အမျိုးသမီးလစဉ်သုံးပစ္စည်းများကြောင့်ကလေးမရသည်အထိဖြစ်နိုင်

အိမ်ထောင်သည် အမျိုးသမီးများအနေဖြင့် ရာသီလာသည့်အချိန်၌ လစဉ်သုံးပစ္စည်းကို အတွင်းခံဘောင်းဘီတွင် အချိန်ကြာမြင့်စွာထားခြင်းက သားအိမ်ကြောများပိတ်ကာ ကလေးမရနိုင်ခြင်းများ ဖြစ်ပွားနိုင်သောကြောင့် အထူး သတိထားဆောင်ရွက်ကြရန် အထူးကုဆရာဝန်များက တိုက်တွန်း ပြောကြားလိုက်သည်။

ရာသီသွေးဆင်းသည့် အချိန်တွင် ခံသည့် လစဉ်သုံးပစ္စည်းသည် အပြင် အဝတ်အထည်များ မစွန်းထင်းစေရန် အချိန်ကာလကြာစွာ စုပ်ယူ ထိန်းထားသော်လည်း အချိန်အတော်ကြာ ထားခြင်းကြောင့် အမျိုးသမီးများ အနေဖြင့် မလိုလားအပ်သော ရောဂါများမဖြစ်ရန် သတိထားသင့်ကြောင်း ၄င်းတို့က ဆိုသည်။

"Pad တွေကို ဓာတုပစ္စည်းတွေ နဲ့ ဖန်တီး ပြုလုပ်ထားတဲ့အတွက် အခုလို ရာသီသွေးရည်များနဲ့ အစိုဓာတ်ကို အချိန်ကြာကြာ စုပ်ယူထိန်းထားနိုင်တာပါ။ ဒါပေမဲ့ အချိန်တော်တော်ကြာ စုပ်ယူပြီး နောက်မှာတော့ Pad မှာပါတဲ့ ဓာတုပစ္စည်းက ပျက်ပြယ်ပြီး အထဲမှာ စုပ်ယူထိန်းပေးထားတဲ့ သွေးပုပ်တွေကို ဓာတ်ပြောင်းလဲစေပြီး၊
အနီရောင်မှ အစိမ်းရောင်မှိုဖြစ်သွားပြီး အဲ့ဒီမှိုတွေက သားအိမ်လမ်းကြောင်းကို ပိတ်စေတယ်။ နောက်ပြီး ကလေးယူတဲ့ အချိန်မှာလည်း သားအိမ်ထဲမှာ သန္ဓေမတည်ဘဲ ဖြစ်တတ်တယ်။ ကလေး မရတာတွေလည်း ဖြစ်တတ်တယ်” ဟု ဆေးတက္ကသိုလ် (၁) သားဖွား နှင့် မီးယပ်အထူးကု ဆရာဝန် ဒေါက်တာမြင့်သက်မိုးက ပြောသည်။

ပိုးဝင်၍ ဖြစ်တတ်သော ရောဂါများသည် မိန်းမကိုယ်ယားခြင်း၊ အဖြူဆင်းခြင်း၊ ဆီးစပ် တင်ပါးဆုံဝန်းကျင်တွင် နာကျင်ကိုက်ခဲခြင်းတို့ ဖြစ်ပေါ်စေကာ အဖြစ်အများဆုံးလက္ခဏာမှာ အဖြူဆင်းခြင်းဖြစ်ကြောင်း၊ အဖြူဆင်းသည့်အခါ တွင် အဖြူရောင်စစ်စစ် မဟုတ်ဘဲ အဝါရောင် အစိမ်းရောင် ခပ်ပြစ်ပြစ် အရည်များ ဆင်းခြင်းဖြစ်ပြီး ထိုသို့ အဖြူဆင်းပါက ဆိုးရွားစွာ အနံ့ထွက်ခြင်းများ ဖြစ်တတ်ကြောင်း ဆရာဝန်များက ဆိုသည်။

"ဒီလိုအနံ့ဆိုးတဲ့ လက္ခဏာတွေ ဖြစ်လာရင်ဆို နီးစပ်ရာ ဆရာဝန်နဲ့ ပြသသင့်တယ်၊၊ ဆရာဝန်တစ်ယောက် အနေနဲ့ စိုးရိမ်တာကတော့ Toxic Shock Syndrome ဖြစ်မှာကိုပဲ။ ဘာကြောင့်လဲဆိုတော့ ဒီဘက်တီးရီးယား ပိုးဝင်တာက နောက်ကျရင် သွေးအဆိပ်သင့်ပြီး သေတဲ့အထိ ဖြစ်နိုင်တယ်။ လက္ခဏာတွေက တော့ အဖျားကြီးမယ်၊ ခေါင်းကိုက်မယ်၊ အန်မယ်၊ တစ်ကိုယ်လုံး နာကျင်ကိုက်ခဲနေမယ်ဆိုရင် ဆေးရုံကို အချိန်မီတင်ဖို့ လိုပါတယ်” ဟု ဒေါက်တာ မြင့်သက်မိုးက ဆက်၍ ရှင်းပြသည်။

Toxic Shock Syndrome သည် ကလေးမွေးပြီးစ မိခင်များ၊ Diaphragm ဟုခေါ်သော အမျိုးသမီးကွန်ဒုံး အသုံးပြုသူများနှင့် မိန်းမကိုယ်တွင် ပွန်းပဲ့ဒဏ်ရာရှိနေသူများတွင် အဖြစ်များပြီး အိမ်ထောင်ရှင် အမျိုးသမီးများပါ အပါအဝင် ဆယ်ကျော်သက် အမျိုးသမီးများလည်း လစဉ်သုံးပစ္စည်း Pad ကို အတွင်းခံတွင် ကြာရှည်စွာ မထားသင့်ဘဲ အနည်းဆုံး ငါးနာရီလျှင်တစ်ကြိမ် လဲလှယ်ပေးသင့်ကြောင်း ဆရာဝန်များက အကြံပြုသည်။

ဆုလာဘ်
Credit : Popular

ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246