လူတစ်ယောက်နဲ့တစ်ယောက်မှာ လိုအပ်တဲ့ အိပ်စက်ချိန်က မတူညီကြပါဘူး။ ကလေးတွေနဲ့ သက်ကြီးရွယ်အိုတွေမှာ အိပ်စက်ချိန် ပိုပြီးလိုအပ်ကြပေမဲ့ လူငယ်နဲ့လူလတ်ပိုင်းအရွယ်တွေကတော့ အိပ်စက်ချိန် ၆ နာရီမှ ၈ နာရီကြား လိုအပ်ပါတယ်။ တကယ်လို့ အိပ်ရေးဝဝ မအိပ်ဘူးဆိုရင်တော့ ရေရှည်မှာ ကျန်းမာရေးကိုဆိုးရွားစွာ ထိခိုက်စေမှာအမှန်ပါ။
၁။ ယာဉ်မတော်တဆမှု
သိပ်ကိုအန္တရာယ်များပါတယ်။ အိပ်ရေးဝဝမအိပ်ဘဲ ယာဉ်တစ်ခုခုကို မောင်းနှင်ရင်း အိပ်ငိုက်ပြီး ထိခိုက်ဒဏ်ရာရတာတွေဖြစ်နိုင်လို့ အိပ်ရေးမဝဘူးဆိုရင် ကားမမောင်းပါနဲ့။
၂။ ရောဂါဘယ
နှလုံးနဲ့ပတ်သက်တဲ့ရောဂါတွေ ဖြစ်လာနိုင်ပါတယ်။ နှလုံးခုန်မမှန်တာ၊ နှလုံးအားနည်းတာ၊ ရုတ်တရက်နှလုံးခုန်ရပ်သွားတာမျိုးအထိတောင် ဖြစ်နိုင်ပါတယ်။ ဒါတင်မက သွေးတိုးနဲ့ ဆီးချိုလည်း ဝင်လာနိုင်သလို လေသင်တုန်းဖြတ်တာတွေလည်း ဖြစ်နိုင်လို့ မပေါ့ဆသင့်ပါဘူး။
၃။ ချစ်မှုရေးရာ
ချစ်တင်းနှောဖို့အတွက် ဟော်မုန်းထွက်ရှိမှုတွေ မူမမှန်တော့ပါဘူး။ ချစ်တင်းနှောစိတ်လည်း လျော့ကျတာမျိုးဖြစ်လာနိုင်လို့ ကိုယ့်ချစ်သူနဲ့ အဆင်မပြေဖြစ်လာနိုင်ပါတယ်။
၎။ စိတ်ဓာတ်ကျတာ
အလွန်အမင်းအိပ်တာ၊ အိပ်ချိန်နည်းတာ၊ အိပ်စက်မှု ပုံမှန်မဟုတ်တာတွေက စိတ်ကျရောဂါဖြစ်အောင် တွန်းပို့နေသလိုပါပဲ။ တစ်ညကို ၆ နာရီပြည့်အောင် မအိပ်သူတွေဟာ စိတ်ဓာတ်ကျဆင်းလွယ်ပြီး ပူပန်သောက ပိုများတတ်ပါတယ်။
၅။ အလှပျက်နိုင်
အလှအပဘက်ကကြည့်မယ်ဆိုရင်လည်း အိပ်ရေးမဝတဲ့လူက မျက်ကွင်းညိုတာ၊ မျက်အိတ်တွဲတာတွေ ဖြစ်လာမှာ သေချာပါတယ်။ အိပ်ချိန်နည်းတာကြောင့် အသားအရေတင်းရင်းစိုပြေမှု လျော့ကျသွားလို့ မျက်ဝန်းလှလှလေးတွေနဲ့ ဝေးရပါလိမ့်မယ်။
ကျွန်တော်သိ၊ကျွန်တော်တတ်၍ ရေးသားခြင်းမဟုတ်ပါခင်ဗျာ။ ကျွန်တော်လေ့လာမိသမျှကို စာဖတ်သူများပြန်လည်လေ့လာမိစေရန် ပြန်လည်မျှဝေခြင်းသာဖြစ်ပါသည်။ ကျွန်တော့်ပို့စ်တစ်ခုချင်းစီအတွက် မူရင်းရေးသားသူများကို အထူးကျေးဇူးဥပကာရတင်ရှိပါတယ်ခင်ဗျာ။ အောင်မြင့်မြတ်(Myanmar Youths) Ph-09256480246
0 comments:
Post a Comment