နာ အဖြစ်များနိုင်သူများ

လူတိုင်း အရေပြားပြည်တည်နာများ ဖြစ်နိုင်ပါသည်။ သို့ရာတွင် ရောဂါ တစ်ခုခုကြောင့် (သို့) သောက်သုံးနေရသော ဆေးတစ်မျိုးမျိုးကြောင့် ကိုယ်ခန္ဓာ ခုခံအားစနစ် ကျဆင်းစေသော ရောဂါများတွင် သွေးချို၊ ဆီးချိုရောဂါ၊ ကျောက်ကပ် အလုပ်မလုပ်ခြင်း စသည်တို့ ပါဝင်ပါသည်။ ကိုယ်ခန္ဓာ ခုခံအားစနစ် ကျဆင်းစေသော ဆေးများတွင် ကင်ဆာဆေးများနှင့် စတီးရွိုက်များ ပါဝင်ပါသည်။

အရေပြား ပြည်တည်နာများ ကုသမှု

အရေပြား ပြည်တည်နာ အများစုကို အလွယ်တကူ ကုသ၍ရပါသည်။ စောစော ကုသခြင်းသည် နောက်ဆက်တွဲ ရှုပ်ထွေးမှုများကို တားဆီးပေးနိုင်သဖြင့် အရေပြား ပြည်တည်နာများကို သိသိခြင်း ကုသရန် အရေးကြီးပါသည်။ ဦးဆုံး ကုသမှုအနေဖြင့် အပူကပ်နိုင်ပါသည်။ ရေနွေးအိတ် ကပ်ခြင်းဖြစ်သည်။ အပူသည် သွေးလည်ပတ်မှုကို တိုးစေပြီး ရောဂါပိုးများအား တိုက်ထုတ်ရန် သွေးဖြူဥများနှင့် ပဋိပစ္စည်းများကို ထိုနေရာသို့ ပို၍ ရောက်စေပါသည်။

အရေပြား ပြည်တည်နာသည် သေးပြီး မာနေသေးသရွေ့ ထိုနေရာကို ဖွင့်ပြီး ပြည်များထုတ်ပစ်ရန် ကြိုးစားခြင်းသည် ပျောက်ကင်းမှုအတွက် အကူအညီ မဖြစ်စေပါ။ ပျော့လာပြီး ပြည်ခေါင်းဖြစ်လာသော အခါတွင်မူ ပြည်များထုတ်ပစ်ရန် အချိန်ရောက်ပြီ ဖြစ်ပါသည်။ ပြည်များ ထုတ်ပစ်လိုက်သည်နှင့် နာကျင်မှုသည်လည်း သိသိသာသာ လျော့ကျသွားလေ့ ရှိပါသည်။

မွေးညင်းများတစ်ဝိုက် ဖြစ်တတ်သော သေးငယ်သောအရေပြား ပြည်တည်နာအများအစုသည် ရေဆွတ်ပေးခြင်းဖြင့် သူ့အလိုလို ပြည်များပေါက်ထွက် သွားလေ့ရှိပါသည်။ ကြီးမားသော အရေပြား ပြည်တည်နာများ အတွက်မူ ပြည်ဖောက်ပေးရန် လိုအပ်တတ်ပါသည်။

၎င်းတို့တွင် အတွင်း၌ အကန့်များ ရှိနေတတ်သဖြင့် ဖောက်ထုတ်ပြီး ပြည်များ စီးဆင်းသွားအောင် ပြုလုပ်ပေးရန် လိုအပ်ပါသည်။ ပူးတွဲရှိနေသော ဘက်တီးရီးယား ပိုးများအတွက် ပဋိဇီဝဆေးများ သောက်သုံးရန် မလိုပါ။

ဆရာဝန်နှင့် ပြသသင့်သောအချိန်

သွေးချို၊ ဆီးချိုရောဂါ ကဲ့သို့သော ကိုယ်ခန္ဓာခုခံအားစနစ် ကျဆင်းနေသော ရောဂါအခံရှိသူများတွင် အရေပြား ပြည်တည်နာများ ဖြစ်ပွားလျှင် ဆရာဝန်နှင့် ပြသသင့်ပါတယ်။ ကိုယ်ခန္ဓာခုခံအားစနစ် ကျဆင်းစေသောဆေးများ သောက်သုံးနေရသူများတွင် အရေပြားပြည်တည်နာများ ဖြစ်ပွားလျှင် နောက်ဆက်တွဲပြဿနာများ ပိုများတတ်သဖြင့် ဆရာဝန်နှင့် ပြသင့်ပါသည်။ အရေပြားပြည်တည်နာများ ဖြစ်ပွားပြီး ဖျားလာလျှင်၊ ဘေးနားရှိ အရေပြား အလွန်နီရဲလာလျှင်၊ ပြည်ခေါင်း ဖြစ်ပေါ်လာခြင်း မရှိလျှင်၊ အရေပြား ပြည်တည်နာများ ခပ်များများ ခပ်မြန်မြန် သက်သာလာမှု မရှိလျှင် ဆရာဝန်နှင့် ပြသင့်ပါသည်။

အရေပြားပြည်တည်နာများကို ကာကွယ်ရန်

အရေပြား ပြည်တည်နာများ လုံးဝမဖြစ်ပေါ်စေရန် မတားဆီးနိုင်သော်လည်း ဖြစ်ပွားမှု လျော့နည်းအောင် ကြိုတင် လုပ်ဆောင်နိုင်သော အချက်တချို့ ရှိပါသည်။ တစ်ကိုယ်ရေ သန့်ရှင်းမှုကောင်းခြင်းနှင့် ပဋိဇီဝဆေးပါသော ဆပ်ပြာမှန်မှန် သုံးစွဲခြင်းသည် အရေပြားပေါ်တွင် ဘက်တီးရီးယား ပိုးမွှားများလာခြင်းကို ကာကွယ်ပေးနိုင် ပါသည်။ ဤအချက်သည် မွေးညင်းပေါက်များ ပိုးဝင်နိုင်ခြေကို လျော့နည်းစေပြီး အရေပြားပြည်တည်နာများ ဖြစ်ပေါ်မှုကို ကာကွယ်ရာတွင် အထောက်အကူပြုပါသည်။ ဝက်ခြံနှင့် အချို့ပြည်တည်နာတို့တွင် နောက်ထပ် ဖြစ်ပွားခြင်းကို ကာကွယ်ရန် ပဋိဇီဝဆေးများ ကြာရှည်သောက်သုံးရန် လိုတတ်ပါသည်။

Credit : ဒေါက်တာခိုင်ခိုင်ဇော် / Healthcare.com.mm

Read More

ခြင်ကိုက်သည့်ယားယံခြင်းများကိုပျောက်ကင်းစေနိုင်သောနည်းလမ်းများ

ခြင်အကိုက်ခံရ၍ ယားယံနေလျှင် ကုတ်ခြစ်စရာမလိုပဲ ယားယံခြင်းကို ချက်ချင်း သက်သာပျောက်ကင်းစေမည့် သဘာဝနည်းလမ်းများကို မျှဝေပေးလိုက် ပါသည်။

(၁) အိမ်မှာ အလွယ်တကူ ရှိနေတဲ့ သွားတိုက်ဆေးကို အနည်းငယ် ညှစ်ယူ၍ ခြင်ကိုက်သည့် aနရာကို ပွတ်လိမ်းပေးပါက ယားယံခြင်းနှင့် ယောင်ယမ်းခြင်းတို့ကိုချက်ချင်း ပျောက်စေမည်။

(၂) ငှက်ပျောခွံဖြင့် ပွတ်တိုက်ပေးပါ။ ငှက်ပျောခွံမှာ ပါဝင်တဲ့ ဓါတ်တစ်မျိုးဟာ ခြင်အဆိပ်ကို ချက်ချင်း သက်သာ ပျောက်ကင်းစေပါတယ်။

(၃) ပင်စိမ်းရွက်ကို ခြင်အကိုက်ခံရသည့် နေရာပေါ်သို့ အနည်းငယ် ပွတ်သပ်ပေး၍ အုပ်ထားပေးပါ။ ပင်စိမ်းရွက်မှာ ပါဝင်တဲ့ Thymol နဲ့ camphor ဓါတ်များက ခြင်ကိုက်ဖုများကို သက်သာ ပျောက်ကင်းစေပါတယ်။

(၄) ပျားရည် လိမ်းပေးပါ။ ပျားရည်မှာ ယားယံခြင်းနှင့် ယောင်ယမ်းခြင်းတို့ကို သက်သာ ပျောက်ကင်းစေပါတယ်။

(၅) ခြင်ကိုက်သည့် နေရာပေါ်ကို ရေခဲတုံးလေး တင်ထားပေးပါ။ ရေခဲဟာ ယားယံခြင်းနှင့် နာကျင်ခြင်းကို ချက်ချင်း သက်သာစေပါတယ်။

Credit : စောနွဲ့နေဆိုင် (ပူတာအို)

Read More

အနမ်းမှကူးစက်နိုင်သောရောဂါများ

စာတစ်ပုဒ် ရေးထားတာရှိပေမယ့် အများဖတ်စရာ အနေနဲ့တော့ မတင်လိုပါ။ လျှာမပါဘဲ နှုတ်ခမ်းချင်းနမ်းတာကို Light Kissing ခေါ်တယ်။ နှုတ်ခမ်းချင်း နမ်းတာကို Lip kiss လို့ ပြောတာများတယ်။ တရားဝင် ခေါ်ကြတာက French kiss ဖြစ်ပါတယ်။ Deep Kissing လို့သတ်မှတ်တယ်။ အထဲထိနက်တယ်။ ဒီနမ်းနည်းမှာ တယောက်ရဲ့ နှုတ်ခမ်းနဲ့ နောက်တစ်ယာက်ရဲ့ နှုတ်ခမ်း + လျှာနဲ့ ထိတွေ့မှု လုပ်ကြတယ်။ အပြန်အလှန်သဘော ရှိနိုင်တယ်။ တဖြေးဖြေးချင်းနဲ့ စိတ်လိုလက်ရ ရှိလာနိုင်တယ်။

ပေါ့ပေါ့ပါးပါး နမ်းတာကနေ
• ရေယုံနဲ့ ဝဲ ကူးစက်နိုင်တယ်။ ထိစပ်တဲ့နေရာမယ် ရောဂါမရှိသူမှာ အပေါက်အပြဲ အနာအဆာ ရှိမှသာ ကူးမှာပါ။
• တီဘီ (သလိပ်ထဲ ပိုးတွေ့)၊ တုပ်ကွေး၊ အအေးမိဖြစ်နေသူက နမ်းတာမခံပါနဲ့။
• မြင်သာတဲ့ မန်းရည်လို၊ ပြည်လို အနာရှိနေသူကို သွားမနမ်းပါနဲ့။
• ရေယုံ ဗိုင်းရပ်စ် အမျိုးအစား (၂)၊ အသဲရောင် (ဘီ) နဲ့ ဆစ်ဖလစ်ရောဂါတွေ ကူးနိုင်တယ်။

သွားရည်ထဲကနေ
• Mononucleosis (မိုနိုနူကလီယိုးဆစ်) ကို Kissing disease အနမ်းရောဂါလို့ခေါ်တယ်။ (EBV) နဲ့ (CMV) ဗိုင်းရပ်စ်တွေကနေ ကူးစက်တယ်။
• Streptococcus (စထွက်ပတိုကေားကပ်စ်) ဘက်တီးရီးယားကြောင့် လည်ချောင်းနာရောဂါ ကူးလာနိုင်တယ်။
• Cold sores ခေါ်တဲ့ နှုတ်ခမ်းရေယုံဟာ Herpes Simplex Virus-1 (HSV-1) ဗိုင်းရပ်စ်ကနေ ကူးစက်တယ်။
• Hand-foot-mouth disease လက်-ခြေ-ပါးစပ် ရောဂါဆိုတာ Coxsackie virus ဗိုင်းရပ်စ်ကနေ ကူးတယ်။
• HIV ပိုးဟာ သွားရည်ထဲမှာ ပါနေနိုင်ပေမဲ့ အရေအတွက် နည်းလို့ မကူးဘူးလို့ (ကနေ့အထိ) ပြောနိုင်တယ်။
• အသဲရောင် (အေ)၊ (ဘီ) နဲ့ (စီ) တွေကတော့ နမ်းလို့ကူးတယ်လို့ ပြောနိုင်တဲ့ လူနာတွေ တွေ့ထားတယ်။
• Candida yeast infections မှိုပိုးဝင်နေလို့လဲ ဖြစ်နိုင်တယ်။ အထူးသဖြင့် ပဋိဇီဝဆေး သောက်နေချိန်မှာ ဖြစ်တတ်တယ်။

French kiss ပြင်သစ်အနမ်းကနေ
• အသည်းရောင် (ဘီ) ကူးစက်ဖို့ အခွင့်အလမ်း အလွန်နည်းပါတယ်။ (ဘီ) သာမက (စီ) နဲ့ (ဒီ) တွေလဲ အတူတူဘဲ။ HIV လဲ ပါတယ်။ ရာနှုန်းပြည့် မကူးစက်ပါလို့ ဘယ်ဆရာဝန်ကမှ အာမမခံနိုင်ပါ။
• သီအိုရီအရတော့ ကူးစက်လာနိုင်တယ်လို့ ပြောနိုင်တယ်။ ဗိုင်းရပ်စ်ပိုးတွေဟာ လူကိုယ်က အရည်တွေ မှန်သမျှထဲမှာ နေကြတယ်။ သွားရည်လဲပါတယ်။
• နှုတ်ခမ်းနဲ့ အနီးအနားမှာ အနာအဆာ ရှိနေရင်တော့ ကူးစက်ဖို့ အခွင့်အလမ်း ပိုများတယ်။

ဒါကိုလဲသိပါ -
• ကိုယ်နမ်းတဲ့သူကို အရင်လူပေါင်း ဘယ်လောက်က နမ်းထားသလဲ သိပါသလား။ တယောက်ယောက်ကို နမ်းတယ်ဆိုတာ ကိုယ်နမ်းလိုက်သူကို နမ်းဘူးသူတွေ အားလုံးကို နမ်းသလိုဘဲလို့ ပြောနိုင်တယ်။
• အဖော်အကြောင်း ကောင်းကောင်းမသိရင် အန္တရာယ်နဲ့ မကစားတာ ကောင်းတယ်။
• ငယ်တုံးရွယ်တုံးမှာ French kiss ကို အဖော်တွေ အများကြီးနဲ့ လုပ်ခဲ့သူဟာ ဦးနှောက်မြှေးရောင် ရောဂါရစေဖို့ ပိုပြီး နီးစပ်တယ်လို့ သုတေသနတစ်ခုက ဆိုပါတယ်။
• နမ်းရာကနေ ကူးစက်ရောဂါ မရချင်ရင် နမ်းတာကိုသာ ဆင်ခြင်ပါလေ။

Credit : ဒေါက်တာတင့်ဆွေ /Healthcare.com.mm

Read More

အဆီများကိုလျင်မြန်စွာလာင်ကျွမ်းစေနိုင်သောအစားအစာများ

ယာကျာ်းလေး၊ မိန်းကလေးမရွေး အဆင်းရူပါ လှပဖို့ရန်မှာ မျက်နှာ တစ်ခုတည်းပေါ်မှာ မူတည်ခြင်းမျိုး မဟုတ်ဘဲ ကိုယ်ခန္ဓာ အချိုးကျ လှပပြေပြစ်ဟာလည်း အလွန်အရေးကြီးပါတယ်။

ရုပ်ရည်ရူပါ အတင့်အသင့်ပင် ရှိသော်ငြား ခန္ဓာကိုယ်အချိုးအစား လှပ ပြေပြစ်သူ ယောကျာ်းလေး၊ မိန်းကလေးတို့ဟာ မိမိတို့ရဲ့ ဆန့်ကျင်ဘက်လိင်ကို ဆွဲဆောင်နိုင်သည်ကို သဘောပေါက် နားလည်လာကြသည့် လူငယ်အများစုကို ယနေ့ခေတ်အချိန်မှာ ကိုယ်ခန္ဓာလေ့ကျင့်ရေးခန်းမ (Gym) မှာတွေ့မြင်ကြရမှာပါ။

ခန္ဓာကိုယ်အချိုးအစား လှပဖို့ လေ့ကျင့်ခန်းလုပ်ရာတွင် လက်မောင်း၊ ရင်အုပ်၊ ဗိုက်ကြွက်သားနှင့် ခြေထောက်ေ လေ့ကျင့်ခန်းများကို နည်းစနစ်မှန်မှန် လုပ်ဆောင်မှသာ အချိန်တိုအတွင်း အကျိုးရှိပြီး ခန္ဓာကိုယ် အချိုးအစား လှပလာကြမှာကိုလည်း လေ့ကျင့်ခန်းပြုလုပ်နေသည့် လူငယ်လူရွယ်များ သတိပြုသင့်ပါတယ်။

ဒါ့အပြင် ခန္ဓာကိုယ်အချိုးအစားကို ပုံပျက်ပန်းပျက်ဖြစ်စေသည့် ဗိုက်အဆီထွက်ခြင်းကို ပြုပြင်သည့် Belly Exercise များ လေ့ကျင့်ယူရသည့်မှာ ခက်ခဲသလို လေ့ကျင့်မှုများကြောင့် အချိုးအစားကျသော ဗိုက်ကြွက်သားများကို ပိုင်ဆိုင်ပြီးသည့် အခါတွင်လည်း အနေအထိုင်အစားအသောက် မဆင်ခြင်ပါက ခန္ဓာကိုယ်အချိုးအစားကို ကြည့်ရဆိုးစေသည့် ဗိုက်အဆီထွက်ခြင်းကို ပြန်လည် ဖြစ်ပေါ်စေနိုင်တာကြောင့် အစားသောက်များကို ဆင်ခြင်သင့်ပါတယ်။

မိမိနေ့စဉ်စားသောက်သော အစားအစာများတွင် အဆီများကို လျင်မြန်စွာ လောင်ကျွမ်းစေနိုင်သည့် အစားအစားများကို ရွေးချယ် စားသောက်နိုင်ပါက ဗိုက်အဆီထွက်ခြင်းကို ကာကွယ်နိုင်တာကြောင့် အဆီများကို အလျင်အမြန်လောင်ကျွမ်းစေနိုင်သည့် အစားအစာများကို ဖော်ပြပေးလိုက်ပါတယ်။

၁။ မုယော

မုယောဟာ ကောင်းမွန်သော အရသာကို ပိုင်ဆိုင်ထားရုံမက ဆာလောင်မှုဒဏ်ကိုပါ လျော့ချစေနိုင်တာကြောင့် မကြာခဏ အစားစားခြင်းမှ ကာကွယ်ပေးနိုင်ပါတယ်။ ဒါ့အပြင် မုယောတွင် အမျှင်ဓါတ်(Fiber) ပါဝင်တာကြောင့် ခန္ဓာကိုယ်တွင်းရှိ ကိုလက်စထရော အချိုးအစားကို ညီမျှစေနိုင်ပါတယ်။

၂။ ဥများ

ကြက်ဥ၊ ဘဲဥအစရှိတဲ့ ဥများတွင် ပရိုတိန်းဓါတ် ကြွယ်ဝစွာပါဝင်ပြီး အဆီပိုများကို ဖြစ်စေတတ်သည့် ကယ်လိုရီဓါတ် နည်းပါးစွာ ပါဝင်နေပါတယ်။ ဥများကို စားသုံးခြင်းအားဖြင့် ခန္ဓာကိုယ်အတွင်း ကြွက်သားတည်ဆောက်မှုကို အကျိုးဖြစ်ထွန်းစေနိုင်သလို ခန္ဓာကိုယ်အတွက် အကျိုးရှိစေသော ကိုလက်စထရော ဓါတ်များကိုဖြစ်ထွန်းစေပါတယ်။

၎။ ငရုပ်သီးစိမ်း

ငရုပ်သီးစိမ်းမှာ ခန္ဓာကိုယ်ကြီးထွားမှုကို ဖြစ်ပေါ်စေတဲ့ ဆဲလ်များဖွံ့ဖြိုးဖို့နှင့် ကယ်လိုရီဓါတ်များကို လျင်မြန်စွ လောင်ကျွမ်းရာတွင် အထောက်အကူဖြစ်စေတဲ့ ကပ်စိုင်ဆင် (Capsaicin) ဓါတ်တွေ ပါဝင်ပါတယ်။

၅။ လက်ဖက်စိမ်း

လက်ဖက်စိမ်းမှာ ခန္ဓာကိုယ်အလေးချိန်ကို ထိန်းညှိပေးနိုင်တဲ့ အန်တီအောက်စီဒန့် (Antioxidants) ဓါတ်များ ကြွယ်ဝစွာ ပါဝင်ပါတယ်။ မြန်မာနိုင်ငံမှာ လက်ဖက်ခြောက်ကို ရေနွေးကြမ်းအဖြစ် သောက်သုံးကြပေမယ့် လက်ဖက်စိမ်းရည်ကို တစ်နေ့ ၂ ခွက်ခန့် သောက်သုံးပါက အကျိုးကျေးဇူး များနိုင်ပါတယ်။

၆။ ဂျုံ

ဂျုံဟာ အလွယ်တကူရနိုင်တဲ့ အကျိုးရှိပစ္စည်းတစ်မျိုး ဖြစ်ပါတယ်။ ဂျုံမှာ ခန္ဓာကိုယ်၏ ဇီဝကမ္မဖြစ်စဉ် (metabolism) ကို ထိန်းညှိထောက်ပံ့ပေးသော ဓါတ်များနှင့် အဆီကို လျော့ချပေးနိုင်တဲ့ ဓါတ်များ ပါဝင်ပါတယ်။

၁၀။ အနက်ရောင် ချောကလက်

အနက်ရောင်ချောက်လက်မှာ သွေးအတွင်းရှိ ကိုလက်စထရော ဓါတ်များကို လျော့ချပေးစေနိုင်သည့် ဖလာဗိုနွိုက်(Flavonoids) နှင့် အန်တီအင်ဖလန်မန်ထရီ (anti- inflammatory) ဓါတ်တွေ ပါဝင်တာကြောင့် သွေးအတွင်း ကိုလက်စထရောဓါတ် မျှတစေရန် စားသုံးသင့်ပါတယ်။ ဒါ့အပြင် အနက်ရောင် ချောကလက်ဟာ သွေးအတွင်းရှိ ဆီရိုတိုနင်(Serotonin) ဓါတ်နှင့် အဆီများကို လောင်ကျွမ်းစေတဲ့ဓါတ်တွေ ပါဝင်နေပါတယ်။

Credit : Myawady Health

Read More