အင်္ဂလိပ်ဆေးနှင့်အချဉ်မတည့်

ပထမဦးဆုံး တင်ပြချင်သည့် အယူအဆတစ်ခုမှာ “အင်္ဂလိပ်ဆေးနှင့် အချဉ်မတည့်” ဟူသော အကြောင်းပင် ဖြစ်ပါသည်။ ဤအယူအဆမှာ ယခုမှသာမဟုတ် နှစ်ပေါင်းများစွာ ကြာခဲ့ပြီဖြစ်သည်။

လူတစ်ယောက် နှစ်ယောက်သာ မဟုတ်၊ လူအများအပြား ယုံကြည်နေကြခြင်း ဖြစ်၏။ တချို့ ပညာမတတ် မဟုတ်။ ဘွဲ့များစွာ ရထားသူများပင် ယင်းယုံကြည်မှု ရှိနေသည်။

ကျွန်တော်တို့ မိဘများသည်လည်း ကျွန်တော်တို့ ငယ်စဉ်ကပင် အင်္ဂလိပ်ဆေး တိုက်မည်ဆိုလျှင် အချဉ်နဲ့ရှောင်၍ တိုက်ကြသည်။ အချဉ်စားထားသူများကို ဆေးမသောက်နှင့်ဦးဟု ဟန့်တားကြသည်။ တချို့သူများက “အချဉ်စားပြီး အင်္ဂလိပ်ဆေး သွားမသောက်နဲ့၊ တစ်ခါတည်း သေသွားမယ်၊ ဘာမှတ်လဲ”ဆိုသည့် စကားမျိုးကိုပင် ပြောတတ်ကြသည်။

ယနေ့အချိန် သုံးစွဲနေသော အင်္ဂလိပ်ဆေးဝါးများ (ထိုးဆေး၊ စားဆေး) တွင် အချဉ်စားပြီး မထိုးရ၊ မသောက်ရဟု တားမြစ်ချက်များ မပါဝင်ပါ။ အင်္ဂလိပ်ဆေးနှင့် အချဉ်မတည့်ဟူသော အယူအဆမှာ ရှေးခေတ် သုံးခဲ့သော ဆေးဝါးတစ်ချို့ ဓာတ်မတည့်မှု ရှိခဲ့ပါ၍ ပေါ်ပေါက်လာခြင်းဖြစ်သည် ဟု ကြားဖူးခဲ့ပါသည်။ အတိအကျတော့ မပြောနိုင်ပါ။

အချဉ်ဟုဆိုရာတွင် ဥပမာ - သံပရာသီး၊ ရှောက်သီး၊ လိမ္မော်သီး၊ ချဉ်ပေါင်ရွက်၊ မန်ကျည်းရွက်၊ မန်ကျည်းသီး စည်တို့ဖြစ်သည်။ ယင်းအသီးအနှံအရွက်များတွင် ဗီတာမင် “စီ” ဓာတ် ပါဝင်သည်။ ဗီတာမင် “စီ” သည် အစာလမ်းကြောင်းမှ ဆေးဝါးတချို့ စုပ်ယူမှုအားကို ကောင်းစေသည်။

ထို့ကြောင့်ပင် ဆေးဝါးတချို့ကို ဗီတာမင် “စီ” နှင့်တွဲ၍ သောက်စေသည်။ ဥပမာ သံဓာတ်စုပ်ယူမှုကို ဗီတာမင် “စီ” က အားပေးသည်။

တချို့ ကျွမ်းကျင်ပညာရှင် အချို့က အကယ်၍ အချဉ်နှင့် ဆေးဝါးတချို့ ရောသောက်လျှင် စုပ်ယူမှု ပိုကောင်း၍ အန္တရာယ် မဖြစ်စေနိုင်ဘူးလားဟု စောဒက တတ်ကြသည်။ ဆေးဝါးများတွင် မူလကတည်းက လူအတွက် အန္တရာယ်မရှိသော လိုအပ်သည့် အတိုင်းအတာ ပမာဏကိုသာ ထည့်သွင်းပေးထားခြင်း ဖြစ်သည်။

အန္တရာယ်ဖြစ်စေနိုင်စရာ အကြောင်းမရှိပါ။ ကျွန်တော် တင်ပြလိုသည်မှာ အင်္ဂလိပ်ဆေးနှင့် အချဉ်မတည့် ဆိုသည်မှာ အယူအဆအမှား တစ်ခုသာ ဖြစ်ပါသည်။

အင်္ဂလိပ်ဆေးတချို့နဲ့ ဓာတ်မတည့်သည့် ဥပမာတချို့ကို တင်ပြပေးပါမည်။ အရက်နှင့် အချို့ အင်္ဂလိပ်ဆေး မတည့်ပါ။ ဤသည်မှာ အမှန်ဖြစ်ပါသည်။ လူတစ်ယောက် အရက် အလွန်အကျွံသောက်လျှင် အမူးလွန်သွားနိုင်သည်။

အိပ်ဆေး အသောက်များလျှင်လည်း မူးဝေပြီး အိပ်ရာ မထချင်ဘဲ ဖြစ်နေတတ်သည်။ အရက်နှင့် အိပ်ဆေး တွဲသောက်မိလျှင် အသက်အန္တရာယ် ဖြစ်စေနိုင်သည်။ အရက်နှင့် အိပ်ဆေးသည် တစ်ခုနှင့်တစ်ခု အပြန်အလှန် အားကူလှုံ့ဆော်မှု ပြုကြသည်။ အရက်နှင့် မက်ထရိုနိုက်ဒဇော် (မက်ထရို) Metronidazole အကြောင်းမှာ Metronidazole မက်ထရိုနိုက်ဒဇောဆေးမှာ အရက်ဖြတ်ဆေးကဲ့သို့ အာနိသင် ရှိသောကြောင့် ဖြစ်သည်။

အချုပ်အားဖြင့် ဆိုရသော် အင်္ဂလိပ်ဆေးနှင့် အချဉ်မတည့်ဟူသော အယူအဆအမှားကို မေ့ဖျောက်သင့်ပြီ ဖြစ်ပါသည်။ အချဉ်စားထား သူလည်း ဆေးထိုးနိုင်ပါသည်။ အချဉ်စားပြီးလျှင်လည်း ဆေးသောက်နိုင် ပါသည်။

- အင်္ဂလိပ်ဆေးနှင့် အချဉ် တည့်ပါသည်။
- အရက်နှင့် တချို့အင်္ဂလိပ်ဆေး မတည့်ပါ။

Credit : ဒေါက်တာအေးကျော် (ဇီဝကမ္မဗေဒ) / Healthcare.com.mm